اللى فى
المنطقه:عين شمس خلف حديقة بدر جسر السويس
هل كويسة ولا لا وفيها مميزات ولا
ياريت تفيدونى
عرض للطباعة
اللى فى
المنطقه:عين شمس خلف حديقة بدر جسر السويس
هل كويسة ولا لا وفيها مميزات ولا
ياريت تفيدونى
هى اصلا مش تبع النزهة خالص هى تتبع حى السلام
العمارات هناك مرتفعة الشوارع الداخلية ضيقة
الشوارع الرئيسية معقولة
بس مش المستوى عادى مش سكن مميز او راقى
هى دية المعلومات اللى عندى
اعتقد ان سعر المتر تقريبا 1500 وممكن اقل حسب تميز المكان على الشارع الرئيسى او مش مجروحة
الشارعين الرئيسين شارع الاربعين وشارع الوحدة الوطنية او العشرين
أنا سمعت من ناس انها منطقة زي باقي عين شمس، عشوائية و الشوارع مكسرة و الناس مستواها مش قد كده. و أعتقد أن كل المباني هناك مبنية بأدوار مخالفة. يعني الأدوار المخالفة مش هيدخلها كهرباء إلا بعد ما صاحب العمارة يدفع للكهرباء مبلغ معين علشان يتصالح. و الله أعلم. ده كلام سمعته من ناس و مشفتش بنفسي. ولازم تتأكدي بنفسك.
يعنى اخد شقة ولا لا
اصل انا اول مرة اشترى شقة ولاقيت سعرها مناسب من 70الف الى 80الف
ايه رايكم
انا اعرف ناس شاريين هناك
يمكن الاسعار هي اهم ميزه هناك
غير كده كله عادي
يمكن دلوقتي المنطقه حلوه نوعا ما علشان فاضيه شويه بس لما تتزحم هاتكون صعبه اوي لان الابراج عاليه كلها 12 دور في شقتين والشوارع الداخليه كلها 10 متر
المنطقة ليها داخلة واحدة ، وفعلا الشوارع مكسرة جامد ، بس كمكان حلوة ، (بيقولا عليها الخمسين على أساس عرض الشارع وكده)
أنصحك تروح وتشوف بنفسك
ايه ده هو فى دلوقتى شقق ب 70 - 80 الف ؟؟
ياريت فين بالظبط دى عاوز اشوفها
المنطقه هناك شوارع مكسرة و مش حلوة انا عندي شقه قريبه من هناك بس في حته تانيه خالص في ظهر فندق السلام شارع باين اسموة احمد عرابي او عربي حاجه كده و دي منطقه احسن كتير و الشقه هناك رخيصه 90 و 100 معلش ان كنت بدخل بس انا بابييع الشقه بتعتي لظروف و الي بيقول في شقق بالسعر دجه اه في طبعا بس عشوايات
مع احترامي لكلامك طبعا
بس انا ساكن في النزهه الجديده وعارف المنطقة اللي عليها النقاش دي كويس .. زي ما قلنا ليها مميزات وليها عيوب بس مش فارقه خالص عن المنطقة اللي اسمها عرابي او احمد عرابي - لانها عشوائيه برضوا وزحمه جدا
وطبعا العمليه مش محتاجه كلام لان شقه الايام دي بــ 80 الف او حتى 120 الف اكيد في حته عشوائية
مع تحياتي لحضرتك