شكرا سوزوكى ماروتى الهندية
برغم زعلى من التوكيل بس انا بشكر المصنع الام فى الهند و التوكيل كمان بالمرة لانهم مغيروش الكاوتش الاصلى بتاع العربية 2009 و نوعه جود ييرgood year و مكتوب عليه صنع فى الهند
لانه اصابة مسمار 10 و طوله حوالى خمسة سنتيمتر و دخل فى العجلة اللى ورا يوم الخميس و مشيت بيها من عبود الى المريوطية و ثانى يوم طلعت على الكيلو30 اسكندرية الصحراوى
و النهاردة روحت المظلات
و كل دة و انا سامع صوت تكتكه فى الطريق و مش عارف ايه لحد ما ابو يوسف زميلى قاللى ممكن تكون زلطة بين الكاوتش فى الثنيات بتاعته و لقيتها مسمار عشرة راشق فيها
بصراحة العجلة مشيت بالمسمار دة حوالى 250 كيلو
اشكر التوكيل مودرن موتورز انه ما خلعش الكاوتش الاصلى و ركبلى كاوتش صينى قبل ما يبيعلنا العربية و سابهالنا بالكاوتش الاصلى بتاع بلدها
بس ياريته كمل جميلة و مكانش غير البطارية الاصلية و شال الغطاء بتاع العربية و الفرش بتاع العربية اللى عليه علامة سوزوكى
.