الموضوع: سوق سيارات يوم الجمعة

كنت عايز أطرح فكرة على حضراتكم

الحقيقة أنا ما بأفهمش في العربيات المستعملة و زي ما انتم عارفين

شراء سيارة مستعملة يعني صباح الخم (لو ما بتفهمش)

فكنت عايز أشتري سيارة مستعملة في حدود 40 إلى 43 ألف للجماعة (زوجتي يعني) فلو حد من حضراتكم يكون بينزل سوق السيارات يوم الجمعة (يكون كده كده نازل عشان ما أتاقلش على حد) و يكون عنده فكرة كويسة في موضوع الشراء يقدر يقابلنا هناك و يساعدنا في تقييم و فحص السيارة المطلوبة يبقى له منا الشكر الجزيل و الدعاء الوفير

أو حد من الأخوة الأفاضل يقدر يقترح علي حد (زي ميكانيكي مثلا") أتصل به و أرتب معاه ينزل معانا و له إكراميته سواء إتوفقنا أو لم يحدث نصيب
رقم موبايلي 0106072163 و شكرا لكم مرة أخرى

أنا متشكر جدا جدا يا جماعة على مشاعركم الطيبة

و أحب أخص بالشكر الأستاذ رامي (أبو أحمد) و إن شاء الله هأتصل بيه قريب عشان نحدد ميعاد ننزل فيه السوق

بصراحة أنا بقى لي فترة موصي الناس إللى حواليا يعني زمايلي و أصدقائي و جيراني ... الخ بس الحقيقة لغاية دلوقتي ما حدش وقعلي حاجة

فأنا هأستنى شوية لو فضل الوضع كده مش هايبقى قدامي غير سوق السيارات و ربنا يستر

و على فكرة أنا بأدور لزوجتي على دايو لانوس 1 أو هيونداي أكسنت 1500 سي سي

و أهم حاجة الحالة لأن أنا ساكن في مدينة العبور و الواحد ما عندوش صحة و لا وقت كل شوية يعدي على الميكانيكية عشان يصلح

و طبعا" أنا كمان ممكن أبقى أستعملها ساعات بالذات في المشاوير الغلسة و الأماكن الزحمة زي وسط البلد مثلا"

أنا ببيع عربيتى ال
أوبل كورسا 1200 سىسى موديل 1997 (المعدل)
جميع الكماليات (تكييف, مرايات كهربه, زجاج كهربه, سنتر لوك شامل التنك و الشنطه, أنذار بالريموت) + فتحه سقف + أيموبلايزر
كاوتش بريدجستون يابانى (4فرد تيوبلس مقاس 175) , بطاريه جافه
الصالون و التابلوه و الكماليات بحاله المصنع و لا توجد بهم أى خدوش و فتحة السقف تعمل كما هى و السياره بمفاتيحها الأصليه و الكتالوجات
الهيكل من الخارج لا توجد به خبطات أو خدوش (لسه العربه رشه نضافه من سنه) + دواخل فابريقه بالكامل
يتم عمل الصيانه بصفه دوريه كل 5000كم والسياره بحاله عامه أكثر من ممتازه و السياره عليها تأمين شامل +رخصه سنتين
للأستعلام: محمد 0128880160

اختصر و خد شقه جنب سوق السيارات ههههه
ال 28 الف تركبك لادا ممتازه .. خللي "المعلم رامي فوزي" يشوفلك حته لادا كده حاله تمام .. اهه كده كده بيطل من البلكونه يبص علي السوق ;) :d

المشاركة الأصلية كتبت بواسطة Xpert

اختصر و خد شقه جنب سوق السيارات ههههه
ال 28 الف تركبك لادا ممتازه .. خللي "المعلم رامي فوزي" يشوفلك حته لادا كده حاله تمام .. اهه كده كده بيطل من البلكونه يبص علي السوق ;) :d

يا xpert مش قادررررر هههههههه :D:D:D
انت ذى العســــــل

.... يا جماعة اللى بيدور على عربية فى السوق بيدور على ابرة فى كوم قششششششش
شوف عربية حد معرفة (بيتى) او وصى ميكانيكى (الحتة) عشان هايبقى كل يوم فى وشك وهايخاف منك

المشاركة الأصلية كتبت بواسطة SEATLOVER

يا xpert مش قادررررر هههههههه :D:D:D
انت ذى العســــــل

.... يا جماعة اللى بيدور على عربية فى السوق بيدور على ابرة فى كوم قششششششش
شوف عربية حد معرفة (بيتى) او وصى ميكانيكى (الحتة) عشان هايبقى كل يوم فى وشك وهايخاف منك

يووه .. ده انت ماتعرفنيش ... الرخم #1 بتاع المنتدي ..:D
بالنسبه للعربيه البيتي .. اقولكم كده تزعلوا مني ... غير كده يمكن مفيش في العيله ... او اللي معاه مش عاوز يبيع .. (من المعارف يعني) .. فهاتضطر تشوف بره ;) )

اه .. نسيت ... الاخ ايمن .. ماتقولش ان انت مش فاهم ... سوق علي التجار انك فاهم بقي و بتاع و بتدور علي عربيه بيرفكت .. و عييش معاهم .. اتكلم و طلع القطط الفطسانه اللي في العربيات .. قولهم العفشه خربانه و الفتيس تقيل و الدريكسيون اصله مش عاجبني .. انا عاوز عربيه زيرو طالعه من المصنع ! .. لاء يا عم دي مش حلوه .. لونها وحش .. ماله الباب مش قافل صح ليه .. يا عم العربيه شكلها مدعوك .. كده يعني ... يمكن ربنا يكرمك بواحد من ولاد الحلال (بس ماعتقدش .. ده انت داخل السوق يابا .. حيث التجار بيكلوا البشر علي الفطار) ...