الموضوع: صوت في الفتيس بعد تركيب القطعة المطورة

والله يااخى العزيز انا كنت بسمع الصوت ده قبل وبعد تركيب القطع المطورره المشكله بقى فى الخبطه اللى بتظهر بعد فتره من الاستخدام والى بعدها لازم تروح التوكيل تعمل معايره فى الضمان ببلاش وبعده اكيد بفلوس وحسبى الله ونعم الوكيل

انا من اوائل الناس اللى غيروا القطعة و كنت عامل اقل من الف كم و مشتكى فى حماية المستهلك و كمان رافع قضية على تويوتا و كانت المشكلة فى النتشة اللى فى الغيارات و لما غيرت القطعة فى القاهرة الجديدة فوجئت انة فى صوت رزع فى الغيارات تك تك :انك راكب مانيوال و رفعت رجلجلك من على الدبرياج بسرعة فالتروس خبطت فى بعض و هى بتغير و لما كلمتهم قالوللى لازم تيجى على طول همظبط الخلوص و السوفت وير و فعلا روحتلهم و قعدت عندهم من الصبح لبليل و قاللوا كلة تمام و لما ركبتها لاقيت ان الصوت بدأ يذيد جدا عن الاول و كمان اصبحت العربية بتنقل من التانى الى الرابع على طول و ما بتعديش على التالت الا فى المناسبات السعيدة و زى ما يكون بيعقبونى انى غيرت للقطع الجديدة و ما رضيتش فى القديمة و كلمتهم تانى و قاللولى تعالى و روحت و المرة دى سلمتها الصبح و اخدتها تانى يوم و قاللى مدير الصيانة احنا عملنا اللى علينا و الباقى على ربنا و ان الصوت من الاول و التانى مش عارفين نشيلة و لكن التالت شيلنا خالص و جربها و شوف اية رايك و فعلا جربتها لاقيت ان الصوت ما يظهرش لما تكون السيارة باردة لكن لما تمشى بيها شوية يرجع الصوت تانى و الغيار التالت يهرب من الفتيس زى ما يكون ما صدق يطفش منة و الله الصوت بيخلى الناس برة تتخض منة لما بكون بهدى على مب و العربية بتنزل من الخامس الى الاول و مع ذلك كلمتهم قالوللى تعالى رابع انا قلت كلا البتة انا رافع قضية عليكم و تويوتا نفسها طلبت انتداب خبير و على حسابهم و هسيبها كدة لحد ما التروس تتكسر و الخبير يشوف الصوت بنفسة قاللى مدير الصيانة يا فندم حضرتك من حقك ان تفعل ما تريد و نحن تحت امرك و طبعا شكرتة و انا عامل حوالى 9000 كم بالقطع الجديدة و بنفس الاصوات و مستنى الخبير و الله المستعان

يا جماعة بصراحة مش عارف اققول ايه اناغيرت القطع الجديدة رغم اني مشتكتش من القديمة خالص و لا عندي اي شكوي منها انا كونت جربت العربية قبل مشتريها و شفت موضوع النتشة و بقيت بعرف اسوق العربية من غير متحس بيها خالص فمش عارف هل دي حالات فردية ولا ايه بس اعتقد اننا لو جمعنا عدد الشكاوي المباشرة من ناس عندها الربية دي فعلا و قارناه ب 6500 عربية المباعة حتبقي حالات فردية و الناس دي لازم تفضل وري حقها للاخر
انا مع اعطاء ضمان اضافي علي السيارة دي لمدة خمس سنين اضافية بس عامة المهندس قالي قبل تغيير القطع ان النتشة مش هتروح الا لو سوقت العربية بطريقة خاصة زي مانا بسوقها و باقي مزايا تغيير القطع الجديدة متحققة حتي الان بنسبة 85%
يعني العربية انعم و الغيار انعم لانها اصبحت متماسكة اكتر في النقلات و استحمال خامة القطع لدرجة الحرارة العالية مما يمنع ظهور ال ان ايرور دي مش حتظهر غير قدام و العربية مبقتش ترجع لورا علي مطلع كوبري و ه علي الe علما ان ال ان ايرور لم يظهر عندي قبل او بعد التغيير
ايضا لاحظت ان سعر اعادة البيع للسيارة اخذ في الزيادة في السوق عن الاول خالص
حاجة تانية انا سالت التوكيل صراحة هل فيه اي نية لتغيير الفتيس للناقل العادي قالي شبه مستحيل لان التكلفة حتوصل ل 40000 جنيه للعربية الواحدة علي فكرة انا بفتري علي العربية في الاستخدام و بجري بيها لحد 200 كم و هي زي الفل
دي تجربتي بامانة مع العربية حتي الان