الموضوع: مش مصدق نفسى الدايو بتاعتى بقت بتقف من لمسه والكوتش بيصرخ انا بحلم

مبروك

التيل الاصلي جي ام ولا حاجة تانية؟

مبروك على الشغل الجديد ومبروك على التحسن الملحوظ في الأداء

بس والله كان الأفضل انك تعمل تعديل فرامل لانه تقريبا هيكلفك نفس اللي انت دفعته في الفرامل الأصليه , لان فرامل اللانوس كفاءتها في اي حال من الاحوال مش 100% , وشعورك الحالى هو شعور لفتره معينه وبعدها هتحس ان الامور رجعت لطبيعتها تاني , وارجوك متفكرش اني بحبطك بكلامي بس انا بتكلم بصراحه , وكمان لاني لسا من كام يوم ولأول مره في حياتي البس بوش العربيه في ضهر تاكسي دوجان , لأن استجابة الفرامل كانت ابطأ من اللازم وبالتالى خبطت في التاكسي لانه وقف فجأه ولكن الحمد لله كانت سرعاتنا بطيئه في وسط الزحام ده , وكانت الخسائر عندي عباره عن تطبيق في الكبوت (اتضغط من عند الشبكه وارتفع من التلت الاول للصاج) وقطع في الأكصدام , ولكن الحمد لله , فعشان كده تلاقيني مش راضي ابدا عن فرامل اللانوس حاليا

ولكن بشكل عام المقصود من كلامي هو ان استجابه الفرامل في اللانوس محرجه فعلا في المواقف الفجائيه والسريعه

الله يسلمك يا استاذ طارق :-)

على فكره انا مجرب فرامل 128 و 132 و الدوجان , ولما جربت فرامل اللانوس حسيت اني راكب عربيه فيها اقوى فرامل في الدنيا , وده طبعا احساس طبيعي جدا في البدايه , ولكن مع التعود والتعرض لمخاطر الطريق الوضع بيختلف بشكل ملحوظ

وبالنسبه للموقف اللي حصل مع حضرتك فالحمد لله انها جت سليمه وربنا يستر طريقك وطريقنا

بس بما ان حضرتك قولت

المشاركة الأصلية كتبت بواسطة tarek_2005

فاستعملت بدال الفرامل بتقطع كانها abs واستعملت فرملة اليد وحاولة تفادجي التصادم ووقفت السيارة والحمد لله الكبوت اسفل خزان المازوت

فـ ده دليل قاطع على انك كان عندك الوقت (3 ثواني مثلا) والمسافه المناسبه لتفادي الخطر والسيطره على وضعك , لكن انا كان قصدي بكلامي المواقف المحرجه والفجائيه اللي زمن تفادي الخطر فيها جزء من الثانيه حتى لو كانت السرعه قليله , اتوقع وقتها الوضع هيختلف شويه :-)

ربنا يستر طريقنا جميعاً