الموضوع: بكرة النكد بكرة ............ الرحمة !!!!!

المشاركة الأصلية كتبت بواسطة ASKAFRAWY

طبعا موضوع رائع بس عن تجربة شخصية...الضحك والتفاؤل بيكون احساس لحظى او وسيلة هروب من كتر الضغوط...انا احيانا بحس انى على وشك الانفجار و برضه بحاول اهرب بالهزار و تغيير الاماكن والخروج مع الاصدقاء...لكن مع اول فرصة بنفرد فيها مع نفسي يبدأ الاكتئاب يسيطر تانى و تبدأ مشاكل النوم والارق و الخوف...للاسف متغيرات الحياة من اسوأ الى الاسوأ هى الخلتنا نفكر كدة ونحس بالحزن والاختناق...وياريت يكون فى مسكن للالام دى...لان تقريبا معظم الشباب بيهربوا من الواقع بتعاطى بعض انواع المكيفات...التى تعطى احساس وهمى بالسعادة...ياريت فعلا يكون فيه حل
انا اول واحد محتاج للموضوع دة...

أحمد أنت بتتكلم عن الهروب فقط لا غير و مش هو دا اللى أقصده لأنك لما ترجع للواقع حتلاقى المشاكل موجودة و الهروب ما بيحلش مشاكل اللى أقصد حل المشلات برفق و هدوء و تابع معانا من فضلك ...تحياتى

المشاركة الأصلية كتبت بواسطة thedeveloper87

لو عايزين نتكلم عن الواقع؟؟ الواقع إن صعب نبتسم ونشوف كمية الفساد والغلاء والزحام الرهيب اللي حوالينا ده

يعني إليكم بعض المواقف اليومية:

- رايح مشوار بالمواصلات: مواصلات غير آدمية وزحمة و"خش ياكابتن جوا!! العربية فاضية!" واستنى الأوتوبيس ساعة وساعتين.
- رايح مشوار بالعربية: هاتك يا زحمة للصبح ، ويا سلام لو رايح وسط البلد أو التحرير أو الدقي أو الحتت الزحمة دي ، ويا سلام لو رايح حتة ماعرفهاش ومشيت في شارع عكسي (ولا فيه يافطة ولا حاجة) ويطلعلي حرامي ... قصدي ظابط ويقوللي ماشي عكسي ليه؟ ولا أتوه وسط البلد وأقف كل شوية علشان أسأل أنا رايح فين ولا فيه يفط ولا نيلة.
- أنا ساكن في مدينة نصر أول شارع مكرم عبيد ، علشان أروح آخر الشارع عندي (لو الطريق فاضي ياخد 5 دقائق بالعربية) ، ممكن أروح في ساعة إلا ربع أو ساعة كمان!!! ولا كأني مسافر
- نازل السوق اشتري خضار وفاكهة: كيلو الطماطم ب 7 جنيه!! كيلو الفاصوليا البيضة ب 11 جنيه!! حتة فرخة ماتكملش 1 ونص بحاجة وتلاتين جنيه!!
- أكل رغيف ، ألاقي فيه رمل وطوب وخشب وشغال والحياه حلوة ، أكل رز وألاقي زلطاية عادي خالص
- كل يوم افتح النت علشان اشوف الأخبار ألاقي أخبار تعكنن وتحرق الدم.
- رايح أي مصلحة حكومية لا بد وإن أدفع المعلوم علشان حاجتي تخلص.

أنا مش عايز أكمل علشان مازودش الهم والغم علينا كلنا ، ولكن صعب إني أتجنب الاكتئاب ، الواحد مجبر .... حتى جدتي لما بتيجي تضحك بتضحك وهيا مكشرة تخيلوا :d

المشاركة الأصلية كتبت بواسطة MaZaGAngeE

دول كام سبب كده على السريع بس لسه اللستة مليانة قوي قوي

أيه يا جماعة دا كله .......أشربها ما تفصصهاش ههههههههههههه
بضحك طبعا أحنا لازم نفصصها لكن مش حناكل كل الفصوص مرة واحدة ( فى بوق واحد ) طبعا لازم ناكلها فص فص ....
يعنى نقسمها و نأخد مشكلة مشكلة و نفكر فى كل مشكلة على حدا و نحللها و نشوف أسبابها و طرق العلاج المختلفة و المناسب منها للظروف المحيطة بدل ما نبدد طاقتنا فى الشكوى و الهم الذى هو من أشد جنود الله

المشاركة الأصلية كتبت بواسطة ahmed88hassan

انا معاكي بالبوق بس
لكن عمليا ....
موعدكييش ..
دنيا غرووووووووووووووووووووووو ووووووووووووورة

بالبق بس هههههههههه كويس نأخد معانا شاهد ملك ههههههه
و لا أنت قصدك بالبق عشان بنتكلم عن الأكل و خدنا مشكلة غلاء أسعار الفاكهة و الخضر مثال ههههههههههه
عموما بسم الله ، بس أحنا عايزينك معانا بالمخ كمان مش بالبق بس
مش عارفة دنيا غرورة اللى فى الأخر دى كدا مش مطمنانى ههههههههه
و ما دايم غير الدايم .............. وحدوووووووووووووووووووووو ووووه
أبقى أفتكرنا بفطير الرحمة ههههههههههههههه

السلام عليكم اولا

ثانيا انا احيكي علي الفكرة الممتازة اللي اطرحت هي الفكرة حلوة بس ممكن تكون هتطبق يوم او 2 او 3 ايام بعد كده يجي النكد

بصي انا هاتكلم عن نفسي انا عندي 27 سنة وعندي عبد الله والحمد لله الحال ميسور

افاجيء اني عندي ضغط الدم بيرتفع والمفروض في علاج بمشي علية

كبرت دماغي ومش عايز اخش في ادوية انا كده احسن

ايه سبب الضغط

الشغل
السواقة
البيت
الكمبيوتر
المدير المنافق
حماتك الملاك الطاهر
حمايا غليان
تسمع كلام يحرق الدم من مسئولين
غلو الاسعار

كنت في الاول عصبي لكن دلوقتي بقيت اكتم غيظي واظن هو ده سبب المرض

لدرجة اني مابقتش اعلق اخواتي لما يقعدو معايا بيقولو ان انا ماكنتش ببطل هزار

بس يالا اهي دنيا ويارب نخرج منها علي خير

المشاركة الأصلية كتبت بواسطة mrwho1982

السلام عليكم اولا

ثانيا انا احيكي علي الفكرة الممتازة اللي اطرحت هي الفكرة حلوة بس ممكن تكون هتطبق يوم او 2 او 3 ايام بعد كده يجي النكد

بصي انا هاتكلم عن نفسي انا عندي 27 سنة وعندي عبد الله والحمد لله الحال ميسور

افاجيء اني عندي ضغط الدم بيرتفع والمفروض في علاج بمشي علية

كبرت دماغي ومش عايز اخش في ادوية انا كده احسن

ايه سبب الضغط

الشغل
السواقة
البيت
الكمبيوتر
المدير المنافق
حماتك الملاك الطاهر
حمايا غليان
تسمع كلام يحرق الدم من مسئولين
غلو الاسعار

كنت في الاول عصبي لكن دلوقتي بقيت اكتم غيظي واظن هو ده سبب المرض

لدرجة اني مابقتش اعلق اخواتي لما يقعدو معايا بيقولو ان انا ماكنتش ببطل هزار

بس يالا اهي دنيا ويارب نخرج منها علي خير

أولا ألف سلامة عليك

و الله أنا شكلى كدا هخرج من الموضوع دا مكتئبة هههههههههههه
يعنى أجى أخفف عنكم تغرقونى هههههههههههه

شوفوا يا أخواتى الأعزاء كلنا عندنا مشاكل متعددة شخصية و إقتصادية و إجتماعية و .............الخ
و محدش عليها مرتاح لكن اليومين دول الحمل زيادة شويتين و طبعا قد تكون فيها أزمات مفتعلة لأسباب أغلبنا يعرفها خلال هذه الفترة

لكن علينا مواجهة مشاكلنا بشئ من الصبر و الجلد و الإيمان و كمان بالعلم و المعرفة

أنتم تعرفوا إن فى علم و تدريب على مواجهة المشاكل بأنواعها المختلفة و كيفية تحليل المشاكل و طرق حلها

إن شاء الله أدور فى المواضيع دى و أحاول أفيدكوا و استفيد معاكوا منها