ضمان الماتريكس

**PAYOO** · 30-05-2007 03:02 PM

خدها مني نصيحه وعن تجربه ... توكيل غبور توكيل هلهلي ومافيش حاجه أسمها بره الضمان وجوه الضمان صدقني ولو حد من الفنيين أتفذلك عليك وقالك الضمان والعفريت أهبشه على طول وعرفه أنك ماركبتش مفاعل نووي في العربيه محتاج خبرتهم الفظيعه الشنيعه للتركيب ده حتة كاسيت العيل الصغير في أي ورشه بره بيركبه وهو مغمض ولا حتى الأنذار

ولو عاوز تريح دماغك الحته ام 10 أو 20 جنيه بتخلص الدنيا في ثواني

بس أنا بافضل الهبش (أهبشهم تلاقيهم تمام التمام "عن تجارب هديده")

**hegazy** · 30-05-2007 06:22 PM

سيارات الماتركس الجديدة بقو يكتبوا في كتيب الضمان بتاعها باليد: السيارة بدون كست ولا انذار. والضمان لاغي في حالة تركيبهم برة الوكيل.
انا شخصيا لما لقيت الموضوع كدة ولاقيت تركيب الانذار بي 1200 جنية في التوكيل فضلت اجبها بالكست من عندهم.. مع ان الكست الي بينزل معاها ملهوش اي لزمة. بس اداني حرية التغير او تركيب كست اضافي بدون الرجوع للتوكيل.

**Tamer** · 31-05-2007 08:53 AM

شكرا لكل من بايو وحجازى يبدو انى سوف اشترى الحاجة من برة واركبها فى التوكيل هما مش عايزين المصنعية وخلاص توكيل غريب بصحيح 0 بس ماحدش قال لى قطع الغيار اسعارها اي سامع انها نار0

**hegazy** · 31-05-2007 10:02 AM

الاسعار دي من التوكيل أول الشهر دة:
اكستدام أمامي 750
فنوس امامي 650
مرايا يمين 345
رفرف يمين 730

وضريبة 10%

بس متتخدش أوي... كل العربيات الجديدة كدة دلوقت. ولا يمكن دي أرخص حاجة.. واحمد ربنا انها موجودة. واحد صاحبي فضل ماشي ببرابريز اللانسر مكسور شهر بيدور على الاصلي.. وفي الاخير جاب واحد تقليد.
بالنسبة للنواكل انا سألت امبارح في المرور.. والخلاصة انها ممنوعة وبتتسحب عليها الرخصة.. الا اذا خليت الي بتشتري منو يكتبلك في المبايعة ان السيارة مباعة بدعمات أمامية.

**Tamer** · 31-05-2007 03:08 PM

انا متشكر جدا يا باشا على ذوقك

**شريف** · 31-05-2007 03:29 PM

انا شخصيا لما لقيت الموضوع كدة ولاقيت تركيب الانذار بي 1200 جنية في التوكيل فضلت اجبها بالكست من عندهم.. مع ان الكست الي بينزل معاها ملهوش اي لزمة. بس اداني حرية التغير او تركيب كست اضافي بدون الرجوع للتوكيل.

انا مش فاهم 1200 ايه بالظبط :shock:

**hegazy** · 31-05-2007 03:56 PM

ج
ي
ن
ي
ة

اضافة الانذار والريموت في التوكيل بي 1200 جنية. (شامل الجهاز)

**شريف** · 31-05-2007 07:26 PM

لية هو الانزار دة هيطلع يمسك الحرامى و لا يمكن هيتصل بالبوليس

**شريف** · 31-05-2007 07:27 PM

معادة

لية هو الانزار دة هيطلع يمسك الحرامى و لا يمكن هيتصل بالبوليس

**bassam nagy** · 31-05-2007 09:39 PM

يايا انا لية تجارب مع الانذار اوحش الماركات واللة حرام يدفع فية 100 جنية انذار ولف برقبتةولية 1200 كتير اوى دة برة لو جبت انذار انظف حاجة فى السوق الية بيبقى فى شاشة فى الريموت با 550 والسنتر عمرة مايعدى 200 والتركيب 100 واهوة اسمك مركب احسن حاجة فى السوق اما الكاسيت موجود فى هايبر وان با 500 جنية هو هو الية بينزل بيها طب السعر دة ازود 100 جنية واشترى كاسيت سى دى فا الفرصة حلوة للناس الية اشترو العربية من غير كاسيت وانذار وزى ماقال استاذ هانى

خدها مني نصيحه وعن تجربه ... توكيل غبور توكيل هلهلي ومافيش حاجه أسمها بره الضمان وجوه الضمان صدقني ولو حد من الفنيين أتفذلك عليك وقالك الضمان والعفريت أهبشه على طول وعرفه أنك ماركبتش مفاعل نووي في العربيه محتاج خبرتهم الفظيعه الشنيعه للتركيب ده حتة كاسيت العيل الصغير في أي ورشه بره بيركبه وهو مغمض ولا حتى الأنذار

ولو عاوز تريح دماغك الحته ام 10 أو 20 جنيه بتخلص الدنيا في ثواني

بس أنا بافضل الهبش (أهبشهم تلاقيهم تمام التمام "عن تجارب هديده