اول زيارة لتوكيل رينو العبور

السلام عليكم و رحمة الله
يارب يكون اعضاء رينو كلهم بخير و اعضاء المنتدى الكرام كلهم بخير

امبارح روحت اعمل صيانه 5000 كم (العربيه عامله 6500 كم)

كان عندى مجموعه شكاوى بلغتها للراجل اللى فى الاستقبال و هى كالاتى

1-قراءة مؤشر البنزين غير سليمه
2-فى نتشه فى الفتيس تقريبا عند سرعة 20 كم/س
3-على السرعات المنخفضه ما بين 10 الى 30 كم/س لما تدوس بنزين جامد فجائى تلاقى العربيه اتاخدة اكنك دوست فرامل و بعد كده تطلع
4-صوت الموتور عالى و يا ريت لو ينفع نركب العزل اللى فى الكبوت

النتيجه:-

1-طلمبة البنزين بعد 10 ايام
2-الفتيس سليم مفهوش اى حاجه و ده الطبيعى بتاعه
3-العزل اللى فى الكبوت مش موجود و هيسالو على سعره
4-العربيه اتحكت عندهم فى الاكصدام الامامى من ناحية اليمين و المره الجايه هيعملوها

العربيه قعدت من الساعه 11 الى الساعه 3 ظهرا

مبروك صيانه 5000 لكن انا مستغرب ان معندكش عزل فى الكبود انا عندى نازل من الفبريكه و الكبود معزول و تقريبا مابسمعش صوت الموتور غير لما اكون قارص على الغيار ياريت حضرتك تتاكدمن التوكيل ازاى العربيه تنزل من غير عزل كبود

روح المقطم و اعمل شكوى هناك

ماتسبت حقك ابدا و خليك وراهم بزات موضوع الخابطة ده

الحمد لله على كل حال
العربيه اتخبطت خبطه محترمه النهارده
و انا بعدى تقاطع واحد معاه لوجان جاى طاير لقانى فى وشه
خبطنى فى الجنب اليمن ورا بوظ الباب و الكرتيره و مع الاسف الخبطه مسمعه فى الكرتيره من الداخل

اللى غيظنى انى دوست بنزين علشان افلت من الخبطه و لكن بسبب النخعه اللى بنخعها العربيه(delay time)
على السرعه المنخفضه و تسقيط غيار
مع الاسف العربيه مسعفتش على السرعه دية

و فى الاخر ربنا يخلف علينا

اقتباس:

---

المشاركة الأصلية كتبت بواسطة tareksedra

مبروك صيانه 5000 لكن انا مستغرب ان معندكش عزل فى الكبود انا عندى نازل من الفبريكه و الكبود معزول و تقريبا مابسمعش صوت الموتور غير لما اكون قارص على الغيار ياريت حضرتك تتاكدمن التوكيل ازاى العربيه تنزل من غير عزل كبود

---

انا شوفت عربيتين غيرها لما كنت بستلم استفزنى عدم وجود العزل ده و كمان غطاء الموتور
و هما فعلا مش موجودين

اقتباس:

---

المشاركة الأصلية كتبت بواسطة waleed_fathy

3-على السرعات المنخفضه ما بين 10 الى 30 كم/س لما تدوس بنزين جامد فجائى تلاقى العربيه اتاخدة اكنك دوست فرامل و بعد كده تطلع

---

حد عنده الشكوى دية يا جماعه

اقتباس:

---

المشاركة الأصلية كتبت بواسطة tareksedra

مبروك صيانه 5000 لكن انا مستغرب ان معندكش عزل فى الكبود انا عندى نازل من الفبريكه و الكبود معزول و تقريبا مابسمعش صوت الموتور غير لما اكون قارص على الغيار ياريت حضرتك تتاكدمن التوكيل ازاى العربيه تنزل من غير عزل كبود

---

حضرتك تقصد ان عندك عزل الكبود ده فى الفلوينس؟؟؟؟؟؟

اقتباس:

---

المشاركة الأصلية كتبت بواسطة waleed_fathy

انا شوفت عربيتين غيرها لما كنت بستلم استفزنى عدم وجود العزل ده و كمان غطاء الموتور
و هما فعلا مش موجودين

---

حمد الله على سلامتك المهم تكون بخير وان شاء الله العربيه تتصلح و ترجع زى الفل وقدر الله و ما شاء فعل ماتزعلش ماتعرفش الخير فين وبخصوص عزل الكبود المفروض يركب على حساب التوكيل لانى اعتقد كل اللى استلم قبلك و منهم انا الكبود راكب عليه العزل وحتى العربيه اللى عارضينها عندهم فيها عزل يبقى مش عدل انهم يدفعوك تمن شىء مفروض انه اساسى فى العربيه وسلموه فى الدفعات السابقه .حضرتك شفت عربيات تانيه مش راكب فيها العزل فى التوكيل و انت هناك؟

اقتباس:

---

المشاركة الأصلية كتبت بواسطة tareksedra

حمد الله على سلامتك المهم تكون بخير وان شاء الله العربيه تتصلح و ترجع زى الفل وقدر الله و ما شاء فعل ماتزعلش ماتعرفش الخير فين وبخصوص عزل الكبود المفروض يركب على حساب التوكيل لانى اعتقد كل اللى استلم قبلك و منهم انا الكبود راكب عليه العزل وحتى العربيه اللى عارضينها عندهم فيها عزل يبقى مش عدل انهم يدفعوك تمن شىء مفروض انه اساسى فى العربيه وسلموه فى الدفعات السابقه .حضرتك شفت عربيات تانيه مش راكب فيها العزل فى التوكيل و انت هناك؟

---

ربنا يبارك فيك اخى

انا فعلا شفت عربيه تانيه فى التوكيل فى اللى فى سور نادى الزمالك
وانا بستلم و مكنش فيها العزل فا قلت انه طبيعى انه مش نازل فى كل العربيات
لكن فعلا صوت الموتور عالى و كل اللى يركب جانبى يقول كده
يمكن يكون كان بينزل فى موديلات 2010 بس مش 2011