عاوز اجيب غطاء لانوس 2 منين وبكام
عرض للطباعة
عاوز اجيب غطاء لانوس 2 منين وبكام
لو حضرتك تقصد غطاء خارجي للعربيه لحمايتها من الشمس والاتربه و و و فـ الحاجات دي متوفره جدا في التوفيقه والوكاله على ما اظن , بس المهم حضرتك عايز الغطاء يكون ايه وضعه بالظبط ! وعلى حسب رغبتك هيكون سعره
يعني فيه منه ضد الميا , وفي منه شكله شيك لكن خامته وحشه , وفي منه الرخيص , و و وو و
لكن اكتر شئ ممكن تتعرضله ان يكون خامه القماش وحشه وفي الحاله دي الغطاء مش هيعيش معاك شهرين حتى لان الشمس هتاكله , افتكر كان في حد قالى انهم بيسمو النوعيه دي (قماش شايط) , يعني كل ما تستنضف الغطاء هيكون احسن بإذن الله
غطاء خارجي للسيارة ووتر بروف
واضيف ايضا
هناك غطاء جلد ويتعدد انواع الجلد طبعاً
وهناك غطاء ثلاثة قطعه اي الجنبين والكبوت والسقف والشنطة اي به خطين طوليان من الخياطة
وهناك غطاء اكثر من قطعه وطبعا هو بواقي اقمشة وممكنة في بعضها
واختار وكله بسعره
شوف يا سيدى اسمع اللى هقولك علية لان انا دخت السبع دوخات ع الغطا الووتر بروف .
جبت غطا من التوفيقية ميديوم و كلة قال دا تمام ع اللانوس و اروح اجربة الاقية ماذعر و مش مغطى صح
لحد ما واحد حبيبى ادانى المفيد . كل الموجود فى السوق متعدل احجامها بمعنى من سنة كان المقاس المديوم يركب للانوس تمام التمام انما دلوقت تعالا حط المديوم على العربية مش ظابط و صغير . طب قلت اجيب الاكبر اللارج طبعا طلع واسع جدا و شكلة ........ . المهم صحبى دا خدمنى و جابلى الغطا اللى بالمواصفات القديمة من المخزن و اغلى من الموجود فى السوق . اللى فى السوق هتلاقية من 110 الى 120 جنية و حسب المقاس . اللى جابة كان ب 140 جنية بس زى ميكون متفصل ع العربية و مقاسة فعلا مديوم . اذا كان يهمك ممكن اقولك اسم المحل و الشخص و ممكن يشوفلك اذا كان فى لسة عندة منة و لا خلص . او تجيب اللى فى السوق ابو 110 لارج و خلاص متجبش ميديوم . و يستحسن اذا البياع اصر ان المديوم هيجى مظبوظ انك تجرب الغطا قدامة و العربية معاك و هتلاقية ماذعر و مش مغطى الاكصدام و شادد من عند المراية و اللارج هتلاقية ظابط من ادام 100 100 بس من ورة واسع جدااااااا و مدلدل و بيلمس الارض . طولت عليك بس انا فضلت فى الحوار دا كام يوم لغاية ما لقيت اللى المظبوط . بس بصراحة تحفة تحفة . بغطى العربية و اصبح اشيلة بلمعتها زى متكون مغسولة دلوقت مع العلم انى ساكن فى اكتوبر و الصبح دايما فى رطوبة الغطا بيكون مبلول بس العربية ناشفة و بتلمع و مفيش تراب نزل عليها عكس اللى كان بيحصل مع الغطا القماش تراب و بلل للبوية و طبعا شلفطة .
مبروك يا ميدو على العربية هههههههه وان شاء الله تلاقى الغطا وكمان شماعة البدلة المعدنية
صاحبك بوب