محتار في اسم بنوته ...؟؟!!!

**dolly13** · 28-09-2010 10:43 PM

اولا الف مبروك وباذن الله البنوتة تيجى بالسلامة
اقترح عليك اسم لجين وهو بمعنى الفضة
كان نفسى اسميه جدا لكن ربنا رزقنى بسلمى ونادين
اختار اللى يعجبك منهم
والف مبروك مرة تانية

**ayman97** · 28-09-2010 10:59 PM

توصل بالسلامة بنوتتك الجميلة
خد عندك بعض الأسماء بعضها جديد والبعض قديم ولكنه موجود وموضة:
هنا - هيا - أروى - روان - رواء - ريناد - رنا - سارة - لينا - لُجَـين - أريج- دانية -

**abogogo** · 28-09-2010 11:46 PM

المشاركة الأصلية كتبت بواسطة Moh.Abdelbaset

جويرية ( على اسم جويرية بنت الحارث زوج النبي صلى اللع عليه و سلم) و بيبتدي بحرف الجيم
مريم - ليلى

جويرية اسم جميل جدا وهو تصغير لاسم جارية بس هيكون مشكل كبيرة لأي حد ألدغ في حرف الراء "ر" عشان حرف الراء قبله حرف "ي" وبعديه حرف "ي" .....

... الله يبارك فيكم جميعا ..... ومتشكر جدا لحسن تعاونكم معنا ..... الواحد من كتر المعروض مش عارف يختار عامل زي واحد جالس على السفرة وامامه خمسين صنف حاببهم كلهم ومش عارف ياكل ايه منهم ....

**Donzi** · 28-09-2010 11:57 PM

المشاركة الأصلية كتبت بواسطة brown-eyes

ده مش انا لواحدي بقي انا كمان مستني بنوتة ربنا يسهل وتوصل بالسلامة مفروض الولادة خلال اليومين دول وحتار في الاسم كنت استقريت علي ملك بس ناس كتير قالتلي انه انتشر قوي
انا عايز اسم يكون عربي مصري وميكونش في حرف ر ويكون يمشي اجنبي لان الولادة مش في مصر فا عايز اسم يكون سهل الكتابة عشان مايعملش مشاكل في الورق انا بفكر في
malak
guilia
diana
مراتي عايزة ملك بس ممكن اقنعها بحاجة تاني !!!!

المشاركة الأصلية كتبت بواسطة Ahmed.Ali

أنا برضوا في انتظار بنوته المشكله ان كل الناس الكبار بينصحوا باسماء سهله النطق و الكتابه عشان متتعزبش في حياتها الورقيه المصريه :) بس المدام مصممه علي اسماء خزعبليه
علي العموم انا بحب دول اوي
روداينا
فرح
فريده
مريم

الف مبروك مقدما و ربنا يقوملوكوا المدامات بخير و البنوتات يجيو بالف سلامة و ينوروا الدنيا و يتربوا في عزوكو يا رب

هما الولاد مالهم نادرين كدة ليه كلو بنات بنات ؟؟؟

مفيش حد مستني ولد ولا ايه يا جماعة

.