انا دكتوره جامعيه بس جامعتى بعيده عن سكنى يعنى مشواركبير وكمان بسافر كتير استعمالى يعنى اكتر من المتوسط وعاوزه اشترى عربيه جديده كتير من اصدقائى اشترو السيراتوا والالنترا وبيشكروا فيهم بس اناعجبانى الشارك بس بيخوفونى من انها مش محبوبه واعاده بيعها مش كويس وانا بغير العربيه تقريبا كل 5 سنين واجيب جديد انا محتاره وعاوزه ارشاد منكوا لو تكرمتوا وشكرا
انا بودي اقول اللانسر لكن طالما الشارك فبلاش
محركها ضعيف و سعر اعاده بيعها ضعيفه جدا
فالاختيار هيبقي بين هيونداي النترا و كيا سيراتو
و انا عن نفسي بفضل هيونداي النترا عن السيراتو
اولا برحب بيكي في المنتدى
الانسر شارك محركها ضعيف والسحب بيبقى ضايع مع التكيف
الأنترا محرك قوي ولكن ثبا تها مش قد كده بعد 120
السيراتو محركها نسخة من الاانترا ولكن ثباتها أفضل خصوصا لو جنط 17 أيضا الفرامل في السيراتو هي الأقوى
حسب كلامي هيكون الترتيب 1- سيراتو 2- النترا 3- شارك
+1111111111111111111111اقتباس:
المشاركة الأصلية كتبت بواسطة eng_ahmed_90
فى ظل الزحمة والطرق الغير ممهدة (اللى هيا طرق مصر والكبارى والفواصل صباح العذاب) طبعا الشارك افضل بكتير وكمان الموتور مش ضعيف قوى اللى مخلى الموتور سحبه مشقوى زى الالنترا والسيراتو البودى ماشاء الله تقيل وكمان خماته احسن من الالنترا والسيراتو وهتبقى معمره اكتر وكمان انتى مشمحتاجه تشدى لاكن هتقوم معاكى بالواجب جدا مع قلة طبعا استهلاك البنزين والاعطال وفى الحر اكيد التكييف اليابانى يكسب عن الالمانى والكورى
ولما تيجى تبيعى العربيه لو حفظتى عليها سعرها هيكون معقول بعد 5 سنين لانه بالتاكيد اليابانى معمر عن الكورى
الالنترا موتور قوى على بودى ضعيف وخفيف فهنا واضح قوته اكتر وعفشة ضعيفه والبور طبعا كهرباء لانه محتاج تركيز يعنى الغلطه بفوره
السيراتو عربيه منتشره جدا لاكن فيها مشكلة نشفان العفشه يعنى مع السفر والنقر مرهقه جدا وعمرها مهتعمر زى اليابانى