الاقيه فين يا جماعه وسعره كام؟
ومش هو المفروض هيريح البطارية والدينامو خصوصا ان عربيتى قديمه (و أمبليفاير 1000 وات) و2 سيمفونى 400
وكمان الانوار فى الضياع ولما اشغل الكاسيت شوية والعربية مطفية البطارية تنام (بطارية 70 امبير)
عرض للطباعة
الاقيه فين يا جماعه وسعره كام؟
ومش هو المفروض هيريح البطارية والدينامو خصوصا ان عربيتى قديمه (و أمبليفاير 1000 وات) و2 سيمفونى 400
وكمان الانوار فى الضياع ولما اشغل الكاسيت شوية والعربية مطفية البطارية تنام (بطارية 70 امبير)
هيفرق بس مش الفرق الكبير ده لانى بعانى من نفس الموضوع ده و بطر كل 10 دقايق ادور العربيه و بطاريتى 66 امبير
هو موجود و مرمى فى بورسعيد عند الزعيم و محل تانى فى وشة مش فاكر اسمة بالظبط بس موجود و سعره تقريبا 400 و ازيد سنه
بس عايز الخلاصه بدل ماتجيبه هاتلك بطارية احسن و تكون على الاقل 88 امبير
شكرا على سرعه الرد يا استاذ على
هو ارخص من كده عند مجدى كلاريون (معرفش مكانه الصراحة) بس ال1 فاراد وكان ب250 من كام شهر جايبه عضو معانا هنا فى المنتدى
انا البطارية عندى لسه جديدة بس حاسس ان الجى ام مش بيؤدى صح خصوصا انه 1000 وانا مش شايف اى مظاهر لل 1000 هههههههههههه
طيب تعمل كام البطارية ال90 دى وتبوظ حاجة فى العربية؟
يباشا انا الجى ام بتاعى 1200 ولله سيب العربيه طلعت البيتو سيبت الكاسيت شغال بجيب حاجه نزلت بدور العربيه مفيش صوت تكة المارش حتى و بعدين الامبير الزياده يعنى سماحية اكتر لسحب الامبير لما رجعت و بصيت فى المانيوال بتاع الجى ام لقيته بيسحب 44 امبير و ما ادراك بالصدمه حسيت انى مع النور و لو مشغل حاجه فى الولاعه البطاريه هتخلص هههههه
يا باشا مهى العملية مش بتكبير البطارية دى مشكلة كبيرة مش فى دينامو بيشحن البطارية شوف عندك الدينامو كام الاول لانة لو جبت بطارية كبيرة والدينامو صغير يبقة ملهاش لازمة بالعكس انت بتجهد الدينامو على الفاضى
مش عارف بصراحة موضوع الكابيستور دا هيبقة اة نظامة انا اعرف انة فكرتة انة بيشحن ويدى الجى ام بحيث ميبقاش فى استهلاك مباشر من البطارية وبالتالى يدى الباور مظبوط للجى امات وفى نفس الوقت ميحملش على البطارية فا بالتالى العربية من انوار والذى منة ياخد حقة بس كل دا كلام نظرى مش عارف عملى هيكون اة بقة بصراحة ؟؟؟؟
مهو النظرى ده اللى مخوفنى انا عايز عملى ياريت لو ناس مجربة برضه تقول رأيها؟
محمد باشا فريد
الكاباسيتور مش هايحل المشكلة بتاعتك
الكاباسيتور بيحل مشكلة واحدة بس
هي ضعف كهرباء العربية (النور الواطي والعالي والتابلوه وما الي ذلك) أثناء البيز العالي
أنا شخصيا لما كنت مركب الجي ام الـ4000
كان مع رنة البيز كهربة البوجيهات بتضعف وسحب العربية بيقل !!!!!!
نسيت اقوللك الكاباسيتور موجود في كلاريون احمد عرابي لكن ماعرفش سعره كام ومش فاكر ماركته
وموجود كمان عند سحس جامعة الدول العربية جنب فرغلي ماركة باور أكوستيك وسعر 350 ج
خلى معاك بطارية تانية مشحونة احتياطى
الباور اكوستيك ده كان 1 فاراد برضه
وطبعا أكيد فرق السعر عشان فرق الماركة
ويبدو انك مافهمتش قصدي
الكاباسيتور بيقضى على ضعف الكهرباء لحظة رنة البيز فقط
في اللحظة اللي بيطلع فيها بيز جامد الجي ام بيسحب باور عالي (أمبير كتير)
ده بقا بيسحبه من الكاباسيتور بدل ما يسحبه من البطارية وكهربة العربية تضعف
لك أن تتخيل ان كان عندي الجي ام 4000 واط بيسحب أكتر من 50 أمبير من البطارية لحظة البيز ؟؟ طب باقي العربية تشتغل بإيه اذا كانت البطارية كلها 60 !!!
طبعا لازم النور يضعف والموبينة والبوجيهات يفصلوا
كنت بابقا سايق واحس كأن حد شال رجلي من على دواسة البنزين وحطها تاني ههههههه
انما حوار نوم البطارية عند تشغيل الكاسيت والعربية مبطلة وتقل الدوارة الخ الخ مالهوش اي علاقة بالكاباسيتور وهاتفضل المشكلة موجودة بل وربما تزيد كمان !!
والحل زيادة أمبير البطارية بلا شك (مع تغيير الدينامو بأكبر إذا لزم الأمر)
كاباسيتور 1.5 فاراد ب 250 جنية عند السجان و 2 فاراد 350 و 4 فاراد 450
غلط كبير أوي اننا نهتم بالرقم دون الماركة !!!
عندك في التوفيقية سماعات 900 واط بـ80 او 90 جنيه
والغاوي ينقط بطاقيته !!
سهله هاتلك مالتى ميتر يكون بيقيس ال capcitance و هيكون سعره بيترواح من 45 الى 70 جنيه و لو مطلعش الرقم اللى بتقيسه صح او قريب منه سيبك منه و ماشى و متدفعش فلوس فى حاجه انت مش واثق فيها
عندى نفس المشكله برضه
الحل انك تركب دينامو اكبر وبطاريه اكبر (لازم الاثنين مع بعض )
انا ناوى بإذن الله اجيب دينامو بتاع مرسيدس استيراد 90 امبير وبعد كده ابقى اجيب بطاريه 80 امبير ان شاء الله او 90 امبير مثلا لو القاعده بتاعه البطاريه اتحملت
حضرتك عشان تلاقي جهاز يقيس capacitance واحد فاراد يبقى تحط جنب الرقم اللي انت كتبته ده صفرين تاني على الأقل !!
قياس الكاباسيتانس اللي في المالتي ميتر العادي بتاعنا بيكون بالميكرو فاراد أقصى حاجة..
كأنك بالظبط بتدور على جهاز يقيس كهربة محول كهرباء رئيسي بالميجا فولت
مش متذكر ولله النوع بس انا ارشح انك تشوفهم بنفسك و تراجعهم تانى على النت قبل ما تشترى اى حاجه