و الله العظيم اللى هقوله حصل بالظبط النهاردة
العربية كانت بتنقص مية بس بسيط اوى يعنى فى الاسبوع حوالى ربع لتر
المهم النهاردة قلت يا واد اشوف الراجل اللى غيريلى الردياتير من حوالى 4 شهور ممكن يكون قافيز مفكوك او خرطوم مش كويس و دة سبب نقص المية القليل دة
فروحتلة و قال دة الترموستات الكهربا اللى فى علبة الردياتير عايزة يتقرط عليها و جة تربط راحت الصامولة اللى جوا العلبة لفت معا و مقدرش يربطها
راح فاكك الردياتير ( الجديد من حوالى 4 شهور فقط ) و كانت المفاجاة
كمية املاح مش ممكن فى العلبة التحتانية
اناصعقت لما شوفت الكلام دة
الردياتير جديد بالكامل - و اول ما جبتة حطي مية خضرا بعد التركيب بحوالى اسبوع و فى الاخر كمية الاملاح دى
امال احنا عايشين اذاى
فعلا و الله كمية كبيرة مش املاح و بس لا دى كمان زى الرملة
فبعد ما مشيت من عند الراجل و خليتة يحط مية عادية علشان اتاكد ان المية مبتنقص يبقى اغير و احط مية خضرا
و عملت بنصيحة طنانى و فضيت علبة خل ( النوع الممتاز ام 2 جنية ) فى القربة علشان ينضف الدورة بتاعة المية شوية و بعدين اغسل الدورة و احط مية خضرا و بكدة يبقى كفى المؤمنين شر القتال
فمن هنا و راح يا ريت نقاطع المية الزبالة اللى فى بلدنا
فعلا دا احنا مستحملين بلاوى