الحقوووووووني السحب عندي قليل قوي حاسس اني راكب بطة

**ahmed_said_13** · 28-09-2010 01:08 PM

انا معايا فورد اسكورت 1300 سي سي و السحب قل عن الاول كتير و لو ناس ركبوا معيا العربية بتتحرك ببطئ و لازم ادي انتظار عشان اطلع و الناس تصبر عليا و مهما دست بنزين حتي لو لوحدي تجميع العربية زفت و لما رحت لبتاع شكمانات حسب بصايح ناس علي منتدي فورد قاللي انت علبة الشكمان اللي عندك بعد الموتور مكسورة و مدمرة و عايزة تتغير فهل دي تأثر علي السحب بالطريقة دي ارجو الافاده بسرعة

**ahmad--ezzat** · 28-09-2010 01:12 PM

اه طبعا الشكمان لو مش مظبوط يخلى العربيه تبطل كمان مش تسحب...

**mohamed9999** · 28-09-2010 01:13 PM

مبروك عليك ............اسطوانة الدبرياج باظت ................

**aYaBooY** · 28-09-2010 03:17 PM

منور الورشة يا احمد باشا
عاوز منك خدمة صغيرة
خد غطس تحت العربية عندك و عدلي عندك كام علبة شكمان من تحت
المفروض تلاقي في العربية من ور مسورة و بعدين علبة كبيرة و بعدين مسورة و بعدين علبة صغيرة خالص ( سوستة ) و بعدين مسورة و متكوعة في علبة عمودية عليهم و موازية للموتور و منها لفرن الشكمان المتفرع لاربع اجزاء و داخل في الموتور
مظبوط ولا عندك حاجة تانية

**ahmed_said_13** · 28-09-2010 04:06 PM

في الحقيقة انا مشفتش بس بتاع الشكمان كان لحم العلبة دي قبل كدة و حسيت ان السحب اتحسن و دلوقتي قاللي انها مدمرة خالص و لازم تتغير و لو حد يعرف العلبة دي في رينج كام كدة

**ahmed_said_13** · 28-09-2010 04:08 PM

المشاركة الأصلية كتبت بواسطة mohamed9999

مبروك عليك ............اسطوانة الدبرياج باظت ................

الله يبارك فيك بس ليه البشرة الحلوة دي و لو حصل ممكن تقولي تتصلح ازاي لاني احيانا و انا طالع عل الاول بسمع صرخة كده جاية من ناحية الموتور و لو رفعت رجلي عن الدبرياج بتروح فورا او لو دست دبرياج و سبت البنزين

**ahmed_said_13** · 28-09-2010 04:09 PM

ارجو سرعة الرد ده بعد اذنكم طبعا

**karimfahmy99** · 28-09-2010 04:28 PM

شد فرامل اليد جامد و اطلع ع الغيار التانى مع بنزين خفيف لو العربية بطلت يبقى الاسطوانة كويسة و لو مبطلتش يبقى الاسطوانة بتهرب اما عاوز رجلاش للدواسة

**aYaBooY** · 28-09-2010 10:29 PM

موضوع ريجلاش الدبرياج مش موجود عندي في الفيستا معرفش الاسكورت ايه اخبارة
عموما استبعد الاسطوانة و الديسك دلوقتي لحد ما نشوف ايه اخبار شغل الشكمان

**ahmed_said_13** · 28-09-2010 10:42 PM

انا رحت للميكانيكي احمد فرج (محطة الجراش - جسر السويس) و هو ممتاز و تخصصه فورد بس و قاللي هو صحيح الشكمان مخنوق شويه بس مش هو ده السبب في ان السحب وحش كده و الموتور لو الفتيس علي المور بيشتغل و يعلي زي الفل و لو عشقت الفتيس و طلعت بتشد بالراحة و لو دست بنزين جامد شوية يعلي ال rpm و لكن السرعة لا و قاللي ان السبب هو الديسك و الاسطوانه