مش هنوصل لحل كده .. حضرتك عارض عربيه المفروض تقول سعرها وبين البائع والشارى يفتح الله .. اللى عاجبه السعر اهلا وسهلا يجيلك يتفرج واللى مش عاجبه بين البايع والشارى يفتح الله لكن مينفعش تقول كل واحد يحط سعر !! ياريت تحط السعر ونحط حد للموضوع لانه بقاله 5 صفح بنتكلم فى نفس الكلام ونفس ا لسؤال عن ا لسعر ..ولو حد شايف اى كلمه انا قولتها غلط يقولى !!!!!!!!
والله يا جماعة فعلاً هو لما رد على الخاص ما كتبليش سعر فعلاً بس وضحلى شوية امور وسبب انه مش عايز يكتب سعر
وانا شايفة اننا مادمنا مش عارفين نوصل لسعر محدد منه يبقى افضل حاجة اننا نكتب كل واحد عنده استعداد يدفع فيها كام ومش هنخسر حاجة بالعكس هنفهم من العروض اللى هتتحط العربية ممكن سعرها يوصل لكام وبلاش نضغط عليه فى انه يحدد سعر
على فكرة انا كنت كتبت سعر قبل كدة وقلت نعتبره بداية للمزاد اللى المفروض يحصل علشان نوصل لتقيم العربية دى تقيم الطلب مش تقييم العرض وياريت اللى عنده استعداد يدفع اكتر يقول .... يلاااااااااا علشان نقدر نوصل لحل فى العربية دى يا جماعة بليييز اكتبه عروض للشراء وانا بدأت ب 15000 وبقول مين يزود
لو مزاد المفروض يبقاله وقت بدايه ووقت نهايه ... والمفروض فى وقت النهايه يبيع بالسعر اللى حطه اخر واحد لذلك بقول هو الى يقول السعر زى ما قلت فى الرد اللى فات!!!!اقتباس:
لى فكرة انا كنت كتبت سعر قبل كدة وقلت نعتبره بداية للمزاد اللى المفروض يحصل علشان نوصل لتقيم العربية دى تقيم الطلب مش تقييم العرض وياريت اللى عنده استعداد يدفع اكتر يقول .... يلاااااااااا علشان نقدر نوصل لحل فى العربية دى يا جماعة بليييز اكتبه عروض للشراء وانا بدأت ب 15000 وبقول مين يزود
اشكرك جدا على توثيقك لكلامى
وانا مش عارف الناس دى ليه بيٍسألوا تانى وتالت انا فى كل رد او لو واحد قرا الكومنات الى قبل كده هايلاقينى فى كل كومنت كاتب لاعلى سعر لاعلى سعر.
وانا ناويت اسهلهالكوا شويه عشان ال50 رساله الى بيجولى كل شويه وعشان اكون صريح معاكوا اعلى سعر جالى فيها لحد دلوقتى 22.000 جنيه.
وادينى كتبت اعلى سعر جالى اهو عشان محدش يقولى سعرها كام. واشكركم جدا على اهتمامكوا بعربيتى وده يدل على ان تعبى فيها مراحش هدر
معاك ربنا يا باشا وعاوزين نسمع اخر سعر بيعت بيه اما تتباع العربيه
عندى سؤال صحيح .. انت كاتب فى الكماليات انها فيها تكيف .. ده تكيف ايه يا ترى ؟؟ وركبتله الدائره بتاعته ازاى او دائره انهى عربيه ؟؟
العربية شكلها حلو اووى
السلام عليكم ورحمة الله وبركاته
ربنا يوفقق في بيعها يا حسام وانا عارف اد ايه تعبت فيها وربنا يديلك علي قد تعبك
ان شاء الله يا معلم بالمناسبه انا عمرو صاحب حازم اللي معايا جين 2 سوده اللي في
التوقيع ....
:ask:
انا متابع الموضوع من فتره هنا وعلى موقع تانى وشكل موضوع السعر ده ملوش اخر يا جماعه هههههههه
بس فعلا لازم صاحب العربيه يحدد سعر لان انا ممكن اقول انا شارى ب 25 الف وانا مش فى نيتى الشراء يعنى كلام على مزاجى وصاحب العربيه يقول اه جابت 25 وانا مستنى حتجيب اكتر وكله مبنى على الاوهام صدقنى
لازم تحط سعر ولا الموضوع مش حيخلص
انا عارف يعنى ايه تعديل كويس يعنى تعب وتفكير وحرق دم ووقفه وبهدله وفلوس على الفاضى والمليان وغيره وغيره
بس محدش حيقدر تعبك الا انت ومحدش حيحط سعر لتعبك الا انت
العربيه جميله و صاحبه راجل زي الفل بس هو مش عايز يظلم نفسوة يا جماعه حتي الراجل ده لو عامل تعديلات ب 5 ده مسل بس هي اكتر من كده بكتير اوي شوفو تعديل ميكانيكا و كهربا و سمكري و دوكو و ورق و رخص و وقفه و سهر و شدت اعصاب و دي طلعت وحشه و دي حلوة و نغير دي و نصرف في دي و منكفه و وجع دماغ و سفر يمين و شمال دي بجد عربيه جميله و الراجد حقو مش يخصر لا يا جماعه يكسب لان الي هياخده هياخد علي الجاهز لاكن هو طلع عينوة في كل حاجه يعني صعب يفرط فيه ابدا بسعر قليل ده انا بقالي ست شهور عشان اظبط عدت صوت من ناس مش بتفهم و روحت لواحد زي الفل و ركبه و ركبت جي ام جديد الي كبوة هد الدنيا يا جناعه العربيه فيه مجهود بجد و اسف علي الاطاله و من وجهت نظري تساوي 25 الف و هيكون ليه ايل يشتريه و ربنا يكرم
وانا برده بتابع الموضوع وبصراحة العربية جميلة بجد تسلم ايد اللى ظبتها
معلش يعنى المشكلة الحقيقة ان كل واحد شايف العربية بشكل يعنى فى ناس بتقول كدة كدة دى 127 يعنى لو ركبتلها جنحات مش هطير ولو طارت برده 127 فى الأخر... ولو العربية من وجهة نظرك تساوى 25 انا والله من وجهة نظرى دى تساوى 35 وشكلها متكلفة قد كدة بس مش المهم من وجهة نظرى او من وجهة نظرك تساوى كام المهم انها تلاقى اللى يقيمها وعنده استعداد انه يدفع فيها وهو متأكد انه بيشترى 127 يعنى عايزة حد يكون بيحب ال127
وفى رأى الأخ صاحب الموضوع ممكن يلاقى اللى يقدرها فى قسم الفيات ممكن تلاقى عشاق ال127 اكتر من هنا فى قسم البيع ناس عايزة تشترى مش فارق معاهم التظبيطات دى وزى ما قلت انا رايى انها تساوى 35 لكن كمان رأيى انك مستحيل تلاقى حد يدفع فيها اكتر من 20000 مع التفاؤل الشديد معلش لأنها فى الأخر 127 وانا عندى 127 وبقولك
وربنا يوفقك ونسمع اخبار حلوة عن بيعها لأن العربية دى شغلت الجميع
اسف على تأخرى فى الرد
مش متأكد بالظبط بتاع ايه بس هو يادايو يالانسر مش فاكر انهى فيهم وبالنسبه للتركيب فأكيد مش انا الى ركبته فابلتالى مش عارف ايه موضوع الدائره بتاعته دى
تشكر ياباشا
اهلا وسهلا بيك ياعمرو وشرفت الموضوع
اشكرك ياباشا انك متابع بس لو حضرتك شوفت اخر الردود هتلاقينى قولت انها جابت 22 وده اعلى سعر لحد دلوقتى
اشكرك جدا ياباشا على مداخلتك ووالله انت كل كلمه كتبتها صح من تعب وقرف وسفر ووقفه فى الشمس يوميا وحجات كتير وعندك مثل صغير بس من حاجه برده صغيره مش حرقتلى دمى ده شيتطه وانا بروش العربيه عملتلها اللون الاحمر بتاع النيو سيراتو الكوبيه لو حد شافوا وبعد مالعربيه طلعت من الفرنه لقيته وحش اووى عليها رحت رايح جايب بوهيه تانى ورشيتها تانى ومحدش مصدق ان العربيه دى اترشت ب 2.5 كيلو بوهيه وهكذا وهكذا..ربنا يكرم
اشكرك ياباشا على ردك وشرفت موضوعى
والله العربيه تحفه فعلا واللى حيشتريها مش حيبعها لاساب كتيره ربنا يوفقك فى بيعها وتلاقى اللى يدفع فيها التمن المطلوب
ربنا يبارك فيها
بس ف كتير بيحسبها
عربيه م 88 و 127 ضيقه مثلا و يحط فيها 22 او 25
طب ماهو ممكن يجيب سكودا او برايد ب25 او 26 و اكبر واجدد موديل
هي دي المشكله
وربنا يوفقك بيها
100100
ربنا يباركلك فيها واللي حيشتريها وبالتوفيق في البيع
هو انت معانا هنا في نايل موتورز
يامرااحب
على فكرة ياجماعة العربية دى انا بشوفها فى السويس و بجد والله الراجل شكلة صارف عليها كتير
ربنا يباركلك فيها و يحسنلك بيعها
جميلة اوى وفيها شغل بنضافة وباحتراف ماشاء الله
ياباشا انا شاري ان شاء الله بس لو علي 20000 ج وفكر ورد علية ولو مينفعش معاك اكيد ربنا هيرزئك بالاحسن مني ويشتريها زي ما حضرتك عاوز بس خلي بالك في سوء وسعر السوء دايما هوه الي بيمشي وبالتوفيق