الموضوع: ادعو من الله عز وجل ان يكون هذا الخبر بمثابة نهايه للأزمه وترجع الأمورالي طبيعتها

المشاركة الأصلية كتبت بواسطة Egyzizo

1- تعليق الأنبا أغابيوس لا يعنى أنها أسلمت ، متى كانت كلمة غسيل مخ = إسلام .. لماذا لا تفهمها ببساطة بأنها كزوجة كاهن ، فتركها لبيتها غاضبة وهجر بلدها كلها فعلة كبيرة جداً بالنسبة لمكانتها ، لذلك كان يقول أنهم بيحاولوا يظبطوا مخها الطايش؟

عايزين نتفق على إحترام عقلية بعض
أغابيوس إتكلم يجي خمس دقائق

بيسألوها في حالات تانية فقال:
(مرات أبونا الكل وقف عشان دي مرات أبونا لكن الحالات التانية بتختفي ومقندرش نوصل لهم)
أغابيوس قال الكثير:
بعتنا مندوبين من عندنا وأستلموها بكل سلام
إستلمناها من القاهره
حد لعب في دماغها والمذيعة بتقول له قصدك المدرس زميلها
بنظبطها
بيتعملها غسيل للغسيل

وفي النهاية تحاولون إختزل كلامه كله على مفيش
يا راجل مش كده
عايزين نبقى صادقين مع أنفسنا عشان يبقى النقاش له لزمة

المشاركة الأصلية كتبت بواسطة Egyzizo

2- القس تداوس والمسيحيون فى المنيا والقاهرة لم يكذبوا وإنما تسرعوا فى مظاهراتهم ظناً منهم أن تلك السيدة قد اختطفت ، فكما قلت لك أن ما فعلته كان كبيراً جداً وغير مصدق ويرقى إلى مرتبة "غسيل المخ"، فكان الاحتمال الأقرب هو اختطافها خاصة مع انتشار ظاهرة أسلمة الفتيات فى محافظات الصعيد بالذات. لاحظ أن بعض المتظاهرين قالوا أنها اختطفت ليتم أسلمتها ، فاذا كنت تصدق أن أسلمت ، فهل تصدق أيضاً ما قالوه بأنها اختطفت؟ لماذا تريد أن تأخذ هذه وتترك تلك؟

مش عارف عايز تلزق كلمة غسيل المخ بإن واحدة سابت بيتها ليه مش نافع تركب كده مش بالعافية
يا أستاذ إحنا بنتكلم عربي

بالنسبة للتصديق بقول أنها أختطفت
أول تهمة خطف الفتيات هي قلة أدب
ما هو مش لازم كل واحد تأسلم تروح تعمل فيديو في اليو تيوب عشان تمنع بزازة الخطف
لماذا نحاول أن نبرر تحول المسيحيين للإسلام بأي حجة أخرى حتى نحفظ ماء الوجه
المفروض أن الصدق منجي
ما هو مش لازم كل واحدة تسلم تروح تعملكم فيدو عشان محدش يشغل بزازة الخطف
زي الفيديو ده:

http://www.youtube.com/watch?v=ehBkj8y4e18

عذراً
ولكن تهمة الخطف يروجها قليلي الأدب
يعني إيه خطف عشان الستات تأسلم
عيب الكلام ده
المفروض منرددوش
الحقيقة هو ذريعة كويسة من أقباط المهجر وأعوانهم في الداخل زي المحامي جبرائيل عشان يألبوا الدول على مصر
عضو في الكونجرس الأمريكي يرسل شكر للمحامي جبرائيل على مساعدته العظيمة في جمع معلومات عن خطف الفتيات وإجبارهم على الإسلام

عيب الكلام ده
خطف إيه وقلة أدب إيه

المشاركة الأصلية كتبت بواسطة Egyzizo

3- البابا شنودة لا يكذب .. رجاء لا تلقى الاتهامات بالكذب جزافاً لأن الكذب كبيرة فى المسيحية مثله مثل الكبائر فى الإسلام ، ومرتكبه يحرم من ملكوت السموات (الجنة) ، فصعب جداً أن يكذب البابا شنودة ولو كان السكين على رقبته.

ليس عندنا تقديس أفراد وعصمتهم

لكن عند المسيحيين شنودة معصوم لأنه كبير الميسيحيين
لكن عندنا هو بشر مثل أي بشر

المشاركة الأصلية كتبت بواسطة Egyzizo

4- موضوع الرعاع ده أنا ماكنتش متابعه فمعذرة علشان مش واخد بالى من الفقرة اللى انت كتبتها.
ويا زميلى الفاضل أن أذهب للكنيسة عدة مرات أسبوعياً ولا يأتى ذكر المسلمين إلا بالخير والله يشهد على ما أقول، اذا تطرق حديث إلى الفتنة ، فما يقال هو أن المحبة تطفئ النار ويذكرنا أولوا الأمر بوصايا المسيح فى هذا الشأن ، وبألا نجازى عن شر بشر ولا عن شتيمة بشتيمة كما نصلى فى كل قداس من أجل رئيس الدولة وكل من هم فى منصب لأن يرشدهم الله لما فى سعادة الناس ورخاء البلد.

هل لازم أجيب واحد من اللي زجاج سياراتهم تم تكسيره من الطوب الذي رمي من داخل الكاتدرائية بسبب مشكلة وفاء من حوالي خمس سنين

وفي الآخر يقولوا
مين قال أصلاً إن وفاء أسلمت أو حصل أي مشكله
أكيد المتطرفيين هما اللي بيخترعوا الكلام ده
أي حجة وخلاص
تحس إنهم عايزين يجيبولنا فقد ذاكرة بالعافية

المشاركة الأصلية كتبت بواسطة Egyzizo

هذه العبارة (وكلمة محمد محرمة عندكم وتفسد إكليل الزواج) ضحكتنى شوية معلش ، حضرتك جبت الكلام ده منين؟

المشاركة الأصلية كتبت بواسطة Egyzizo

بلاش أنا

روح إنت أي كنيسة وأثناء إكليل الزواج قول يا محمد على إنك بتنده لأي حد
وابقى إحكي لنا عملوا إيه

شكراً للزميل أحمد-موجة ، وأشاركك الدعاء ..

وإلى الزميل أحمد 1981 ، أنت داخل فيا شمال بدون أن يكون لديك أى دليل مؤكد على أن كاميليا أسلمت ، غير استنباط من كلام بعض رجال الدين عندنا ، بينما من طرفكم ، فد. العوا قالها صريحة بأن كاميليا عمرها ما أسلمت ، فيا ترى هنصدق الاستنباط اللى انت عايز تصدقه وتخلينى أصدقه بالعافية ، واللا نصدق الكلام الصريح اللى ينطبق عليه (شهد شاهد من أهلها) ؟؟

الشتائم زى (قلة أدب) ، و(أسلوب رخيص) إلخ .. عمرها ما كانت حجة فى الحوار ولا كانت بتقوى موقف المتحدث ، على أى حال ، هناك مسلمين ينطبق عليهم وصفكم بقلة الأدب واتباع الأسلوب الرخيص لأنهم قالوا ان فيه بالفعل جهود لأسلمة الفتيات القبطيات زى الشيخ الزفزاف (رئيس لجنة حوارات الأديان بالأزهر) وزى الباحث الإسلامى أيمن عبد الرسول ..

صحيفة الدستور 17 – 11 – 2009 : تعليق الشيخ الزفزاف

وتعليق أيمن عبد الرسول فى 23 – 8 – 2010



أنا مش هاعلق على باقى كلامك لأنى حاسس أن متعصب شوية، وخايف أعصبك أكتر لو علقت عليه ..

ربنا معاكم ..

الأخ أحمد موجة ..

كلامك راقى جداً ومش غريب عليا على الاطلاق ..

لأن نفس الكلام بيتقال فى الجانب المسيحى ، بأن المسيحيين بيسلموا لحل مشاكل إجتماعية كطلاق أو غيره ، أو لفك أزمات مادية (المؤلفة قلوبهم) أو لأهداف عاطفية (أسلمة القاصرات) ..
بينما من يتنصر من المسلمين فليس لديه سوى الاضطهاد من كل من حوله ، ويمشى خائفاً لأن دمه مهدر ولا يعيش عيشة طبيعية طوال حياته إلا مطروداً من وطنه وبغير هذا لا أمل بأن يعيش فى وطنه هانئاً بدينه الذى اختاره طواعية حتى فى أوراق هويته.

بغض النظر ما اذا كان كلامك أو كلامهم هوالمظبوط .. خلينا نقول ان ولا الإسلام هيزيد ولا المسيحية هتزيد بانتقال عشرة واللا ألف من هذا الدين إلى ذاك ..

ويا ليتنا نصل إلى المرحلة التى يتم فيها تغيير الدين بسلاسة وبدون اهدار دماء ولا إثارات إعلامية ولا مظاهرات صاخبة .. واعتبار الدين علاقة شخصية بين الإنسان وربه.