اتنصب عليا في موتور السكودا

السلام عليكم ورحمة الله وبركاته
انا عندي عربية فليشيا 95 شاريها من حوالى 3 شهور العربية مغيرة موتور
المهم لما كنت بشتريها سالت الراجل انتا ثابت الموتور على الرخصة قالى ايوه
ولاكني فوجئت ان الموتور مش مثبونت على الرخصة مع العلم ان الرخصة فاضلها 9 شهور وتخلص
المهم كلمت الغشاش وقالى انا هخلصلك الإجرائات ولاقيته جايبلى فاتورة بأسمي انى شارى الموتور وقالى الفاتورة ديه تاخدها وتروح بورسعيد مش عارف تعمل فيها ايه المهم قلتله انا ماليش دعوة وزعقت معاه قالى طيب انا هخلص مشوار بور سعيد بس انتا لازم تنقل ملكية بأسمك عشان نقدر نخلص الإجراءات
السؤال انا مش عارف الى الى بيتعمل في الحالات ديه وعاوز اعمل اي حاجة في الراجل ده عشان الى عمله ده وهل ممكن اشتكيه ولمين اشتكيه بعد ربنا طبعا وشكرا واسف للإطالة

للاسف مينفعش تعمل فيه حاجه غير انكوا تقعدوا قعده عرب تتفقوا مع بعض تعملوا ايه
و على فكره اجراءات المتور الجديد مهياش معضله اوي 5 جنيه و العمليه كلها تخلص او ليك حد في المرور

اقتباس:

---

المشاركة الأصلية كتبت بواسطة dr_3eshoo

للاسف مينفعش تعمل فيه حاجه غير انكوا تقعدوا قعده عرب تتفقوا مع بعض تعملوا ايه
و على فكره اجراءات المتور الجديد مهياش معضله اوي 5 جنيه و العمليه كلها تخلص او ليك حد في المرور

---

اسف حصل خطأ عندي فى الجهاز وررد على الموضوع .............. اسف للرد على موضوع قديم

اتاكد ان الموتور الافراج بتاعه اتحول من بورسعيد الي الدراسه
بعد كده يتحول من الدراسه الي اداره المرور اللي انت تابع ليها
بعد كده تجدد بالرقم الجديد
لازم تظبط نفسك في الدراسه للموظف علشان يحول الورق بسرعه

ياجماعة حتى لو الموضوع قديم لازم نرد عليه لسبب لانى بتكون تجارب و لازم بردك نقدم حلوله علشان يبقى مرجع لينا فى كل جاجة و يكون الموضوع متكامل
ربك المستعان

أيها اﻷخوة.المواطنون
الحل بسيط جدا وأنا عملته كذا مرة في عربياتي والعربية تكلف 300 جنيه ورق رسمي مظبوط وهي إنو يكون ليك صاحب محل معرفة في الوكالة تديه 300 جنيه وفي خلال أقل من أسبوع يبعت يجيبلك ورق إفراج وياخد صورة بطاقتك ويروح عالمرور بتاعك ودمتم للنضال ولو محتاج تغير نمر الموتور ﻷغراض تصغير ضريبة فكله بيكلف 750 جنيه