ابني والمدرسة ( اولى ابتدائي)

**hhendmos** · 28-09-2010 04:48 PM

عندي ابني عمره 6 سنين ولسه داخل اولى ابتدائي)
دخل قبلهم كي جي 1 و 2 في نفس المدرسة
المشكله انة بيعيط لحد دلوقتي لما السواق يوديه ولما يروح ياخدة.
وكمان كل يوم يرجع من المدرسة من غير ما ياكل اي حاجه من السندوتشات اللي معاه
المهم انا ابني صريح وبيقول انه بيعيط اساله ليه ياابني بتعيط يقولي يا بابا مش عارف وكل يوم يطلع بحجه جديده.
وكل يوم يوم وهوا رايح المدرسه مبيكونش طايق اي حد يكلمه
المهم والدته راحتله المدرسه من يومين اول ماشفها كان حايعيط وبعدين سابيته وراحتله في الفسحه لاقته قاعد لوحده مبيلعبش مع العيال
انا مش عارف اعمله ايه خاصة اني بعيد عنه بسبب طبيعة الشغل.

مع العلم انا مش حارمه من اي حاجة وهوا مؤدب ومبيكدبش ابدا وبقول الصراحه على طول
.
انا مش عاوز اتنرفز عليه واضربه.
يا ريت لوحد يقدر ينصحني اعمل معاه ايه

**Dr_Mido** · 28-09-2010 04:54 PM

متخافش انا لسه مش اب بس كنت بتولى عمليه نقل الاطفال عندنا كلها شهر كمان وهيكلموك فى المدرسه يقولوك ابنك بيضرب العيال متقلقش عادى جدا

بنت خالتى كانت كدة اول شهر بعد كدة عادى جدا تغيير النظام من سبع حصص فاضيين لناس بتشرح بيضايق الاطفال بس و تغيير المدريسن بتوعه من حضانه للسنه الدراسيه

**ecybrarian** · 28-09-2010 05:14 PM

مش عارف افيدك بس على العموم اسأل الدكتور محمود صلاح (دا لينك صفحته على المنتدى :: نــايــل مــوتــورز:: - :: NileMotors.net :: يمكن يفيدك اكتر..هو دكتور طبيب بس اكيد عند فكرة عن سيكولوجية الأطفال

**Dr.Karim Emam** · 28-09-2010 06:56 PM

كله إلا الضرب

**beetleMOSH** · 28-09-2010 07:09 PM

المشاركة الأصلية كتبت بواسطة dr.karim emam

كله إلا الضرب

+1111111111111111111111111111111111111111

**mido90** · 28-09-2010 07:29 PM

دة عادى جداااا ما تخافش استنى شهر واحد و حتشوف... حتلاقية مصاحب طوب الارض

**heshamzaky** · 28-09-2010 07:47 PM

بص يا باشا انا عندة ابن نفس السن و اولى ابتدائى و نفس المدرسة بالحضانة بص لو الولد فى مدرسة خاصة خلى والدتة تقابل المدرسين و تعرف تحركاتة و تصرفاتة ممكن لو الولد هادىء الطباع لو ما قعدش فى نفس المكان الى بيقعد فية بيزعل و يكتم دة و لو حد من الولاد ضابقة نفس الموضوع بس دى كلها امور بسيطة و بص بجد لازم شوية حزم يعنى الترغيب و الترهيب أدبلة مصروف و خلية يشترى من كانتين المدرسة حا يفرح جدا و فى نفس الوقت هو لو شاف والدتة طبعا حا يعيط و حيبقى عاوز يمشى معاها و يروح سيبة لما يعيط شوية مش مشكلة بكرة حا يتأقلم عادى جدا و تلاقية عامل صداقات و مندمج وسط الاطفال بس يا رب ما يعملش مشاكل بعد كدة ههههههههههههه

**mrmohamedragab** · 28-09-2010 08:04 PM

بص يا باشا انا كان عندى نفس المشكله و انا صغير و مبعرفش اعبر على اللى مضايقنى و للاسف كان بيباه الرد الضرب و الزعيق فكان ده بيخلينى انطوى على تفسى علشان مجيبش لنفسى المشاكل و الحكايه علاجها بسيط اوى هى خلى الولد يعتمد على نفسه شويه و يحتك بالناس بلاش الدلع زياده عن اللزوم بحجه الخوف عليه ده بيجيب نتيجه عكسيه و اديله مساحه من الحريه فى حدود المعقول ده هيديله ثقه فى نفسه و هيقلل خوفه من العالم الخارجى يعنى اشركه فى لعبه فى نادى وتكون لعبه اجتماعيه علشان يتعامل مع الناس زى كوره القدم و اهتم شويه انك تكون معاه و تشجعه ده هيفيده كتير

**ahmed88hassan** · 28-09-2010 08:18 PM

متابع

**newuser2009** · 28-09-2010 08:42 PM

ارجوك بلاش ضرب
الولد واضح انه هادي و خجول
و الضرب ما بيحلش المشكله بل بيزيدها تعقيدا
انا بخمن انه ما بيختلطتش بالاولاد اللي في سنه كتير سواء في الاقارب او الجيران او في النادي
فبيحس انه غريب عن العيال اللى معاه في المدرسه
انصحك تخليه يختلط بالاولاد اللى في سنه بره المدرسه
علشان جوه المدرسه ما يحسش بغربه
و الله اعلم

الموضوع: ابني والمدرسة ( اولى ابتدائي)

LinkBack

أدوات الموضوع

عرض

-

-

-

-

-

-

المواضيع المتشابهه

سنه اولى كلاب

أنا ....وجى جى.... سنة اولى

اولى الخطوات

ليلة سقوط الأخلاق (اختيار الحضانة والمدرسة)

الكلمات الدلالية لهذا الموضوع

المفضلات

المفضلات

ضوابط المشاركة