الموضوع: مشاكل الهوندا 93 خنقتنى بجد ؟؟؟؟؟

يا باشا مينفعش كده انا شوفت العنوان قولت هخش الاقى بلاوى ، كده هتشمت الاعداء فينا .

بالنسبة للتكييف ، العربية دى مشكلتها ان سربنتينه التكيف صغيره شوية وده بيخلى اى خلل يحصل فى الشحن او اى سدد فى السربنتينة بيأثر فى كفاءة التبريد

اولا روح بنزينه وخليهم يغسلوا السربنتينة من جو وبره كويس اوى وجرب كفاءة التكييف لو لسة ضعيف يبقى لازم تروح لحد بتاع تكييف محترم ويفضل يكون عنده جهاز الشحن بال hi & low pressure valve عشان اى شحن بيتعمل بموتور الثلاجة مبيشحنش الدائراة صح ، انا اعرف واحد فى جسر السويس ممتاذ اسمه سليمان الاطير خلف سنترال النزهه وده تليفونه 0101953673.

انا كنت عملت تعديل فى موضوع التكييف فرق معايا قوى ، شيلت سربنتينة التكييف الاصليه وخليته عملى سربنتينة اكبر شوية ، ده حل ممكن تلجأ له لو الوضع زى ما هوه .


بالنسبة للعفشة ، الهوندا بطبيعتها ناشفة شوية وده بسبب العفشة الرياضية اللى موجوده فيها ، فمتسمعش كلام الميكانيكيه ، اللى هيقولك اغيرهالك بعفشة 97 واللى هيقولك نغير المساعدين بـ ..... ، هتسمع كلام كتير وكله اشتغالات مفيش منها فايده ، انا اتقرصت من الحاجات دى كثير.


البرجلة اللى فى الدريكسيون ، ربط العفشه كويس واكشف على علبة الدريكسيون والبارات .

نصيحه المساعدين الفى سوق 90% متجدده و الباقى مضروب و بلاش kyb اليابانى لأنه ناشف جدا كنت زمان أشتريت tokico ده كان مساعد محترم و يابانى برضه معرفش لسه موجود ولا لاء , الأصلى كويس طبعا بيقبا ناشف فى الأول شويه بعد 3-5 الأف كيلو مشى بكون أتظبط .

بالنسبة لللمساعديين انا جربت ال KYP وال Monro ، فى البداية حسيت بفرق ان العربية بقيت انعم شوية بس المونرو مكملتش سنة وبقيت انشف من الاول بكتير وال KYP ضربت زيت بعد 6 شهور ، فرجعت تانى للمساعدين الاصلى ، فى واحد بتاع عفشة اسمة مصطفى فى جسر السويس الوحيد بعد عذاب اللى عالج موضوع الاصوات ، روحتله نزل العفشة كلها على الارض مخلاش مسمار فى العربية من تحت وكشف على كل اجزائها ، بصراحة العربة فرقت كتير اوى بعد الموضوع ده لغاية مبعتها وده تلبفونة 0101671739.

بالنسبة للسربنتينه ، دى بتتباع بالمقاس اللى ان عايزه ، ان جبت ساعتها مقاس بيوصل لغاية نصف الريداتير تقريبا.

المشاركة الأصلية كتبت بواسطة haddad2

يا باشا مبديا الى يشمت دا سيبهولى انا
لنل هنداوى صميم انا لما فكرت ابيع
كنت هبيع هوندا و اشترى هوندا ونفس الموديل كمان
الحكاية و ما فيها ان العربية مكانتش كدا زمان
انا عاوز اجيب مساعدين جديدة دا مبدايا بس عاوز نوع محترم
وكل الجلب هشترية جديدة و هركبها
بس التكييف بجد طلع عينى
اوية السربنتينة الكبيرة الى تركب عليها؟؟؟