الموضوع ده بقى بصراحة مستفز جدا ...!!!

**AHMED REFAT** · 27-09-2010 05:33 PM

احبتى فى الله بعد السلام عليكم ورحمة الله وبركاته .. طبعا كلنا فى طريقنا كل يوم بنقابل ميت حاجة بتحرق دمنا ولكن بصراحة اكثر ما بقى يستفزنى هؤلاء اللى المفروض انهم قدوة لغيرهم وانهم فرضا يعنى يكونوا اكثر التزاما وهم الضباط فتلاقى كل ضابط اليوميم دول مفيم عربيته اسود وماسح النمر او طامسها طيب تفيم وماشى مع انه استفزاز جدا لما تلاقى امين شرطة مقفك علشان ملصق صغير وقد يكون من الشركة البائعة كدعاية لها ويقولك يابيه الملصقات ممنوعة والفاميه ممنوع واللى مركبه هايروح النار واكثر ما يحرق دمى طمس النمرة طيب يعنى لو سعاته خبط واحد مين هايخد حقه ده ولا عشان ظابط يستهين بارواح وحقوقو الناس واليكم مثلا للاستفزاز والاستهانة بحقوق الاخرين واللى مش عاجبه يخبط دماغه فى الحيط
لكن هناك من يحرق دمك بس لكن فيه شوية يعنى ومحافظ على حقوق الناس زى ده كده
بس برضه ارحم من غيره ... والله احنا نفسنا نشوف بلدنا احسن بلد فى الدنيا ولن يتحقق هذا الا بالعدل بين المواطن وغيره من اصحاب السلطة .. وابقى قابلنى ... مافيش فايدة

**elassar2010** · 27-09-2010 05:36 PM

واية المشكلة ؟؟؟
الموضوع بقى عادى خالص ومن السمات الاساسية فى الشارع المصرى

**osama.m** · 27-09-2010 05:48 PM

عادي عادي
انا بعدي في طريقي على كلية الدفاع الجوي و الكلية البحرية .. في عربيات مفيمة سوبر دارك و من غير نمر خالص :d

**mrwho1982** · 27-09-2010 05:53 PM

ابعت الصورتين دول للوزير بتاعهم ولا اقولك اعملهم البوم وجمع فيه الصور وحطو عندك في التابلوه بتاع العربة وفيم عربيتك

ولو حد وقفك وريلو الالبوم اللي معاك وقولو حاسب دول الاول وبعدين حاسبني

**AHMED REFAT** · 27-09-2010 05:54 PM

المشاركة الأصلية كتبت بواسطة osamalover

عادي عادي
انا بعدي في طريقي على كلية الدفاع الجوي و الكلية البحرية .. في عربيات مفيمة سوبر دارك و من غير نمر خالص :d

طيب الفيميه وخلاص ورضينا وامرنا لله بس حق غيره .. يعنى لو الباشا اللى راكب العربية مستهتر وضرب واحد بعربيته وسابه ومشى ده اسمه ايه بقى بالله عليك حق الراجل ده هايجيى منين وحق اولاده اللى ممكن يتيموا على ايد مستهتر زى ده .. والله ده كلام يحرق الدم

**makka** · 27-09-2010 06:02 PM

المشاركة الأصلية كتبت بواسطة mrwho1982

ابعت الصورتين دول للوزير بتاعهم ولا اقولك اعملهم البوم وجمع فيه الصور وحطو عندك في التابلوه بتاع العربة وفيم عربيتك

ولو حد وقفك وريلو الالبوم اللي معاك وقولو حاسب دول الاول وبعدين حاسبني

هيقولك اتحاسبوا
ولا هيقولك بلاش لماضه ويسحب رخصك
انت فى مصر

**yasserelsayad** · 27-09-2010 06:05 PM

يعنى لو حتى خبط واحد ولا عمل حاجة وهو نمره ظاهرة ومش طامسها .. ايه اللى هيحصله يعنى ؟؟

**elassar2010** · 27-09-2010 06:48 PM

المشاركة الأصلية كتبت بواسطة yasserelsayad

يعنى لو حتى خبط واحد ولا عمل حاجة وهو نمره ظاهرة ومش طامسها .. ايه اللى هيحصله يعنى ؟؟

هيتنازل عن المحضر

**a_samy** · 27-09-2010 08:07 PM

دى فعلا بقيت حاجه مستفزه واستهتار بالبلد والنظام العام.
يعنى لما أبقى مركب ستاير كبس فى زجاج العربيه اللى ورا عشان الشمس والحر ويوقفنى ظابط صغير يطنطط عليا ويسحب رخصتى عشان الستاير مع ان العربيه مكشوفه من جوه مش زى اللى مفيمها ومحدش شايف اللى جوه يبقى ده حلال ولا حرام؟
حاجه تكسف وتحزن ولا حول ولا قوة الا بالله.