من هو افضل توكيل لنيسان فى الاسكندرية

**ekmarei** · 27-09-2010 06:17 PM

السلام عليكم ورحمة الله وبركاته
نويت ان شاء الله انى اشترى نيسان صنى
و انضم الى هذا الباب الرائع بأعضائه
موديل 2011 سوبر صالون لون اببض فرش بيج
و عايز اعرف من حضراتكم احسن توكيل فى الاسكندرية من حيث السعر المواعيد فى الاستلام الهدايا سرعة انهاء اجراءات المرور
و طبعا انا سئلت عند احمد مرعى قالى لا يوجد لون ابيض و الكلام ده كان لموديل 2010 لاكن لما سئلت عند السبع فى القاهرة قالى ممكن يوفر لى اللون لاكن بياخد وقت لانه بيطلب من المصنع

**khela** · 27-09-2010 09:22 PM

برضة بقول الف مبروك ليك مقدما واهلا بيك مع النيساناوية الاسكندرانية علشان لسة مبارك لزميل اسكندرانى نوى يشترى النيسان ماشاء االله انا شايف العربية نجمها بيلمع جامد وخصوصا فى اسكندرية
بالنسبة لافضل موزع انا طبعا متعملتش معاهم كلهم بس انا شارى عربيتى من عبد اللطيف جميل فى الداون تاون وتعاملاتهم كويسة جدا العربية الى كنت طالبها كانت موجودة (مانيوال سوداء) وسلموهالى بعد اسبوع اجرت منهم نمر مؤقتة لمدة يوم واحد وطلع معايا واحد محترم جدا للاسف مش فاكر اسمة ورفض ياخد اى فلوس
وعموما انت انزل اسال عندهم وبرضة عندك مودرن و مرعى

**Eng_Moh.Dewair** · 28-09-2010 10:32 PM

الف مبروك مقدما . حاول تاخد لفه عليهم كلهم وشوف الكلام ايه وقرر انت (اختار اللى هيوفرك اللون المطلوب بدل ما تسافر القاهره مخصوص وساعتها مش هتلاقى حد يرخصلك فى اسكندريه)

**Ahmed.TV** · 29-09-2010 01:21 AM

اهلا بيك معانا وشرف لينا وجودك معانا طبعا
وانا رائى من رائ الاعضاء خد لفة وشوف عروض كل موزع معتمد عندك ايه
والمناسب ليك اتفق معاه
ولو احتجت اى حاجة احنا تحت امرك

**ekmarei** · 29-09-2010 03:46 AM

المشاركة الأصلية كتبت بواسطة gobeltoffire

الف مبروك مقدما . حاول تاخد لفه عليهم كلهم وشوف الكلام ايه وقرر انت (اختار اللى هيوفرك اللون المطلوب بدل ما تسافر القاهره مخصوص وساعتها مش هتلاقى حد يرخصلك فى اسكندريه)

الله يبارك فى حضرتك و الف شكر

**ekmarei** · 29-09-2010 03:47 AM

المشاركة الأصلية كتبت بواسطة ahmed.tv

اهلا بيك معانا وشرف لينا وجودك معانا طبعا
وانا رائى من رائ الاعضاء خد لفة وشوف عروض كل موزع معتمد عندك ايه
والمناسب ليك اتفق معاه
ولو احتجت اى حاجة احنا تحت امرك

الله يكرمك استاذ احمد و طبعا انا مش حلاقى احسن منكم اسئلة و شكرا لردك

**arakysolom** · 29-09-2010 10:32 AM

السلام عليكم
ممكن تروح عند الطارق و تاخد منه تخفيض عن السعر الرسمي يعني ممكن تفاصل و كمان ممكن احمد مرعي في سيدي جابر ممكن ينزلك 500 جنيه بس موضوع اللون ده انا معرفش حله ايه بس مرعي موزع معتمد و ممكن يطلبلك اللون
القاهرة حيكون ارخص بس حتتكلف ايجار لوح تجارية من اي معرض و طبعا حتجيب العربية ماشية و ده خطر انك تسافر بيها اثناء التليين الا لو انك اجرت كساحة بس كده حتبقي موفرتش حاجة و الف مبروك مقدما

**megahed124** · 29-09-2010 12:50 PM

1000 مبروك ياباشا و برده اؤيد انك تاخد لفه كده و تقارن خصوصا ان فى صعوبه فى الحصول على العربيه اليومين دول عشان ظروف المصنع بس راى الشخصى ابعد عن عبد اللطيف جميل انا كان لى تجربه مش لطيفه بالمره مع الناس دى بس فى عندك مرعى و مودرن و فى موزع تانى فى طريق اسكندريه الصحراوى جنب كراش كده برده اسأل عنده و الله الموفق