ساعدووووووووني انا حاسس اني اتنصب عليه وعايز نصيحه اهل الخبره

بسم الله الرحمن الرحيم

تحياتي لاعضاء المنتدي والمشرفين جميعا:


ياجماعه كنت عايز اخد رايكم فحاجه مهمه جدا انا فمشكله ومش عارف اعمل ايه ياريت محدش يبخل عليه

بالنصيحه يااهل الخبره

الموضوع بدا لما قررت اشتري عربيه وكان طبيعي اني افكر في عربيه الشعب128 لانها عربيه جميله وعلي قد ا

الحال

المهم لقيت عربيه موديل 72 معدله وكان شكلها كويس وكانت 8500 جنيه بس كان فيها حبه شروخ فالحوض

<العلب>

ولاني <حماار> فالعربيات قولت اروح لاهل الخبره واخد رايهم

المهم روحت لسمكري جارنا وخدته عشان يشوف العربيه ويبص علي الشروخ والعربيه كلها والموتور


قاللي تمام الموتور 100 100 والشروخ بسيطه العربيه كده علي سعرها تمام


وبعد ماخلصت فالعربيه لقيته عايز 200 جنيه عشان جه معايا يشوف العربيه <علي بعد محطتين اتوبيس من الورشه>

المهم اديته 150 بالعافيه بعد ماحسيت انه بيشتغلني

خدت العربيه ورحت لميكانيكي صاحب والدي وفوجات ان الوتور اللي قاللي انه 100 100 تعباااان وميجبش 60 فالميه

وكبيره فالحياه سنه ولازم يعمل عمره >2000جنيه< والعربيه عايزه شغل كهربه وزاوايا وخلافه


بالاضافه ان الرخصه فيها 7شهور


فانا مش عارف اعمل ايه ابيع دلوقتي واخسر اي حاجه ولااصلح وامشي بس وبعد 7 شهور هرخص وهحتاج اعمل عمره

وكل دي تكاليف مش عارف هقدر ارجعها لما اجي ابيع ولا لا

ولا مافكرش فالبيع وامش بيها واظبطها علي كده ةخلاص وخليها لحد ما ربنا يسهل وبيع من وسع بعد 3او 4 سنين

ارجووووووووو النصيحه ضروري جداا انا لسه موديها النهارده علشان الحم الحوض ومش عارف اعمل ايه خايف

تفتح فالمصاريف

ارجو الرد سريعا قبل ما اصرف حاجه تاني


واسف جدا علي الاطاله وجزاكم الله خير

طب ليه اتسرعت اشتريتها و انت مش خبرة في العربيات؟(سؤال فضولي :d) قدر الله وما شاء فعل.
رأيي المتواضع, بدام ملكش خبرة بلااااااااااااش تدخل في تصليحات, الصنايعية لما بيلاقو حد مش فاهم بينصبو عليه - اسف على كلامي بس قصدي النصيحة من واحد مجرب اكتر من ميكانيكي-.

http://www.nilemotors.net/Nile/163323-a.html

[frame="9 10"]
قدر الله و ما شاء فعل
قدامك حل من اتنين
1-تعتبر العربية مدرسة ليك تتعلم فيها كل حاجة من ميكانيكا و سمكرة و كل حاجة
وطبعا الحل حيكلفك فلوس كتير و وقت و تعب اكتر
2-متصلحش حاجة فيها و تلم الموضوع و لحد السادة الاعضاء يرشحولك صنيعية اهل ثقة تتعامل معاة
ربنا يقويك و يعوض عليك
بعون الله بسيطة
[/frame]

يعني ابيع


ولو بعت دلوقتي ممكن مااخسرش وابيعها ب8500 زي ماجبتها ولا ايه



والعربيه تعتها كام علي حالتها كده


شكرا للاهتمام

اقتباس:

---

المشاركة الأصلية كتبت بواسطة mana666

يعني ابيع


ولو بعت دلوقتي ممكن مااخسرش وابيعها ب8500 زي ماجبتها ولا ايه



والعربيه تعتها كام علي حالتها كده


شكرا للاهتمام

---

[frame="9 10"]
ممكن تبيع
بس السؤال
لو بعت
حتكون امين مع الشارى ولا حتعمل زى الى اتعمل فيك؟؟؟؟؟؟؟؟؟؟؟؟؟
خلى بالك
دة ممكن يكون اختبار ربنا ليك
فكر كويس فى السؤال دة
فكر كويس اوووووووووووووووووووووى
[/frame]

يا باشا العيوب ايلى فى العربية واضحة وانا شاريها وعارف ايلى فيها بس ايلى فرق ان ىالموتور هيحتاج عمرة بعد سنة ب2000 ج ا

وانا حاليا باعمل الشغل ايلى فى الحوض كله - بالنسبة للعيوب انا مش هخبى حاجة عشان حرام
تفتكر بعد ما يخلص شغل الحوض العربية ممكن تعمل كام

مع العلم ان المشكلة الوحيدة ايلى هتفضل هى موضوع الموتور

اخيرا تنصحنى امشى بالعربية وبعد سنـــــــــــــــــــــــ ـــــــــــــــــــــة اصلحها وخلاص ولا ابيعها دلوقتى ممكن تعمل كام على حالتها دى بعد ما صلحت الحوض

ولما تكون حاله الموتور 50 فالميه ده عادي وفي عربيات ماشيه علي كده ولا ده خطر

ارجو الافاده

شــــــــــــــــــــــــ ـــــــكـــــــــــــــــ ــــــــــــرا

بيغها ولو خسرت الف جنيه افضل من المها وبرضه مش هتجيب اللى دفعته فى تصلحيها
ده راى

روح اسأل عند كذا ميكانيكى أنا عارف واحد شاطر فى مدينة نصر عند المحكمة فى الحى السابع اسمه محمود وجنبه على بعد 3 محلات واحد اسمه صلاح لو مالقيتشى محمود روح للى جنبه الاتنين دول بيفهموا بس اى تغيير او تركيب قطع غيار تبقى واقف على ايديهم او تقيس كبس الماتور فى المحطة وبعدين الماتور مابيتعرفشى ان كان عايز عمرة او شنبر الا لما بيتفك وربنا يوفقك

لو لا قيتها واتأكدت انها عايزة عمرة بعها وماتعملشى فيها حاجة ولو بخسارة 1000 جنيه والله الموفق

بيعها ولو بالخسارة لانها بعد كده هتلقيها فتحت بقها وطبعا هتكون مضطر تصرف عليها وبعد كده تقول ياريتنى مصرفت عليها انا حصلى نفس الموقف ده بس مش ذى كده اوى كان مهعايا عربية رينو 9 موديل 83 كانت معايا حوالى 8 سنين بدون مبالغة واللهى صارف عاليها 30000 جنيية فى 8 سنين دول وكل لما انوى انى ابيعها تصعب عليا الفلوس اللى انا صرفتها عليها وقول حراام وكمان السعر اللى كان بيجيلى مش مغرى لان سعرها اصلا تعبان شوية لان الرينو تقيل شوية عشان قطع الغيار بس الحمد لله بعتها من شهريين .. دى نصيحة متواضعة والله الموفق

ياباشا انت شاريها برضه ب 8500 جنيه.. ال 128 اللى حالتها كويسه مش هاتقل باى حال من الاحوال عن 10000 جنيه..
وغير كدة انت لازم هاتلاقى فيها مصاريف ودة امر طبيعى..
وكمان عمرة ايه دى اللى ب 2000 جنيه؟؟ دانت لو جبت موتور استيراد من الوكاله هايعمله من 1200 الى 1500 جنيه..
انت كدة كدة مش خسران..

السلام عليكم_اهم حاجة دلوقتى_ تعمل الشاسيه_ولو_معاك فلوس_تعمل طقم شنبر_دلوقتى على طول_علشان لو صبرت عليه_لازم تعمر بعد كدة.وامشى خبط بيها_وعادى جدا_انا من 3 سنين_اشتريت 27 _ب9_وكانت عايزة عمرة_وسمكرة_ودوكو_وكل حاجة_صرفت عليها 10 ألاف فى 3 سنين_وبعتها من 4شهور_ب10 الاف_تقريبا.

[frame="9 10"]
والله السادة الاعضاء ارائهم تحترم
وكل واحد شرح الحل و عيبة
اظن كدة القرار اصبح ليك لوحدك
واهم حاجة انك تاخدة و تكون مرتاح نفسيا لية
سواء كنت حتصلح او حتبيع
لابنا يوفقك
[/frame]

لو بعت هتخسر اكتر و كل واحد يجي يشتري هيطلعلط القطط الفطسانه اللي فيها

اى عربيه لازم تصرف عليها لما تشتريها بس انتى تعرضها للبيع يعنى تبيع بيع غناوه وتدور على عربيه ثانيه تكون احسن
بس ماتبعش العربيه الا لما تكون شايف عربيه ثانيه ومربط عليها لان من الصعب انك تلاقى عربيه كويسه على طول
بس راى الشخصى انك تخليها معاك بس متصرفش الا الحاجات الاساسيه والترويش والحجات الثانيه ملهاش لازمه دلوقتى

بيع فورا ومتصرفش قرش

سعرها عادل جدا لحالتها