حملة ... خليها واوعى تفرط فيها لمحارية جملة " لاعلى سعر "

لاعلى سعر ... جملة تعني منتهى الجشع
جملة مستفذة جدا وكأن مفيش منها اتنين ولما هي غالية عليك اوووي كده عايز تبيعها ليه ؟؟؟
نفسي حد يجاوبني >>> ليه واحد معتز بعربيتة وغالية عليه لدرجة انه بيفتح عليها مزاد وبيقول من غير كسوف ولا حياء ولا خشا " لاعلى سعر " يفكر اصلا يبيعها ؟
خلاص خليهالك طالما بتحبها اوي كده
تخيلوا لو كل حاجة في حياتنا اصبحت تباع بهذه الطريقة المستفذه يعني مثلا تروح للفكهاني تقوله بكام الموز ؟ فيرد ويجاوبك " لاعلى سعر " اشمعنى يعني العربيات والعقارات اللي بيطلب فيهم كده بجد جملة لو صاحبها فكر شوية وبصلها بعين العقل والله يتكسف يقولها لانها تعني جشع وطمع ... بجد ان مُستفذ جدا من هذه الجملة ونفسي نعمل حملة ونقاطع اي اعلان مكتوب فيه الجملة دي عشان صاحبها يخلي عنده شيئ من الوضوح ويكتب هو طالب فيها كام فياريت لو كل اخ فاضل واخت فاضلة يسعدوني على نشر هذا الفكر لمحاربة الاستغلال والغلاء والجشع والطمع المتستر وراء هذه الجملة المستفذة " لاعلى سعر"
حسبنا الله ونعم الوكيل
http://www............com/vb/sama-el...c/progress.gif http://www............com/vb/sama-el...ttons/edit.gif

أنا لا أفهم معنى المعلن بكلمة ( لأعلى سعر ) ..

يعني بيطلب من المتصل تحديد سعر لعربيته ؟ ويختار هو أعلى رقم ؟

مستحيل طبعاً إلا لو الزبون مش مدرك السعر الحقيقي .

طبعا أنا بأعمل كدا ( بأتجاهل تماما أي أعلان مش معاه سعر السلعة )

أنا بأتغاظ جدا لما تكون عاوز تشتري حاجة و تلاقي الأعلان نازل في الوسيط ........ و صاحبه مش كاتب السعر

و فيه ناس معانا هنا على المنتدى بتعمل نفس الحركة البايخة دي

يحط السلعة ............ و ميحطش سعر أو يقول لأعلى سعر ...............

حاجة غريبة و عادات غريبة ياريت الناس تبطلها

يعنى حتى انت ممكن تطلب سعر عالى وانا اقبل او ارفض انما تطلع عينى لما تجمع اسعار لا تتربا فى عزك

اى سلعه معليهاش سعر ينبغى عدم الظر اليها لوقف الاستغلال ... !!!!

متهيالي في ناس كتير ماتقصدش المعني ده يعني مثلا في ناس مابتكونش عارف سعر عربيتها او مثلا سمع كذا سعر من كذا واحد ومعندوش خبرة في العربيات ومش عارف ايه السعر الحقيقي فمكن يطلب اعلي سعر بحيس اكتر سعر يجيله يبيع بيه
وفي بردو عربيات بتكون متعدلة وفيها حاجات زيادة عن اي عربية فممكن بردو صاحبها ياكتب لاعلي سعر بدل ما يحط سعر غالي ويسمع كلام مالهوش لازمة فا بيستني اللي يقدر الحاجة بتاعته والله اعلم بس عموما انا بردو بضايق من الكلمة دي