حضرتك قاصد النسبه دي فعلا
10% من تمن العربيه احطهم على جنب
وحضرتك قصدك بال 5000 جنيه دي طواريء للحياة ولا للعربية فقط !!
بص حضرتك المشكله اني مش مقتنعاني ادفع كتير في حاجه مش عجباني اوي مع ان كلام حضرتك صح ان الواحد يجيب حاجه تمشي في البلد وليها سوق
بس برضه حرام ادفع كل ده وما ارضيش نفسي. صح؟
و انا عندي تحفظ على بعض العربيات
التيدا زي ماقولت شكلها من جوه مش عاجبني وهيه في الاخر هاتش باك
طب ما اجيب الايفو وخلاص . مع اني عارف ان التيدا اوسع بس الفرق كتيير
في سبيل الوسع وبالمقابل الجمال الداخلي والخارجي للايفو (مع الوضع في الاعتبار اني شاب عندي 25 سنه وعاوز حاجه شكلها سبور شويه)
هوندا سيتي كانت عاجباني وكنت نازل اشوفها امبارح قالولي مش موجوده في السوق وهتنزل اول السنه اغلى 3 او 6 الاف جنيه
ياريس مابحبهاش دا غير انتشارها وانا بحب التميز على قدر الامكان
التريوس برضه من جوه فاضيااااااااااااااااااااا اااااااااا
وسمعت عن مشاكل فيها مش فاكر كان عن الثبات باين
الابيزا حلوه بس انا مستكتر 120000 على عربيه في الحجم ده + انها من جوه صفر كبير في الشكل
بيجو 207 حلوه بس حاسس برضه انها صغيره اوي وكتير عليها تمنها + اني خايف منها ومن قطع غيارها
رينو - ياريت حضرتك تقولي تقصد انهي رينو
سيراتو - انا كنت حاببها قبل ما ابتدي ادور وافتح عيني عن العربيات
بس اولا انا مش ميال للكوري
ثانيا انتشارها الفظييييييييييييييع يخليني ابعد عنها تماما
الكروز حاسس انها شكل وبس
يعني فار لابس لبس اسد
وكمان لما شفت الانتريور في الصور اتوهمت
روحت شوفته في الطبيعه حطيت ايدي عليه مش عاوز اقولك
خامات تعبانه وكلها بلستيك وتتقشر بسهوله
والتابلوه قماش وممكن يتوسخ بسهوله جداااااااا
وبس
شكرا ليك
على فكرة انت دماغك حلوة ونظيفه.. انت عاوز تمتع نفسك وتركب عربيه مميزة ومش هاتقتنع الا بكلام نفسك فى النهايه واراهنك..
انت مش هاتركب غير اوروبى وقدامك الايفو والبرافو والابيزا والميجان (بخلاف الكورسا و فييستا ماحبيتش اقوللك عليهم بس)
وعلى فكرة انا برجح الفيات اكتر بس برضه الميجان عربيه ممتازة فعلا وفيه البيجو 308 بس بصراحه مش عارف سعرها فى الرنج ولا لا
موضوع بقى الايفو ولا البرافو دة محدش يقدر يقوولك عليه غيرك لان الطبيعى ان طبعا البرافو احسن من الايفو من حيث السعه والحجم وكل حاجه.. دى فئه ودى فئه
انت بس توكل على الله واحسبها مع نفسك وشوف انت تقدر على انهو واحدة بالظبط
وعلى فكرة انا دماغى زيك بالظبط وبحب اكون مميز ونفسى اجيب الفاروميو 156 موديل فوق 2003
هما شبابي اكتر لأنهم هاتش باك
عموما على حد علمي هما اعلنوا ان اللينيا فيها تحديث في موديل السنة اللي جاية ان شاء الله
يعني ممكن كلنا نفاجأ انها اتحط لها نفس التابلوه بتاع الايفو و الله اعلم يمكن فيس ليفت كمان
بس لو طبعا غليت اوي لحد ما بقت بسعر البرافو يبقى الاختيار بقى اصعب
ارجع و اقول , حط قطع الغيار في حساباتك
هو حضرتك كاتب في الموضوع انك لو جبت البرافو هتبقى زنقت نفسك اوي
و عشان كده انا رشحتلك الايفو و لازم طبعا متصرفش كل او معظم اللي معاك في عربية مهما كانت مميزة بالنسبالك و دي طبعا وجهة نظري
لازم يكون دايما فيه معاك مبلغ على جنب لانك متعرفش بكرة فيه اي ممكن يحصل و خاصة في زمنا ده و ربنا طبعا يديم الستر علينا كلنا
بالنسبة للمبلغ ده اد ايه دي طبعا حاجة ترجع لحضرتك لاني طبعا معرفش ظروف حضرتك المعيشية ايه و مش من حقي اعرف
و تقبل تحياتي :S_thum1[1]: