السيفيا عربية ممتازه عن تجربة شخصيه و قطع الغيار متوافرة و ارخصهم و مش هتحس بفرق كبير فى السواقه توكل على الله و صلى استخاره و اللى فيه الخير يقدمه ربنا ان شاء الله
عرض للطباعة
السيفيا عربية ممتازه عن تجربة شخصيه و قطع الغيار متوافرة و ارخصهم و مش هتحس بفرق كبير فى السواقه توكل على الله و صلى استخاره و اللى فيه الخير يقدمه ربنا ان شاء الله
توكل على الله فى السيفيا ياباشا
و حضرتك ممكن تقرأ المواضيع الى ف توقيعى و استخير و توكل عالى الله..
شكرا على متابعة حضرتك ياباشمهندس وفعلا اللانسر أكتر عربية بياعة ومطلوبة ومتماسكة فى سعر إعادة البيع
شكرا على نصيحة حضرتك وفعلا شكل العربية واسعة ولكن لم أتخيل أنها تستوعب أربعة ركاب بالخلف وهى ميزة رائعة ولاشك
شكرا لمتابعة سيادتك وهما سيارتين فى غاية الشياكة ولكن العديد يخوفوننى من الأوبل والرينو فيما يتعلق بتكاليف الصيانة وقطع الغيار
شكرا لنصيحة حضرتك وإن شاء الله أذهب لمعاينتها والله الموفق لما فيه الخير
شكرا على مشاركات حضرتك المفيدة وإن شاء الله يكون لى نصيب وأنضم لمنتدى الكيا
يا تري رسيت علي ايه ؟
عربيات الاوبل ممتازه بس منصور مش بيعرف يتعامل معها ازاي
توكيلها وحش اوي
لو معاك فلوس البومه 1600 هتهه هتكون موديل حديث وأعطالهه قليلة مش هتغلبك وقطع غيارهه الأصليه معمره ومنتشره و الاستيراد متوفر كمان وأدائها ممتاز عن تجربة
الاوبل طبعا الماني ومعلهاش كلام بس الموديل القديم غالبا هتكون شقيانه ومحتاجه مصاريف فهتتعبك و 2000 cc استهلاك بنزين عالي شويتين لو هتكون تنقلاتك بيهه جوه البلد كتير
السيفيا بيشكروا فيهه لاكن مجربتهاش قبل كده بس أكيد اليباني يكسب وكمان عشان فرق الموديل و سهولة عملية إعادة بيعهه
وفي النهاية ربنا يوفقك للأنسب ليك إن شاء الله
شكرا على المتابعة وقد ذهبت لألقى نظرة مبدئية على السيفيا وهى تبدو بحالة جيدة وصاحب الجراج قال أنها راشة الجنبين فقط وعاملة حوالى 85 ألف كم وصاحبها ماسك على 47 ألف جم وسوف استخير ربنا فيها
شكرا على مشاركة حضرتك وفعلا ناس كتير خوفونى من الأوبل
شكرا لسيادتك وفي ناس كلمونى على لانسر 2006 أوتو 1600 وكانت شغالة ليموزين وعاملة 113 ألف كم ولكنها كانت مخبوطة فى الشنب وتم تصليحها ومطلوب فيها 62 ألف جم فهل تعتبر صفقة جيدة أم لا
السيفيا الاوتوماتيك فتيسها سيئ واعطاله كتير وسحبها تقيل وسعرها غالي وده كده سعر الكيا السبكترا ..
من بين قائمة العربيات اللي حضرتك مختارها في الاول ..ارشحلك البروتون الجين ..لان زي مالاخوه قالو الانسر ال1300 سحبها تقيل والاوبل قديمه وقطع غيارها غاليه (2000 سي سي )
وبالنسبه للعربيه اللانسر ال 1600 الاوتوماتيك ...عربيه ممتازه بس اللي معروضه عليك دي انا مش مستريحلها وده لكذا لسبب :
اولا بسبب سعرها القليل جدا (62 الف ) والمفروض سعرها لايقل عن 72 الف
ثانيا انها موديل 2006 وشغاله ليموزين وعامله 116 الف بس ..وده معدل قليل اوي بالنسبه للموديل وانها ليموزين والمعدل ده ممكن يتعمل في سنه واحد لو العربيه شغاله ..وممكن تكون عامله 500 الف كم مثلا ومغيره عداد ...
وده راي الشخصي
وربنا يوفقك ان شاء الله
لا بلاش أحسن شوف حاجة نضيفة أحسن لان سعرهه يقلق وبعدين اي عربية بتتأجر بيطلع عينهه وبعدين موضوع وخده خبطة من قدام كمان ميطمنش و عشان متضيعش وقت وفلوس في الكشف علي عربية إحتمال كبير انها تكون معيوبة فنصيحة الإعلانات اللي فيهه شك كده من الاول إبعد عنهه عشان مريت بالتجربة دي قبل كده
متستعجلش في الاختيار وان شاء الله ربنا يوفقك