الله يخليكو انا عايز النصيحه بخصوص عقوبة تركيب سارينة شرطة

**eljazeera77** · 29-09-2010 12:05 AM

السلام عليكم يا شباب
انا كنت عند الكهربائى بظبط المرش مطولش عليكم قولو طول
المهم لقيت واحد جاى معاه سرينه شرطه كان مزنوق وعايز فلوس المهم الكهربائى قالى دى لقطه واصليه
وصراحه جربها قدامى صوتها رهيب هى بتاعت الشرطه والاسعاف بالضبط وصوتها فعلا رهيب المهم الكهربائى لعب فدماغى وقالى لو مش هتخدها انا عندى الزبون الى ياخدها دلوقتى المهم اخدتها ب250 جنيه
صوتها تحفه يا جماعه ولايقه على العربيه نوبيرا سوده وجربتها والله الطريق بيقف على رجل لما شغلتها لانها فعلا اصليه
الخلاصه استفسارى بقا
1-ماذا لو اتقفشت ايه العقوبه
2- صراحه هى حلوه بس ضميرى مأنبنى والله لانى كنت من المعارضين لتركيبها
ايه رأيكو يا شباب متبخلوش عليا بالنصيحه بالله عليكو علشان خاطرى لانى والله العظيم متكهرب منها وهى فالعربيه

**eljazeera77** · 29-09-2010 12:11 AM

ايه ده انا بقالى 3 دقايق ولسه محدش رد هههههههه
طيب اما اقوم اريح نصف ساعه واجى اشوف الردود
والله الموضوع ضرورى اوى يا جدعان

**م. محمد نافع** · 29-09-2010 12:49 AM

السلام عليكم
بيتهيالي بلاش
لان لو اتمسكت بيها يبقي فيها قضية ومشكله

**tarek_2005** · 29-09-2010 01:14 AM

اقل عقوبة لو اتفشت بيها هي ( المصادرة ) اما الشرعية او غير الشرعية
طبعاً فهمت كلامي
واقصي عقوبة ايقاف رخصة تسير السيارة لفترة واعادة فحص فني لها غير الغرامة المالية طبعاً

ما تفكهاش بس لبا تستعملها الا في الضرورة القصوي

انا بعمل علي تطويرها الان وتشغيلها علي جهاز الانزا نظراً لصوتها العالي والمرعب في ذات الوقت وسوف اوافيكم بهذا التعديل دون الاضرار بجهاز الانزار

**eljazeera77** · 29-09-2010 03:18 AM

ربنا يخليكو يا شباب على الردود
يا جماعه انا شايف الميكروباس مركبها اينعم مش زى الى معايا بس مسمعتش قضيه دى خالص انا سمعت زى حضرتك يا استاذ طارق ما قلت بتتصادر بس اهم حاجه مش حبس ولا بهدله
على العموم متابع بشده لموضوع تشغيلها مع الانذار تبقا شديده صراحه

**yassero** · 29-09-2010 03:58 PM

انا اعرف واحد اتصادرت منو ودفع 300 جنيه تحت الطربيزة وطلعها

*معلومة*
هو ما اتفتشت لا كن هو شغلها في طريق وكان في لجنة جبوه وفكوها واتصادرت وجابها بال 300
بس مش فاكر الرخصة اتسحبت ولا لا

علما :
ان هو اشترى عربيه بيجو بتاعت لوا تقريبا وكانت راكبة فيها ومتفيما

هذا والله اعلم

**Amro_ON** · 29-09-2010 04:09 PM

انا اما بقابل حد عنده السرينه دي لااااااااااااااااازم أغسل عليه جااااااامد ... مع احترامي لكل الناس الي جيبنها .... السرينه دي خييييبه كبيره و عبط كمان