عرض للطباعة
من فضلكم فيدونى تنجيد السقف هبط من فوق الكنبة اللى ورا من النص
اروح اعملة فى التوكيل ولا انتوا شايفين اية
العربية موديل 2010 وعاملة 5000 كم
ياريت لو حد فك كسوة السقف قبل كدة يفيدنا هى لزق ولا مشابك وخوص وكدة
يعنى اى سروجى يسلك فيه برة التوكيل ولا اية :satelite:
سقف هبط من فوق الكنبة ازاى !!!
عربية جديدة لسة معملتش اى حاجة !!
روح على التوكيل علطول شوف القصة ده اية . ده انت فى الضمان يعنى كل الحاجات ده معاهم
هههههههه الموضوع ده عندى !!
بس ده عشان كان فى حجات وقعت ع السقف و بقى بيدخل لجوه .. فأكيد اثر ع السقف
بس انا سايبه كده .. ومش مشكله كبيره يعنى
هيه فعلا مشكلة تضايق ازاى موديل 2010 و تعمل كدة
السقف تقريبا لزق مش كباسين لانى فكيت حته منه و مشيت فيها سلك من الجنب اليمين للشمال عند اخر الفرش من ناحية الشنطة
لو انته فاضى ممكن تروح التوكيل و تعمله هناك
و لو مش فاضى الزقه بكوله او جوله و خلاص ده لو حته صغيرة مش كبيرة
و ممكن يكون اللى فكهولك كدة عيل من العيال كان بيتفرج وشدة او انته حطيت حاجة و انته بتدخلها نتشت فيه
و ممكن و انته بتعمل صيانة ال5000 فى التوكيل بتغير زيت و فلتر تقولهم على السقف يعملوه بالمرة
و بالمناسبة يا شباب كنت عاوز استفسر انظفه ازاى لاحسن ده طلع فيه هباب اسود لما بمشى ايدى عليه و لامم تراب كثير اوى و عاوز احسن طريقة لتنظيفة
.
هات ميه وبريل وفرشه ونظفه انا عملت كدا ورجع زى الاول
بالنسبه لمشكله صاحب الموضوع روح لسروجى وريح دماغك من التوكيل
اشكرك على الفكرة و هنفذها بكرة الجمعة انشاء اللهاقتباس:
المشاركة الأصلية كتبت بواسطة micromoud
مدام العربيه لسه 5000 كيلو روح التوكيل اكيد هيغيرهولك فى الضمان دا حقك جرب روح وشوف النظام ايه
السلام عليكم ورحمة الله
انا عملت بنصيحتكم اخوانى ورحت التوكيل عملت صيانة 5000 كم
وقلتلهم على الهبوط بتاع السقف - ففكوة لقيتة عبارة عن استوفة مضغوطة زى الفلين ومتنجدة القماش اللى تحت
واتقوصت لعدم وجود ( دابل فيس ) لاصق فى السقف كفاية او لما ركبوة لم يضغطوا كويس للصقة بالدابل فيس ومن الهبوط انتى القالب
المهم مهندس الصيانة المخترع قالى ما فيش دابل فيس الأصلى زى اللى نازلة بية اللرقيق قوى دة اللى مثل الورقة وقوى قوى دة
قالى لا فى حاجة اشد منه بكتير (( قلت يبقى اختراع جديد فى المصتع الهندى )) قلت بلهفة ايه اللى يثبتة يا با شمهندس
قالى (( الكله )) بتاعة الجزم دى ... اندهشت واستغربت وحسيت انى واقف عند ((الأسطى حامد )) السروجى تحت الشجرة
وقلت لة يا بشمهندس كنت عملتها برة بعشرين جنية وريحت دماغى من الحجز والأنتظار والعرض على مهندس الضمان واااااااااالخ
فقال لى جرب وهتعجبك ... ميلت على السروجى اللى واقف وقلت لة هتدهن صاج السقف (( كل’ جزم طبعا )) قالى ايوة هوة والفرش
قلت لة لو لو حبيت اشيلة يطلع من الصاج قالى يطلع بالجاز قلت للمهندس مافيش حل تانى انا لسة فى الضمان ومن حقى تغييرة طب لا قدر الله
لو حصل حاجة وحبيت افكة للسمكرة مثلا هيتقطع قالى لازم نجرب التصليح الأول قلت على البركة ((عكوا )) واتلصق وبانت الكسرة اللى
فيه من التقويصة وشكله زى الزفت المهم حبيت اثبت اللى اتعمل بكتيب الضمان وفى دماغى اطلع على حماية المستهلك اطالب بحقى
وكنت زعلان وقرفان وبقول دة توكيل او دة ضمان المهم قابلت مدير التوكيل راجل مهذب ومحترم لاقانى غير راضى عن اللمنظر قال للمهندس
المخترع اطلب له فرش سقف جديد من المخازن فى وصلح خطا المهندس المخترع اللى كان هيسىء للتوكيل كلة وانا ماشى حاليا بالكله
لزقاة لغاية ما يتصلوا بى كمان كام يوم زى ما وعدونى علشان اروح اركب الفرش الجديد .
وهى دى حكايتى مع لصق نعل الجزمة اقصد لصق فرش السقف مع توكيل مودرن موتورز
حبيت انقل لكم تجربتى بما انى كنت اسالكم عن العمل اول ما هبط السقف والعربية لسة ماعملتش 5000 كم
ولما اخلص التجربة لنهايتها هانقل لكم اللى حصل والسلام عليكم ورحمة الله وبركاتة
طيب ده كلام كويساقتباس:
المشاركة الأصلية كتبت بواسطة pepo2711
ياترى ده كان في انهي فرع من مودرن موتورز؟؟
تحياتي