انا محبط جدا جدا ..................................

**fares515** · 29-09-2010 05:16 AM

بغض النظر عن اختيارك
أنا رأيى إن مفيش عربيه في الدنيا تستاهل انك تزنق نفسك عشانها في حاجات تانيه اهم من العربيات واللى ميجيش انهارده ممكن ييجي بكره..اشترى العربيه اللى تكون مستريح وانت بتدفع فلوسها مش مزنوق ولاحاجه..

**cOrn** · 29-09-2010 05:30 AM

نصيحة " اوعى تزنق نفسك فى الفلوس عشان عربية , عشان لا قدر الله لو حصل اى حاجة للعربية او احتاجت اى حاجة او حصل مشكلة يبقى معاك فلوس , فرضا انك هتشترى عربية ب 50 الف حط فى اعتبارك ان فى 5000 جنية للطوارئ و العربيات مالهاش امان و كتير من اصحابى اتحطوا فى الموقف دة و كلهم ندموا ندم جامد انهم معملوش حسابهم " احسبها فى دماغك و بعدين ورقة وقلم مع صلاة استخارة و ربنا يكرمك انشاء الله و لو نصيحتى جت بفايدة يا ريت تبقى تدعيلى

**osamy** · 29-09-2010 10:32 AM

المشاركة الأصلية كتبت بواسطة gobeltoffire

انت شوفت التيدا البلس ولا الهاف اوبشن ؟!!!
لان البلس فخمه جدا من جوه فيها خشب ابانوس و فرش قطيفه بيج شكله شيك جدا وفيها كل الكماليات سي دى تشانجر و بلوتوث و مالتى فانكشن واتوماتيك على فكره انا معايا اوكتافيا a5 والتيدا فخمه جدا من جوه

بس الكونسول والعدادات شكلهم وحش
ومستحرم فيها 127.5
لاني هجيبها هاتش باك فالايفو احسن شكلا ومضمونا والفرق هيبقى في الوسع الداخلي بس
واعتقد مافهاش بلوتوث

**Mustafa_Farouk** · 29-09-2010 11:24 AM

السلام عليكم،

مفيش أخبار عن اللينيا ؟؟

**osamy** · 29-09-2010 11:27 AM

المشاركة الأصلية كتبت بواسطة onz

يا استاذ احمد باشا (osamy)
سبها علي ربك و هو ها يحلهالك

انت ممكن تكون بتحجز ايفو و تاني يوم تشتري حاجه تانية خااااص

لو المواصفات اللي انت عاوزها في الايفو موجوده خلاص اشتريها و خلص
و ذي ما قولتلك العربية1400 و علي الحجم دا تبقي ممتازه و سيبك من الكلام اللي في بالك و الفتي و التخاريف

و علي فكرة مش حلو ان الواحد في الزمن الاغبر دا و يزنق نفسه علشان عربية

انا رائي
انك تشتري عربية محترمة و هاتريحك في شغلك:b4_033:
و تكون ميسور الحال

علشان المستقبل متعرفش فيه اه

كلامك موزون وزي الفل
شكرا يا باشا

**osamy** · 29-09-2010 11:29 AM

المشاركة الأصلية كتبت بواسطة mnabeih

يا عم والا احباط والا دربكه, اللي ربنا كاتبه ان شاء الله هايكون!!!!

انا كنت رايح اجيب جراند و بعدين لقيت نفسي بسحب العربون و رايح علي كروز و في الأخر الحمد لله اللينيا!!!

لو العملية هاتزنأ معاك يا البونتو الايفو ما شاء الله تحفة.

فعلا حكاية ان الواحد يجيب عربية دي محيرة جدا
البدائل كتير ومميزات وعيوب و و و و
وفي الاخر الي ربنا عابزه هيحصل

شكرا

**osamy** · 29-09-2010 11:31 AM

المشاركة الأصلية كتبت بواسطة juventus

طبعا يا باشا و بدون شك البرافو هي الافضل بس اهم حاجة متزنقش نفسك في الفلوس مهما كانت العربية حلوة لانه محدش عارف بكرة فيه ايه
و انا برشحلك الايفو عربية ممتازة و انا والله نفسي في وحده
اتكل على الله و هات الايفو

تمام بس انا عاوز اعرف يعني ايه ما ازنقش نفسي؟

يعني اشيل فلوس على جنب ؟؟
ولو قصدك كده المفروض يبقى اد ايه؟

**osamy** · 29-09-2010 11:32 AM

المشاركة الأصلية كتبت بواسطة mnabeih

يا جماعة ممكن الواحد يزنق نفسة( بالعقل يعني مش يموت نفسه) في سبيل انه يجيب حاجة افضل ليه علي المدى البعيد!!!

كلام منطقي
بس انا عاوز اعرف برضه من وجهه نظرك معنى كلمه ما ازنقش نفسي ايه

شكرا

**osamy** · 29-09-2010 11:42 AM

المشاركة الأصلية كتبت بواسطة onz

فبتقول تشتري حاجة كويسة و تعيش بس حطه في دماغه لو تيسر الحال تشتري افضل

الكلام ده فكرت فيه وهوه كلام كويس

بس المشكله ان الواحد مثلا هيشتري ايفو ب 100000 ويبيعها بعد 5 سنين ب 50000
وبعد كده يشتري برافو ب 145000 وبعد 5 سنين هيبقى سعرها 70000 مثلا (حتى لو مابعش بس سعرها التقديري في السوق)

يبقى كده خسر 135000

بينما لو جاب البرافو ب 145000 ممكن تقعد معاه العشر سنين اصلا ويبعها ب 40000 او حتى 30000 يبقى خسر اقل
ولو كان عاوز يغير بعد 7 سنين برضه الخساره هتبقى اقل
فاهمني
فالموضوع محير جدا

شكرا

**osamy** · 29-09-2010 11:44 AM

المشاركة الأصلية كتبت بواسطة slim_shika

أنا مع رأي إنك ماتزنقش نفسك, ماحدش بيحط فلوسه كلها في عربية (حتى لو كنت عربية احلامه) ومتنساش إن اسعار قطع غيار الايفو ارخص من البرافو.

أنا لو مكانك هستنى لحد مجمع الفلوس اللي محتاجها وأجيب البرافو. هي حاجة محيرة بس هي معادلة و أهم حاجة متستعجلش.

بالنسبه لقطع الغيار
هوه انا هحتاج لقطع غيار في اول 3 سنين؟
مش فيه ضمان؟
وكمان انا هأمن كده كده اجباري علشان هقسط