تجارة الممنوعات في مصر او الكتب الخارجية
ناس زمايلنا في الشغل عندهم عيال في المدارس وقعوا على سمسار ممنوعات..يعني كتب خارجية دراسية بيجيب لهم الكتب في الخباثة وفي الكتيمي وفي كيس اسود ملفوف اربع مرات!!!!!! المهم أنا قابلت السمسار دا وحكى لي عن العجب العجاب..قال لي إن بتوع المصنفات اصبحوا مقيمين في الفجالة..وتبقى وقعته سودا إللي يتظبط عنده كتب خارجية..وإن اصحاب المكتبات بيجوا الفجالة الفجر ياخدوا البضاعة..لا من شاف ولا من دري..والبيع اصبح للناس إللي بيثق فيهم فقط..لدرجة إنه مارضيش يديني رقم تليفونه!!!!! والطماطم بسعر التفاح والفاصوليا اغلى من الاتنين..بس الفراخ رخصت..والحمد لله رب العالمين
انت بقى جبت الممنوعات ولا خايف تروح ورا الشمس علشان معاك سلاح غير مرخص (سلاح التلميذ)