عرض للطباعة
السيارة : فيات 128
الموديل :87
الموتور : حالته ممتازة 1100 سى سى
4 كاوتش جداد كاوتشات عريضة + طقم جنوط جداد
العربية متسقطة + سمكرة ودوكو جداد - رشة برا وجوا نضافة
فرش جلد + طارة دركسيون صغيرة + نمر جديدة + العربية نضيفة جدا
ارجو افادتى كم تساوى سعرها لان صاحبها طالب فيها 19 الف
لان سمعت كتير اللى يقول اشد 128 تعملها 16 الف
فأرجو ان اسمع منكم السعر عشان اخلص فيها وشكرااااااا
اين رد الاعضاء والخبراء دة مفيش موضوع عملته وحد بيرد وانا اللى فاكر ان الموقع فيه استفادة بين الاعضاء
لو a1 مش خسارة فيها بس على اساس انها متجدده بالكامل يعنى مش هتحط فيها مسمار غير بعد 6شهور على الاقل مش خساره 19000ج
اخى العزيز بالرغم من انى مليش فى الاسعار اوى
ومع احترامى لكل الاعضاء
لكن انا حاسس انها غالية
اولا : 87 اللى اعرفه المفروض تكون 1300 مش 1100
ثانيا : راشة جوة (ربنا يعلم ايه اللى حصل فيها )
ثالثا : متسقطة ازاى يعنى (عفشة سبور كونى مثلا ولا أيه ) أعتقد هيكون تسقيط اى كلام والله اعلم
رابعا و أخير ا: الحجات ديه كلها متغليش سعرها اوى للدرجة ديه
انا كنت من شهرين شايف أبيزا 94 بـ 25000
ولسه صاحبى بايع أونو 2001 بـ 26500
فلما تيجى تقول 128 بـ 19000 أعتقد كده غالية
وبرضه ننتظر رأى الخبراء فى المنتدى (أسف لو طولت فى الرد)
غاليه جدااا حتى لو متظبطة هتفضل 128 وموتور 1100 سى سى ورشة دواخل كمان
سعرها 15 او 16 الف بالكتير اكتر من كدة يبقى تشوف حاجة تانية احسن
دي أخرها 17000 جنيه
نفس الكلام ده فى عربيه لونها ابيض وكان طالب 17 وانا قدرتها بـ 15
فاكتر من كده بلاش وعلى فكره 87 موتورها فعلا 1100 مش 300
ال 1300 ابتداء من 89 جراند لوكس
اشكركم جدا يا استاذة على الافادة
والعربية اتباعت خلاص على 18 ومحصلش نصيب
وادينى بدور على 131 لانى غيرت فكرتى عن ال 128
انا معايا 17 وعايز اجيب 131 هلاقى حاجة كويسة بالسعر دة ؟؟؟؟