مركز الصيانه

**ashrafnoby** · 28-09-2010 09:11 AM

السلام عليكم ورحمة الله وبركاته

انا عندى اقتراح ياريت تشاركونى الراى ممكن مشروع مركز الصيانه الاقى كان مقترحه طنانى نعمل فى قكره وهى ان الاعضاء تشارك فيه بمبلغ معين وليكن 4000 على ان يشترك حوالى 30 عضو على الاقل وياريت اكثر وذلك بدايه لهذا المشروع على ان نكلف 5أو6 من الاعضاء بمتابعه المشروع .وفى حاجه احنا هنعملها ان انا هضمن ان العربيه بتاعتى هتتعمل فى مركز محترم ومفيش غش وتدليس وهضمن ان قطع الغيار هتكون مضمونه وكد كده احنا هنعمل الصيانه الدوريه فيه.
واحنا طبعا فى معانا محاميين علشان الاعضاء يكون ضمنيين حقهم . ونعمل عقود مشاركه ومحاسبين لكى تضمن ان المشروع هيكون كويس .
وللعلم دى فكره ولو فى حد عنده اى فكره تانيه يقولنا عليها

**waoola_78** · 28-09-2010 10:45 AM

السلام عليكم ورحمة الله وبركاته
الاستاذ اشرف

اولا - مشروع مركز الصيانه احنا اتكلمنا فيه كتير وادينا اراءنا بكل اهتمام وحب
ثانيا - فكرة المشاركه فى المشاريع التجارية محفوفة دائما بالمخاطر للتقلبات المالية والمزاجية للشركاء فلو امكن ان الواحد يعمل مشروع من غير شريك يبقى احسن ولو اضطر يبقى واحد او اتنين من اقرب المقربين عشان اى نفس بتتغير بتغير العوامل الخارجية
كان رسول الله صلى الله عليه كلما خرج من بيته قال ( اللهم يا مقلب القلوب ثبت قلبى على دينك ) فلما سئل عن ذلك قال ان ما من قلب الا بين اصبعين من اصابع الرحمن فمن شاء اقام ومن شاء ازاغ - صدق رسول الله صلى الله عليه وسلم
ثالثا - مبلغ 4000 ج يعتبر على كتير قوى من الناس كتير جدا وصعب ان حد يرمى فلوس ويا عالم هاتيجى تانى ولا لا
رابعا - عدد المشاركين 30 عضو كتير جدا وصعب السيطره عليه وحل مشاكلهم من حسابات وتدخل فى الاداره وخلافه الا اذا كانت شركة مساهمة وفيها اكتتاب وكل واحد يشترى الاسهم اللى هو عايزها ويبعها وقت ما هو عايز
خامسا - يشرف عليها 5 او 6 اعضاء صعب جدا لان يا اما هاتلاقى ناس مطحونه وناس منفضه , يا اما هاتحصل مشاكل بينهم لان المركب اللى فيها ريسين بتغرق الا اذا كان فى مجلس اداره او جمعيه عمومية ويتم اختيار الريس
سادسا - المحامين بيدوخو السبع الدوخات لما بيكتبو عقد بين اتنين فما بالك بقى 30 واحد انا كنت محامى وعارف اللى هايحصل

فى النهايه ربنا يوفقك ويديم عليك الخير والنعمه

اخوك وائل فرغلى