الموضوع: استفسار عن الايدل كنترول؟؟

المشاركة الأصلية كتبت بواسطة karimfahmy99

هى فعلا بتاخد كام ثانية و ترجع لطبيعتها . كدة ملوش لزمة الفك . العربية لسة معملتش حاجة عشان ابتدى افك فيها هههههه

يا باشا انا عارف انها لسا معملتش حاجه :-)

بس جو التراب اللي بلدنا الحبيب يقدر على اي حاجه :-) وعشان كده انا متأكد ان حضرتك لو فكيت الايدل هتلاقيه لونه اسود من الاوساخ اللي عليه , وبعد التنضيف هتلاحظ الفرق في الشكل والمضمون , وكمان ياريت بالمره لو تغيير فلتر الهواء

محمد حبيب قلبى الف ميروك الخطوبه معلش انا بعتذر عن التاخير اصل ظروف الشغل اخرتنى عن الرد دلوقتى انا نظفت الايدل كويس ومع ذلك الموضوع قل شويه بس مرحش خالص وبصراحه شكلى كده حرضى بالامر الواقع لان واضح ان الموضوع ده بقى ظاهره جديده فى الدايو وناس كتيييييييييييييير فى المنتدى بتشتكى منه وياريت الزميل اللى حيروح لمحمد السيد يقولنا عمل ايه حتى تعم الفائده ولكم جزيل الشكر

المشاركة الأصلية كتبت بواسطة zaza2002

محمد حبيب قلبى الف ميروك الخطوبه معلش انا بعتذر عن التاخير اصل ظروف الشغل اخرتنى عن الرد دلوقتى انا نظفت الايدل كويس ومع ذلك الموضوع قل شويه بس مرحش خالص وبصراحه شكلى كده حرضى بالامر الواقع لان واضح ان الموضوع ده بقى ظاهره جديده فى الدايو وناس كتيييييييييييييير فى المنتدى بتشتكى منه وياريت الزميل اللى حيروح لمحمد السيد يقولنا عمل ايه حتى تعم الفائده ولكم جزيل الشكر

ياباشا ربنا يبارك فيك والله :-) وبجد متشكر لذوقك والمباركه مش متأخره ولا حاجه :-) ده انا لسا ملحقتش افوق حتى , ههههه ,,, وربنا يقويك في شغلك ياباشا

المهم بقا بما ان تنضيف الايدل جاب نتيجه الي حد ما فالحمد لله , لكن ياريت بالمره تروق البوابه واكس البوابه بالـ wd40 وتشوف الدنيا ايه بعدها , وربنا يسهل وتطلع بسيطه بإذن الله

بس قولي صحيح انت عملت ايدل ليرن بعدها ؟؟ ولا نضفت الايدل وركبته على طول وجربت ؟؟؟؟

بص يامحمد البوابه اصلا كان الميكانيكى منضفها من شهرين تقريبا فمريتش انضفها تانى فنضفت الايدل كنترول بس وركبته وبصراحه دورت على طول بس افتكرت روحت عامل ايدل ليرن ومشيت لقيت الموضوع قل شويه صغيره فامش عارف هل ممكن يكون الحساس ده عايز يتغير ولا العيب فى tps