لو سمحتم يا شباب عايز اعرف معلومات عن السيارة فيات بترا 2003 من عيوب ومزايا ومشكو ليكو
لو سمحتم يا شباب عايز اعرف معلومات عن السيارة فيات بترا 2003 من عيوب ومزايا ومشكو ليكو
عربية جميله جدا
1600 سي سي
خلي بالك في الخارج العربيه ده اسمها فيات البيا ونزله مودل 2002 Fiat Albea 2002
سحبها بسم الله ما شاء الله
لو انت من القاهرة نفسها هتلاقي اماكن كتير لقطع الغير بس القطع الغيار معمره وقليل اما تشتري ليها قطع غيار بخلاف مثلا تيل الفرامل
هي ثبات عالي جدا بجد بس الكاوتش 185/70/14 وبيها جنوط
البنزين كويس جدا يعني والبذات انها 1600 بس مش بحسب ليها في الحقيقه
مريحه في السواقه
وهي اصلا بتنزل فيها زجاج امامي كهرباء وسنتر بالمفتاح وهو مشفر اصلا ومرايات كهرباء مش ضم وفيها بجد حاجات كتير حلو مثلا زي الرينو لو داخل البيت ومش شايف والعربيه وشها نحيه البيت تعمل بس دراع النور وهو بيشغل النور 30 ثانيه ويطفي لوحده
ايه اللي عاوز تسال عنه
التيل الاصلي 185 جنيه ده اللي فاكره بس فيه سير كاتنيه غيرته طبعا علشان الامان وغيرت بليه الكاتينه وبس والمقصات بس هي كانت شغاله بس قولت افضل علشان ساعات بحس بصوت خفيف كده وانت نازلت من مطب وكانت ب 500 جنيه تركي باين
اي سؤال قولي وهبقي ارد عليه
وده صور ليها وشويه عربيات زيها كنت منزلها من علي النت شوف الالوان بتاعتها واتفرج عليها برده
رابط التحميل
http://www.mediafire.com/?e92k6j7u1pvqn48
اشكرك جدا جدا اخ amtssas على المعلومات القيمة فعلا شكرا لك لاني لم اجد اي احد يعطيني معلومات عنها عموما انا معروض عليا العربية ب 50000 موديل 2003 وعاملة 49000 ك بس وبصراحة لعربية فبريكة لانها كانت مركونة فترة كبيرة وبعدينم سمعت ان عيب البيترا انها بتسخن هل الكلام ده صح واسف ليك على الاطالة وشكرا مرة اخرى على اهتمامك وردك علي
العربية مش بتسخن بس بعد في عداد الحرارة هتلاقي المؤشر علي رابع واحده بس ده طبيعي اما عندك انا مش عارف بس يمكن بيقولوا انها بتسخن مثلا علشان المؤشر ده بس هو مش بيعلي عن رابع شرطه
وهي اللي معايا فبريكة بره وجوه وموديل 2004 وصورتها اللي في الملف
بس العربية غاليع يعني لو علي 46000 كويس
واسال كمان في التكويل علي موضوع السخونية وروح اعمل لو هتاخدها شيك عليها واعمل الصيانه بتاعت 50000 الف كيلوا روحت انا توكيل اوماترا
ممكن اعرف منك هى فيها abs و ebd ولا لأ
ممكن حد يفيدنى
من فين اجيب اكصدام خلفى
لان للاسف معايه بترا 2003 فبريقه بره وجوه
نزلت من البيت لقيت عربيه بتركن خبطت الاكصدام من الجنب اليمين دمرته
وعايز اغير الاكصدام
ممكن افضل مكان اجيب منه اكصدام سواء جديد او مستعمل
ولو امكن تعطونى ارقام تليفونات محلات اسئل فيها على سعر الاكصدام
سواء استيراد او جديد
وحسبى االله ونعم الوكيل فى اللى عمل كده
ًباح الفل يا amtssas , اعذرني بس انت اول واحد اتواصلت معاه اول ما اشتركت في المنتدي,,, و معاك بترا احب نتشارك في بعض النقاط و نتناقش,,
لو تعرف تفيدني في نقطتين دول
1) لما المروحة بتشتغل بحس برجتها في الدريكسيون,, ازاى معرفش بس هوا ده اللى بيحصل..
2) لما بمشي في طريق مدقدق بسع صوت من العجلة اللى قدام يمين صوت (تك),, ده يعني لازم اغير المساعدين؟؟؟
شكرا للاهتمام
50000 الف كتير قوي,, و خصوصا ممكن من 43 الى 45 انت و شطارتك,,
موضوع الحرارة ده موضوع هلامي ,,, قبل ما اشتري العربية الناس كلها قالت ان العربيا الفيات فيها مشكله انها بتسخن,,, ده موضوع و همي,,,
هوا افي شوي حاجات لازم تتاكد من سلامتها عشان الحرارة متعلاش و ده الطبيعي,, مثلا ان يكون الريداتير مش مسدود ولا الريش متنيه,, ودي بسيطه جدا,, و ان الثرموستات الكوعة ميكونش بايظ,, لانه لو علق بيحبس المياه السخنه كو الموتور,, و ده بيبوظ لانة بيصدي,, و ان المروحى سليمة,, لظن الحاجات دي لو فيها مشكله في اي عربية هتسخن,, مش كده ولا ايه
اولا صباح النور يا استاذ eng ghazaly
ثانيا موضوع المروحه ده مش حصلت معايا والسخونه عندي علي المؤشر رقم 4 مش بيزيد عن ده حتي في الصيف الصيف
ثالثا صوت التكه ده يمكن يكون مقصات اول ما اخويا يرجع هساله هو غيرها ليه لانه برد سمع التكه ده وغير المقصات والصوت باين راح بالليل هرد عليك
العربية في الاساس مع اخويا انتظر ردي بالليل ماشي وان شاء الله بسيطه