الغيــــــــــــــــرة .....ليـــــــــــــــــــه� �؟

**icehearted girl** · 28-09-2010 07:22 PM

منا مسلمتش عليه

ابنك الكبير كان سحبه زي السكوتر وطالع بيمد بيه ملحقتوش

**M.Radwan** · 28-09-2010 08:59 PM

الغيرة كويسة ومطلوبة
بس كل حاجة ليها حدود
ولما الغيرة بتزيد عن الحد، بتقلب الحياة جحيم!

**Soma_Sooma** · 29-09-2010 04:53 PM

المشاركة الأصلية كتبت بواسطة shiko85

ليه مكلمتيش عن الغيره المفيده ؟؟

غيره الأخت من زوجه اخوها بيحصل علشان هى مثلا تلاقى اخوها جاب حاجات كتير لمراته و جوزها مش بيجيب و هكذا يعنى بتقارن نفسها بزوجه اخوها و بتقارن جوزها بأخوها

بس سعات بتكون الأخت مش متجوزة و حطاها فدماغها بردة

الغيره فالعمل ده حقد مش اكتر, انسان مش عارف يطور نفسه علشان يوصل لزملائه يبقى الأسهل انه يدمرهم علشان يبقى احسن منهم

غيرت الزوجه من اهل زوجها, الزوج مسئول عنها يعنى لو هو مهتم بأهله فقط و مش مهتم بأهلها او مش بنفس درجه الأهتمام هى طبيعى هتهتم بأهلها اكتر و تبقى عايزه تمنعه من اهله

ممكن يكون دة سبب بردو سعات الزوج بيكون السبب فى المشاكل

غيرت الأم من زوجه ابنها, علشان الأهتمام بالأم بيقل عن زمان لبعد الأبن عن البيت و مسئوليه البيت الجديد فالأم بتعتقد ان الزوجه هى السبب

صح طيب والتعامل يبقى ازاى

**Soma_Sooma** · 29-09-2010 04:58 PM

المشاركة الأصلية كتبت بواسطة makka

الغيرة اللى بتوصل للحقد دى موجوده وزيها زى الكذب والنفاق مرض والعياذ بالله.
وغيرة الام نابعة من الحب وبتاخد وقتها وبتروح لحالها بعد كلمتين حلوين.

هى موجودة ومنتشرة ومفيش حد مدقش اى نوع من الغيرة فحياتة بس نعالجها ازاى هو دة السؤال

اكيد تكون حب بس حب بيئذى من غير ما تحس انها بكدة بتأذى ابنها

**Soma_Sooma** · 29-09-2010 05:01 PM

المشاركة الأصلية كتبت بواسطة shiko85

الغيره المفيده

فالشغل
لما اشوف زملائى فالشغل اكفاء ملتزمين ليه مبقاش زيهم و ليه محاولش اطور من نفسى

فالحياه
ناس فمستوى احسن منى و لنفرض مستوى مالى ليه انا كمان مسعاش و اجتهد علشان احسن من مستوايا, بس مش معنى كده انى اتبع اى وسيله لأ طبعا لازم بالحلال مش اى حاجه تانيه

و الأمثله كتير

بس ملخص الغيره المفيده
هو الأرتقاء الى مستوى افضل بأتباع وسائل مشروعه بدون سخط او حقد على الغير

اه النوع دة من الغيرة مفيد طبعا طالما مش بتضر حد

وجملتك الأخيرة جبتها من الأخر

**Soma_Sooma** · 29-09-2010 05:05 PM

المشاركة الأصلية كتبت بواسطة charming

فية مثل بلدى بيقولك (العين تكرة الاحسن منها) و بما اننا شعب نصف امى عايش على الموروثات الثقافية و الامثال الشعبية و معندناش نية نغير طبائعنا (ليس فى الامكان ابدع من ما كان) فمتتعبيش نفسك فى التفكير

انا م بتعب نفسى فى التفكير بس دة موضوع مهم جدا للنقاش فية مفيش حد مقابلش الغيرة ...

لأن للأسف فى ناس بتكون متعلمة ومش جاهلة وبتحس بالغيرة و بتغلط بردو فا الجهل مش مقياس

**Soma_Sooma** · 29-09-2010 05:27 PM

المشاركة الأصلية كتبت بواسطة نور القمر

غيرة الأم على ابنها من زوجتة
لو تلاحظي هاتلاقي ان اي بنت بتتخطب بتعامل حماة المستقبل بمنتهى الود والحب خصوصا لو بتحب خطيبها بجد وعايزة تقرب منها وبنات كتير تلاقيها بتقول لحماتها ماما
انا مش هعمم كلامي برضو لان ممكن يكون في الوحش
بس انا والله لغاية دلوقت مشوفتش بنت حاطة حماتها في دماغها من بداية الارتباط
بالعكس دايما شايفة ان البنات عايزين يكسبوا حب الحماة
لكن الحماة ربنا يجعل كلامنا خفيف عليهم إلا من رحم ربي معظمهم حاطين خطيبة الابن في دماغهم وشغل الوسوسة والزن في ودان ابنها شغال
دي طماعة .. دي بستغلك .. دي بتمشي كلامها عليك .. وحاجات من دي كتير

صح كتير بيحكولى كلام من دة بيحصل كتير

اللي انا شايفاه صح واللي هعمله مع ولادي باذن الله هاسيبلهم القرار وحرية الاختيار والتصرف في حياتهم بالاتفاق مع شريكة حياتهم المستقبلية
لان دي حياتهم هم وهم اللي هايعيشوها

ربنا يخليهملك يارب ومتعمليش زى الناس الوحشة دى

شوفت شيخ على قناة الناس عامل حلقتين كلهم هجوم على زوجة الابن وخلي بالك من هجوم مش نصائح ومواعظ وكانت طريقته مستفزة بصراحة شكله مقروص من مراته قريب
المهم اتصل بيه سيدتين حموات على التوالي كان مضمون كلامهم كالتالي
ان ام الزوج لو عاملت زوجة الابن على انها بنتها هتلاقي منها احسن معاملة وهاتبقه لها بمثابة بنت مش زوجة ابن
والتانية قالت نفس المضمون لدرجة انها لما تشتري لبنتها هدية لازم مرات ابنها نفس الهدية ونفس اللون ولو في سر هاتحكيه لبنتها لازم مرات الابن كمان تعرفه
والاثنين اشادوا بمدى بثمار حسن معاملة زوجة الابن من اول يوم

هأكد على كلامك دة بحجات بتحصل قدامى ماما بتعامل مرات اخويا زينا بالظبط و لو جبتلنا حاجة بتجيب ليها كمان وبتعاملها احسن معاملة ومصاحباها عشان كدة مرات اخويا انسانة طيوبة قوى وبتعاملنا معاملة حلوة

في حين الحمل الوديع بيظهر مع زوج البنت لان البنت هي الاضعف ولو اساءت معاملة زوج بنتها هايسئ لبنتها وابسط ردة فعل هايمنع تبادل الزيارات

صح .. مش فاهمة الانفصام دة بيحصل لية ؟؟ مش بتخاف لا بنتها يحصلها كدة مع حماتها ؟ بصراحة مش فاهمة

غيرة الزوجة من اهل زوجها
هقول جملة مختصرة
لو الزوجة شعرت ان زوجها لا يفضل اهله عليها مش هيكون في غيرة منهم

صح قدامى مثل زى دة الزوج بيفضل اهلة موووووووووووت وحجات مستفزة جدا بسمعها بصراحة بتنرفز

غيرة أخت الزوج من زوجة أخوها
انا نفسي الاقي لها تفسير بس لاني ماليش اخوات شباب عمري ما هحس بالنوع ده من الغيرة
بس لو اخت الزوج فكرت ان زي مرات اخوها ما جوزها بيبحبها ويهتم بيها انتي كمان ليكي زوج بيحبك ويهيتم بيكي ولو مش بيحبك ولا بيهتم بيكي هي ملهاش ذنب .. ليه مستخسره تشوفيهم كويسين
بدل الغيرة والاسافين من تحت لتحت حسني علاقتك بزوجك
ولو مش متزوجة اتقي ربنا عشان ربنا يرزقك بزوج يحبك ويراعيكي

بصى انا مثلا ليا اخ متجوز لما جة يخطب كان اهم رأى عندة هو رأينا اخواتة البنات ،، و الحمد لله البنت كويسة جدا وعمرى لا انا ولا اختى عاملناها وحش بالعكس حسسناها انها اختنا التالتة وصاحبناها وكل دة عشان سعادة اخويا طبعا وعشان هى بنت كويسةكمان...

بس فى نمازج بجد بشوفها غريبة جدا مش فاهمة ليه بيعملو كدة مع انى انا فمكانهم بس مش فاهمة لية !!!

غييرة الزمالة فى العمل
انا اتقرصت منها كتير مع اني والله لا اغير من احد إلا غيرة محمودة بمعني ان اتمنى اكون ناجحة زي فلان او فلانة الناجح لكن لا اتمنى زوال نعمة النجاح من احد وبفرح لاي خير لاي حد

ياريت الكل يفكر زى ما بتفكرى كدة

غيرة الأصحاب لبعض
لسه امبارح كنت بفكر في انتيمتي اللي كنا مع بعض من اعدادي واتفرقنا بسبب زواج كلا منا وسفر كل منا لبلد اخر واد ايه على مر الزمن كل تصرفاتها بتدل على الغيرة واني مكنتش فاهمة كدة لحد قريب

بصى انتى لما بتكونى بتحبى حد قوى بتشوفى التصرفات بشكل مختلف بس الحقيقة ممكن تكون صح او غلط وفى الأخر بتحصل الحاجة الى بتبين اذا كان فى غيرة اولا ...

غيرة الزوجة لزوجها
غيرة الزوج لزوجتة
اسكتششي بقه يا اوختشي مش عايزين نتكلم عشان مذكرش مساوئي على الملأ

هههههههههههههههههههههههه خلاص خلى الطابق مستور

وزي ما قولتي كما تدين تدان والغل والحقد ما بيحرقش الا صاحبه

**shiko85** · 29-09-2010 07:19 PM

المشاركة الأصلية كتبت بواسطة Soma_Sooma

اه النوع دة من الغيرة مفيد طبعا طالما مش بتضر حد

وجملتك الأخيرة جبتها من الأخر

**sara2001** · 30-09-2010 02:12 AM

اعتقد ان السبب الأساسي للغيره هوعدم ثقة الشخص اللي بيغير من مكانته في قلوب اللي حواليه
وكمان عدم الرضا بما قسمه الله له من أقدار وأرزاق والله أعلم
فيفضل يعمل مقارنات دائمه بينه وبين اللي حواليه
انا الحمد ما عنديش الأوبشن ده زيك
بس عانيت من الأشخاص الغيورين في العمل وفي الحياه
وفي الآخر كنت مضطره اتجنبهم للحفاظ على سلامي النفسي