الغيــــــــــــــــرة .....ليـــــــــــــــــــه ؟
السلام عليكم جميعا ،،،
وانا قاعدة مع نفسى كدة كالعادة فكرت فموضوع مهم قوى وقلت نتشارك و نتناقش فية مع بعض :Ka_che1[1]:
هو الغيرة
مش هتكلم عن غيرة الحبيب و الحبيبة مش دة موضوعى :F_eyeb1[1]:
لكن هتكلم عن انواع الغيرة القاتلة اللى بجد ممكن تأذى بيها غيرك من غير ما تحس:rfds:
- غيرة الأم على ابنها من زوجتة
- غيرة الزوجة من اهل زوجها
- غيرة أخت الزوج من زوجة أخوها
- غييرة الزمالة فى العمل
- غيرة الأصحاب لبعض
- غيرة الزوجة لزوجها
- غيرة الزوج لزوجتة
دى النقط اللى عايزين نتكلم فيها
- غيرة الأم على ابنها من مراتة :
ليه دايما الأم بتبقى حما على مرات ابنها و مع زوج بنتها بتبقى كالحمل الوديع (طبعا فى امهات عاقلة مش بعمم )
ليه الأم دايما حاطة نفسها فمقارنة بينها و بين مرات ابنها ليه تصغر نفسها بالطريقة دى ، الأم لازم تفهم ان مهما كانت غلاوة الزوجة عند زوجها مش هتساوى ابدا ابدا حب الأبن لأمة..
عايزين نفهم ايه السبب فى الغيرة دى ؟؟؟
لو كل أم عرفت ان مكانتها اعلى من كدة بكتير مكنتش هتصغر نفسها كدة، ولو تفتكر انها كانت فيوم مكان الزوجة دى وكان بيتعمل فيها كدة بردو اكيد هتراجع نفسها ، او شافت بنتها حمناتها بتعاملها ازاى مكنتش تعامل مرات ابنها كدة ...
و كما تدين تدان ...
- غيرة الزوجة من أهل زوجها:
دة نموذج كتير بنشوفة فى الحياة لية البنت لما بتتجوز بتحرم زوجها من انة يجيب حجات لأمة و اخواتة ؟؟؟ و فنفس الوقت هى بتعمل كدة مع اهلها
طيب السؤال هنا ليييييييييييه بتعمل كدة ايه الأسباب؟
ليه الزوجة متبصش على ان دى امة و اخواتة زى ما هى ليها ام و اخوات لية بتدى الحق دة لنفسها و لجوزها لا !!
ليه متتعمليش ان دول اهلك وتتقى الله فيهم وتراعيهم وبكدة هتكونى اسعدتى زوجك وخليتى فى راحة فبيتك.
لكل زوجة اقولها اتقى الله هتكونى فيوم ام و هتيجى اللى تعمل كدة فيكى كمان.
وكما تدين تدان...
- غيرة اخت الزوج من زوجة اخيها:
اهى دى بقى حاجة غريبة بجد نوع غيرة عجيب ليه دايما اخت الزوج بتغير بالمنظر دة وتخلق مشاكل مهولة والمشكلة انها مش بتخاف لا بيت اخوها يتخرب المهم تنتصر ...
بصراحة انا مش فاهمة النوع دة من الغيرة ايه اساسة ...
بس اقول لأخت الزوج اتقى الله و دة ممكن يحصل مع بنتك فيوم من الأيام ...
وكما تدين تدان...
كتير قوى بنقابل الغيرة دى مع زمايلنا فى العمل بس مش غيرة عادية دى غيرة مدمرة يعنى تلاقى واحد حطك فدماغة و كل شوية اسفين عند المدير !! طيب لية ؟؟؟؟
يعنى الشخص دة مبيبصش انة ممكن يؤذى حد فرزقة؟؟ مبيبصش انة بيظلم انسان لمجرد انة مش بيستلطفة ؟؟؟
ازاى نعالج الغيرة دى من العمل والصراعات اللى فية؟؟؟
عايزة اقول للنموذج دة اتقى الله الشخص زميلك دة عندة اسرة عايز يكونها وتعبان زية زيك متزودش هموم على همومة...
وكما تدين تدان...
دى بقى انا دقت منها كتير قوى :mahf(5):وخصوصا غيرة البنات ياساتر يارب :fdsa: مش فاهمة لية الغيرة اصلا ما احنا اصحاب لية تغير من صاحبك ؟؟ دة الواحد ما بيصدق يلاقى حد كويس تلاقى عيب الغيرة دة نط فوشك كدة ويدمر كل حاجة..
عايزة اعرف كل واحد بيتصرف ازاى مع النوع دة من الغيرة وايه اسبابة وازاى نتجنبة؟؟؟
انا شخصيا الحمد لله معنديش الأوبشن دة ههههههههههه:F_eyeb1[1]: فالتعامل بيكون كاتالى باخد بالى طبعا من التصرفات وافرق بين موقف و اخر
فى مواقف تعدى و فى مواقف بتقولا لأ لقف هنا بقى انت عديت الخط الأحمر ...وابتدى اتكلم واتناقش و اواجة لو الشخص دة يهمنى قوى ...
ولو شيفة ان الشخص دة فاهم غلط احاول اصاحبة و افهمة ...
انما فى اى مكان تانى الغيرة بقابلها بالتجاهل لأن الغيرة من النوع دة تافه فنظرى ...
- غيرة الزوجة لزوجها والعكس :
شئ لذيذ الغيرة بين الزوجين دة بيبقى مؤشر عن حب متبادل و مشاعر لسة موجودة بين الطرفين
لكن فى غيرة بقى اعوذ بالله من دى غيرة
وخصوصا غيرة الستات العمياء
دى بقى انا هسيبها للمتجوزين يردو عليا فيها
ايه اسبابها وازاى نتعامل معاها وازاى نقدر نغير العيب دة ؟؟
اسفة عشان الموضوع طويل انا حاولت اختصر فية عشان متزهقوش :E_braces[1]:
و اخر نصيحة بقولها لكن انسان بيغير من غيرة
انت التعبان و انت الخسران وانت اللى بتشيل ذنوب افعالك وكما تدين تدان...:colsmil: