الموضوع: استفسار بخصوص تقسيط a516

السلام عليكم
انا ان شاء الله ناوى اشترى a516 وناوى ادفع 50% واقسط الباقى بس انا عايز اقسط مع شركة او معرض مش عايز اقسط مع بنك مع انى موظف فى بنك وبعد البحث الطويل لقيت مكانين بس شركة كونتكت بفايدة حوالى 10.4% وشركة تانية اسمها (الشركة العالمية المتحدة للتجارة )بتاعة عبداللطيف جميل و دى مكانها فى المعادى و انا روحتها انهارده و بصراحة ده احسن عرض لاقيته وهى تقسيط مباشر مع الشركة بدون اى تعاملات بنكية ومن غير مصرفات ادارية و الفايدة 9% واهم حاجة مافيش تأمين اجبارى على العربية يعنى انت و رغبتك يعنى ممكن اوفر حوالى 10000 جنيه تامين طول ال 5 سنين و بصراحة العرض عاجبنى و دفعت 1000 جنيه و حجزت العربية وهما طالبين وصل كهرباء و وشهادة بالدخل من جهة العمل وضامن ومافيش اى شروط على الضامن و بصراحة ده احسن عرض وان هتوكل على الله و اشتريها بس انا بسال لو حد سمع عن الشركة دى قبل كده و اتعامل معاها ولو حد يعرف بردو مكان تانى بيقسط من غير تعاملات بنكية و شكرا و اسف على الاطالة

الشركة دى انا شارى العربية منها بالقسط بس من فرع شارع السودان على فكرة شركة محترمة جدا وبالاضافة انك لو حصل وعدى عليك ميعاد القسط لا ياخذو فوائد تاخير ودى حاجة مهمة حتى نبتعد عن شبهة الربا وربنا يوفق ياباشا