بص في مرايه عربيتك الأول !!

**abo_lamar** · 27-09-2010 11:23 PM

والنبي عشان خاطري لو سمحتوا .... أي واحد طالع بعربيته يبقى يبص على الشارع من مرايته عشان الواحد مش ناقص خانقة ... النهاردة مرتين الاقي عربيتين طالعين وانا ماشي جنبهم بالضبط ولا باصين في مرايه عشان يشوفوا مين اللي جاي ورهم ولا حاجة و1000 طظ في الناس والله العظيم في المرتين العربية بتاعتي خلاص كانت حتتخبط لولا ستر ربنا .

**Nistelrooy** · 27-09-2010 11:40 PM

ما خلاص الشعب بقي ماشي بنظرية الـ Booz Base
واكتر حاجة اكرها اكون ماشي في حارتي وواحد يجي فجاة قدامي .. طيب براحتك .. بس اديني اشارة طب شاور لي حتي ؟؟ مش يخطف الحارة خطف

**Abo_Lina** · 28-09-2010 01:11 AM

مراية مرة واحدة ..
أنت طموح قوي
و على فكرة برضه هو لو بص في المراية و شافك جاي هايطلع برضه ..

**shiko85** · 28-09-2010 01:37 AM

ناس كتير بتسوق من غير ما تعرف المرايا اللى فالجنب دى بيتعمل بيها ايه, تلاقى اللى قافلها واللى شايلها اصلا
بجد مش عارف المفروض الواحد يبص على ايه ولا ايه ؟؟ اللى بيعدى الشارع ولا العربيه اللى طالعه من اليمين ولا من الموتوسيكلات اللى فجأه تلاقيها جبنك من غير اى مقدمات و لا و لا ولا

**mhmdalsaadany** · 28-09-2010 05:17 AM

انا بقى اكتر حاجه بتغيظني يكون واحد جنبك لازق فيك ويدي اشاره ويقوم رامي عليك وكتير بيكون الطريق واقف وانت مش عارف تروح فين ويقولك بكل برود ما مديك اشاره
يا حلاوة مديني اشاره وانا واقف جنبه يقوم ناطط فوق مني وعادي جدا
خد من دا كتير في شوارع المحروسه

**M.Mosaad** · 28-09-2010 09:11 AM

امبارح نازل وسط البلد و في العادة بركن في جراج عبد المنعم رياض ماشي عادي لقيت عربيه النترا واقفه قدام الجراج وقفت وراه مستني دوري عادي جدااااا و سندت دماغي علي الكرسي لحد ما يدخل لقيت طاااااااااااااخ

الباشا بقي اللي راكب العربيه السايس عمال يقوله ارجع يا باشا فالباشا رجع من غير مايبص في مرايته و لبس فيا و ربنا ستر نازل لقوله هي المرايات دي فايدتها ايه يقولي ما هو السايس اللي بيقولي ارجع يعني الباشا بغي دماغه و عينه و سلم نفسة للسايس

عادي كبررررررررر خلاص مبقتش فارقه احنا بنأذن في مالطة

**ahmad5997** · 28-09-2010 10:29 AM

شكرا علي النصيحة يا غالي

**M.Nasr** · 28-09-2010 04:49 PM

المشاركة الأصلية كتبت بواسطة tyler_durden

مراية مرة واحدة ..
أنت طموح قوي
و على فكرة برضه هو لو بص في المراية و شافك جاي هايطلع برضه ..

هههههههههههههه والله هو ده اللى بيحصل فعلا هى بقت بلطجة الظاهر

**icehearted girl** · 28-09-2010 05:20 PM

ميبصش فلمراية دي مصيبة

انما الكارثة اللي بتحصل انه بيبقي باصص فعلا ومعتمد انه هيرمي عليك

ونت هتنزل تبوس جنط عربيته وتقوله اتفضل يا باشا

افففففففففففففففففففففففف ففففففففففففففف

حاة تخنق... خصوصا لما هو اللي فالاخر يبصلك من فوق لتحت لما تفوقه بالكلاكس