الموضوع: ماهو برنامجك الانتخابى

بتفكرنى باللى عايز يدخل الانتخابات ويقول هبنى مستشفى وجامع وكل واحد هيوصله المرتب لحد البيت ومش لازم يروح الشغل واى حد محتاج فلوس انا هديهاله واللى مش محتاج هديله برضة
احنا هدفنا اسعاد المواطنين

كان هذا برنامج الانتخابى للغالبيه العظمى من المرشحين للمجلس الموقر

وقابلنى لو شوفت وش واحد فيهم لما بيكسب الانتخابات

والله يا فندم انا عمرى ما شفت برنامج انتخابى غير مره او مرتين والاتنين متنفذوش...

لكن اللى اتأكدت منه ان الشوارع بتتسفلت والرصيف بيتدهن قبل الانتخابات على امل تجديد الثقه وان العضو ملحقش يحل المشاكل فى الفتره اللى فاتت...

ومره واحده حضرت سرادق لمرشح مستقل ...شيخ على يمينه و قسيس على شماله...وفوجئت بكم هائل من الصراخ والتهليل حول ما ستصبح عليه المنطقه بعد فوزه فى الانتخابات وان المنطقه هتبقى على الخريطه التنمويه للقاهره والكلام الكبير ده...و عبارات قويه...من عينه ....اللى هيرشحنى عشان عايز يعين ابنه ولا بنته ميرشحنيش لانى مش هعمل كده وانا مش من الناااس دى!!!


المفاجئه بقى ان السيد المرشح المحترم نجح فى الانتخابات رغم كونه مستقل ...ولم نره او نسمع صوته من وقتها وحتى يومنا هذا..

يعنى من الاخر ...البرامج الانتخابيه ....هى مواضيع إنشائيه لا تطبق ولا تذكر....

دا رأى شخصى....وتقبلى مرورى...

كلام المرشحين كله كلام فى الاوهام.....
محدش فيهم مصلحته يخدم الناس عشان يعمل برنامج انتخابى وكل الى بيتعمل دا حاجات روتينيه على ما يمسكوا وبعد كدا تتقطع اخبارهم...
وانا مش هنتخب ولا هنتخب ان شاء الله فى اى انتخابات... ممكن اقول رأى بس لو عملوا استفتاء على ارسال الحكومه كلها الى القمر وبالمره المكوك ينفجر فيهم