[overline]انا عايز اشترى اوبل كورسا سيدان 2004 -2005-2006
بس قلقان شوية
حد يطمنى ويقولى ايه عيوب العربية دى
ايه مزاياها
وشكرا للاهتمام[/overline]
عرض للطباعة
[overline]انا عايز اشترى اوبل كورسا سيدان 2004 -2005-2006
بس قلقان شوية
حد يطمنى ويقولى ايه عيوب العربية دى
ايه مزاياها
وشكرا للاهتمام[/overline]
العربيه دي مافيهاش غير عيب واحد فقط انها بتحتاج تغير طقم دبرياج(ديسك واسطوانه) كل 100000كم تزيد او تقل حسب استخدامك ليها وتمنه تقريبا 850ج-غير كده قوه وثبات وكماليات وبرستيج الالماني .واستني برده ملاك الكورسا هيفيدوك اكتر مني.
عربية ممتازة
و زى ما فادى بك قال
المانى فخامه و قوة و ثبات
السلام عليكم ورحمة الله
العربية دى ماشاء الله عليها
مافيهاش مشاكل خالص
مافيهاش غير مشكلة الفتيس زى ما فادى قال
وتمنه مش بيعدى ال 1000 جنيه وبيتغير تقريبا كل 50 أو 60 ألف كم
يعنى كل سنة ونص أو سنتين يعنى مش قصة
فى كذا موضوع هنا عنها وعن تغيير الأسطوانة والديسك بتوعها إعمل بحث عنهم و
والأهم حالة العربية اللى حاتشتريها تكون تمام وانك تطلع على التوكيل تكشف عليها كشف شامل قبل ماتشترى عشان تبقى مطمئن على الفلوس اللى حاتدفعها
وان شاء الله بالتوفيق
أخوك فى الله هانى
عربية تعتبر الاسواء فى كل فئات الاوبل بلاء منازع
ثبات سىء جدا
مشاكل فى طقم الدبرياج
منصحش اى حد يشتريها لانها تكنولوجيا شفورلية وتحط عليها علامة الاوبل للتسويق
تامر قفلها صح
هى مشكلة طقم الدبرياج دى هى نفسها اللى فى الاسترا 2001 ؟
أرجو الإفادة
معتقدشى ان نفس المشكله فى الأسترا
مسمعتشى عنها
مش معاكك فى موضوع الثابات دة خالص عن تجربة للعربيةاقتباس:
المشاركة الأصلية كتبت بواسطة tamertamer
مبديئا العربية برازيلى فيعيدة كل البعد عن الالمانى من حيث التقفيل و الخامات
العيوب
تقفيل سئ جدا
عزل سئ جدا للموتور و تحس بعد سرعة 120 كم/ساعة انك قاعد جوا الموتور
طقم اسطوانة و ديسك انا بغيرهم كل 35000كم لانى بسافر كتير جدا و بحرق على الغيارات و ممكن اكون بحمل اكتر على الاسطوانة
المساحة الداخلية مش قد كدة و خصوصا الكنبة الخلفية
الخامات رديئة جدا و خصوصا التابلوه
المميزات:
الموتور بصراحة سحب ممتاز للعربية على الطريق
ثبات ممتاز على الطريق حتى سرعة 170 كم
استهلاك البنزين مقبول حوالى 8 لتر لكل 100 كم
التكييف مقبول و مش بياثر على سحب العربية
وممكن تبص على الموضوع دة
http://www.nilemotors.net/Nile/178547-2003-2006-a.html
و كفراوى قال رأيه كمان
عربيه محترمه وما شاء الله
بس حسب الحاله لازم تكون نظيفه وممتازه
بالنسبه لموضوع الدبرياج دا معرفش عنه بس سمعت من الرجاله هنا بتقول انه بتغير كل 70 الى 100 الف
بس دي مش الماني مش كدا ولا ايه رجاله عشان كدا تقفيله وحش
أنا كنت عامل تقرير سريع كده عليها فى موضوع سابق أهه
العربية ممتازه ما شاء الله .. أولا شكل شبابى و الكبود عالى و صاجها تقيل .. أنا كان معايا سوزوكى سويفت كان أى حاجه تريح عليه الصاج يتطبق .. بجد الكورسا فرق شاسع .. كذا مره أتحك أجيب قطنه و ميه وترجع زى الأول .. يعنى الصاج مبيدخلش لجوه.
الموتور : السحب ممتاز جدا و موتورها ناعم و صوته قوى لما تقرص عليه.
الاستهلاك: عادى بالنسبه لعربيه 1600 سى سى .. يعنى متوسط 200 كم/الصفيحه جوه البلد.
الكماليات: جميع الكماليات .. تكييف .. سنترلوك .. باور ستييرنج .. 4 زجاج كهرباء .. 4 وحدات رفع .. مرايات كهربا.
مساحات التخزين: ممتازة جدا .. أربع حامل أكواب .. باكيتات فى الابواب .. درج التابلوه واسع جدا و مضاء .. مساحات تحت الكاسيت و فى التابلوة.
الثبات: ممتاز .. جبت بيها 160 بس للأسف . بس واحد صاحبى جاب 210 و بيقولى كانت كويسة.
العفشه: ناشفه الى حد ما .. يمكن عشان يخلوا العربية ثابته .. و يمكن عشان العربيه كنزة شوية .. ويمكن عشان الكاوتش عندى ماكسس (ناشف شوية).
التكييف: ممتاز جدا .. ميفرقش حاجه عن الكورى سواء فى البروده أو فى سرعة الوصول لدرجة البرودة.
أسعار قطع الغيار: كلها عاديه .. الفوانيس أسعارها بتدور حوالين 200 جنيه .. سير الكاتينه 60 جنيه .. سير الدينامو 90 جنيه .. بلية الكاتينة 220 جنيه .. فى موضوع عن أسعار قطع الغيار لو تحب تراجعه .. الغالى فيها اسطوانة الدبرياج و الديسك ب 900 جنيه .. و البلية ب 850 جنيه تقريبا.
العيوب: بتحتاج تغير اسطوانة و ديسك على فترات أقرب من العربيات التانيه .. يعنى حوالى 50 ألف كيلومتر .. و بيختلف حسب طريقة سواقتك .. أنا عربيتى داخلة على 80 ألف كيلو و لسه متغيرتش .. بس لما بقف واطلع كتير بحس انها بترج معايا شوية .. الكنترول باظت مع واحد صاحبى و جاب واحدة استيراد.
العربيه كتقييم عام .. أنا شايفها أحسن العربيات فى سعرها .. أنا قبل ما أجيبها كنت بفكر فى لانوس أو هيونداى .. انما دلوقتى بجد صعب جدا ان انا انزل منها على حاجه من دول (مع احترامى لهم).
اتمنى اكون افدتك و ربنا يوفقك لما فيه الخير.
الله بنور با كريم
معلش هو حضرتك ليه بتقول على الخامات رديئه و خصوصا التابلوه .. أنا شايفها كويسه جدا التابلوه هو اه مش فخم .. تحس انه بلاستيك .. لكن عمره ما شقق مقارنه بالهيونداى أو قفع زى الكيا سيفيا مثلا أو طوس و لونه اتغير زى عربيات تانيه .. و لما بيتلمع بيرجع زى الجديد تماما.اقتباس:
المشاركة الأصلية كتبت بواسطة askafrawy
فرش الكراسى و الابواب ممتاز برضه .. بس متغسلش فرش الابواب عشان بيطلع لما يتغسل.
السقف ممتاز من جوه و عمرى ما شفته واقع فى عربيا كورسا سيدان .. بعكس عربيات أوبل تانيه نادرا لما أشوفه مش ساقط فيها .
التكييف مش مقبول .. لأ ده على الأقل جيد جدا .. وبسيط و مالوش مشاكل .. بعكس عربيات تانيه أوبل برضه تكييفها معقد و نادرا لما تلاقيه شغال أصلا .
العربية لما تقارنها بالعربيات اللى فئتها .. أنا شايفها ممتازه و مناسبة للسوق المصرى و الجو بتاعنا.
اقتباس:
المشاركة الأصلية كتبت بواسطة kareemz
طيب أنا بشكر حضرتك على ردك و عاوز أقابل حضرتك و تشوف عربيتى و تورينى الاماكن اللى حضرتك شايف تقفيلها مش كويس فى اللحامات و كابلات الكهربا .. و تشوف اداء التكييف و تقول لى ضعيف ازاى .. مع العلم ان العربية مش معايا من الزيرو و صاحبها الأول تقريبا مغيرش فيها حاجه و أنا زودت شحن التكييف مره واحده بس.
ربنا يبارك لحضرتك فيها...هى عموما عربيات وعربيات لان فيه ناس لحد دلواتى مغيرش اسطوانه و ديسك من ساعة ما اشترى العربية...وفيه ناس ظهرت معاها مشاكل كتير جدا...لكن الحمد لله طالما حضرتك مقتنع بالعربية دى حاجة كويسة...بغض النظر عن سوء التقفيل وبغض النظر عن العربية ان شاء الله هنتقابل قريبااقتباس:
المشاركة الأصلية كتبت بواسطة kareemz
التابلوه عندى كويس جدا وانا ساكن فى شارع الشمس ضاربة فيه طووووول اليوم ولما باجى ادخل العربية بتكون مولعة وعمر ما حصل حاجة للتابلوه.
اسوأ حاجة بجد هى الكراسى، تنجيدها سيئ للغاية
التكييف عندى معملتش فيه اى حاجة من ساعة العربية ما جت بس هو فيه عيب انه لما تكون درجة الحرارة فوق ال٤٠ وانت واقف فى حتة زاحمة الكومبريسور بيفصل ومش بيشتغل وطبعا الواحد بيستلق جوه، لكن اول ما العربية تتحرك الكومبريسور بيشتغل.
يعني ازاي الكومبريسور بيشتغل لما تتحرك العربيه بس ولا ايه؟؟؟!!؟!
انا فيه مهندس شرحلى الموضوع ده قبل كده بس مش فاكر التفاصيل اوى
اللى فاكره ان فيه عربيات التكييف مصمم انه يشتغل لحد ٤٠ درجة ٤٥ ٥٠ يعنى حسب كل نوع
فلما درجة الحرارة توصل للحد الاقصى والعربية واقفة يعنى مفيش تبريد قوى للعربية (الهوا اللى بيجى فى وش العربية) الضغط بيزيد جوه الكومبريسور والسربنتينة، لو الكومبريسور ما فصلش الضغط ها يزيد جوه السربنتينة وها يسبب فى مشاكل.
ممكن نبقى نسأل جوه الورشة او ابقى اسأل نفس المهندس ده تانى.
هوا لما احنا بنكون مشغلين المكيف عادي كدا وبعد ما نتحرك ونحط غيار بنسمع صوت كدا زي ما تقول صوت غريب وانتا ماشي ولما تسيب الغيار بيختفى الصوت دا
يا تري ايه دا تفسيره ايه
وليه المكيف لما تكون جوا البلد ضعيف وبره البلد قوى
زى صوت شفط هوا كده؟اقتباس:
المشاركة الأصلية كتبت بواسطة n.a.j.d
بحسه زي ما تقول صده صوت الماتور كدا
بزيد كل ما زودت السرعه بس هوا مش ملحوظ اوي يعني...
انا مهندس محمد عاطف تليفونى 01061364991 بعدل كارتة اوبل كورسا سيدان الى كارتة دايو افضل فى الاداء
اى حد عندة مشكلة بالكارتة بعدلها وعلى مسوليتى انا معدل 8 سيارات تليفون 01061364991