سوبر فيورا معدله وش جولف من الابره للصاروخ (بجد جامده وهايندم الى مش هايشوفها)

**SMSMRACE** · 28-09-2010 08:24 PM

1/ ماركة السياره : سوبر فيورا

2/ الموديل / السنة : 1988

3/ عدد الكيلومترات : مش عارف بصراحه عشان مكدبش عليكم لاننا مغيرين العدادات اصلا

4/ نوع ناقل الحركه : طبعا مانيوال

5/ لون السياره : احمر بريلات دم غزال

6/ الكماليات : مش عارف اكتب ايه ولا ايه هههههههههه ( زجاج كهربا / عده صوت كامله (كاسيت بايونير * 4 سماعات بايونير 400 وات * بازوكا بايونير 1000 وات * جى ام سيمفونى 700 وات * جى ام سيمفونى 350 وات * شاشه عرض دى فى دى 10 بوصه بتشغل افلام واغانى وصور ) / تكييف / انزار /سنتر / زينون / جنوط اسبور 15 / مش فاكر ايه تانى )

7/ حالة الصاج او الخوارج : رشه نضافه بس كباقى التعديلات لكن مكانش فيها ولا خبطه قبل الرش

8/ حاله الدواخل : فابريكه بالكامل

9/ حاله الصالون : بجد جامد جدا وانتوا هاتشوفوا الصور بنفسكوا

10/ الحاله العامه او التقيم العام للسياره : بجد حلوه اوى ويابخت الى هياخدها

11/ حاله البطارية : فارتا الالمانيه ولسه جديده فى الضمان

12/ حاله الكاوتش : كومهو وبرده لسه جديد

13/ السعر المبدئى كام : لاعلى سعر

14/ اسم صاحب الاعلان ورقمة : حسام السيد (واسف مش هاينفع موضوع الموبيل ده لظروف معينه حاليا بس اى استفسار انا معاكوا هنا)

15/ تاريخ انتهاء الرخصة : سنه

16/ اول يد او ثانى : ثالث يد

17/ امكانية البيع بتوكيل او اشتراط التسجيل : الى هايشترى هاتتسجل بأسمه علطول

18/ حاله الموتور : متسقطلها مكنه لانشا 1300 سى سى استيراد بحاله ممتازه (بيتغيرلها زيت موبيل 5000 قبل ميعاده كمان ومايه خضراء للريداتير يعنى علطول مهتمين بييه)

19/ مكان المعاينة : السويس وفين بالظبط هيبقى حسب الاتفاق

20/ سعه المحرك اللترية وعدد السلندرات : قولت 1300 سى سى / 4 سلندر

حبه صور على الماشى

وده فيديو كمان للعربية مع الساوند سيستم الجبار ( تراك لاختبار البييز )

الفيديو

[youtube]http://www.youtube.com/watch?v=FUVzCQd_eAc[/youtube]

**evram** · 28-09-2010 08:34 PM

ياريت سعر مبدئي للعربيه عشان نعرف نتكلم و ياترا الموتور و اي تعديل زي تغير اللون مسبوت علي الرخصه

**SMSMRACE** · 28-09-2010 08:57 PM

المشاركة الأصلية كتبت بواسطة evram

ياريت سعر مبدئي للعربيه عشان نعرف نتكلم و ياترا الموتور و اي تعديل زي تغير اللون مسبوت علي الرخصه

ياباشا انا كاتب لاعلى سعر يعنى حضرتك لو عايزها هاتبعتلى السعر الى انت شايفه مناسب ليها كان كويس يبقى على البركه مش كويس اكيد فى حد تانى هيقدرها وبالنسبه للتعديلات ايوه مسبوته فى الرخصه

**sherif_m72** · 28-09-2010 09:43 PM

الشيئ الجميل ميختلفش عليه اتنين
بس الله وماشاء الله على عربيتك وربنا يباركلك ويبارك للى هيخدها باذن الله
دى من اجمل الفيورا فى مصر
بس انت عشان تلاقى حد يقدر ويتمن التعديل والمصروف على العربيه من نفسه ده هيبقى صعب جدا جدا
انت ممكن تحط معدل اسعار للعربيه واللى انت طالبه وتبقى كده ساعدت المشترى فى التقريب للسعر وده هيساعد الطرفين
ربنا يوفقك ان شاء الله

**evram** · 28-09-2010 10:41 PM

ايو ة اديني رنج اتكلم فيه

**SMSMRACE** · 28-09-2010 10:48 PM

المشاركة الأصلية كتبت بواسطة sherif_m72

الشيئ الجميل ميختلفش عليه اتنين
بس الله وماشاء الله على عربيتك وربنا يباركلك ويبارك للى هيخدها باذن الله
دى من اجمل الفيورا فى مصر
بس انت عشان تلاقى حد يقدر ويتمن التعديل والمصروف على العربيه من نفسه ده هيبقى صعب جدا جدا
انت ممكن تحط معدل اسعار للعربيه واللى انت طالبه وتبقى كده ساعدت المشترى فى التقريب للسعر وده هيساعد الطرفين
ربنا يوفقك ان شاء الله

بجد اشكرك جدا على زوقك بس والله انا فعلا خايف اظلم نفسى بجد انت لو كنت شفت العربيه دى يوم ماجبتها كانت عامله ازاى محدش هايصدق العربيه دى الى خلانى اجيبها انها كانت فابريكه بره وجوه ومكانش فيها اى حاجه وكانت واقفه اكتر من7 سنين فى مكانها فسألت على صاحبها والمهم اشترتها وكان فوانيسها ورا وقدام مكسوره والازاز مكسور يعنى بجد انا صرفت عليها كتتتتتتتتتتتتتتير جدا وممكن محدش يصدقنى لما اقول انى صارف عليها اكتر من 10.000 جنيه تعديلات بس. بس بجد انا ماسبتش حاجه فى العربيه تدل على انها فيورا اصلا كل صغيره قبل كبيره انا عدلتها فى العربيه والصور والفيدو يوضح ده وانا الحمد لله مابصرفش جنيه واحد على حاجه وحشه كل حاجه فى العربيه نضيفه جدا . فاعشان كده مش هاعرف احدد تمنها بالظبط فكل واحد على حسب تقديره والى هايدينى سعر احسن هو الى هايفوز بالهديه دى