الموضوع: وقف انتاج السيارة كومودو

المشكلة بجد فى الناس اللى بتشترى اى حاجة وهى مغمضة وبتجرى بس ورا كلام الاعلانات والجرايد ومابتفكرش هى بتدفع فلوسها في ايه طول ما نوعية الناس دى موجودة هتلاقى من ده كتير
دانا مره شفت راجل كبير والله اد ابويا فى المصرية للسيارات بيتفج على التيجو الصينى دى وعمال يتغزل فيها هو ومراتو وقفت تنحت مش مصدق ازاى مبهور بيها كده كان موقف مستفز جدا وكان نفسى اقولو انت واللى زيك السبب

المشاركة الأصلية كتبت بواسطة a_h_m_a_d

وعقبال بقية العربيات الصيني بأنواعها , سيدان و نقل و أتوبيس ,

أنا سمعت مهازل من واحد شغال في توكيل عربيات نقل صيني

بيقولي العربية جايه من الصين متشركة و لازم يتعملها صيانة عشان تنفع تتباع

لسة راكب ميكروباص صيني 7 راكب المفروض إنه جديد .. الكراسي مقطومة كأن رجولها بقسماط وحلاوة سمسمية !!! بجد منهم لله اللي بيجيبوا الزبالة دي ويورطوا فيها واحد غلبان جايب عربية ياكل منها عيش !!

المشاركة الأصلية كتبت بواسطة m.nasr

المشكلة بجد فى الناس اللى بتشترى اى حاجة وهى مغمضة وبتجرى بس ورا كلام الاعلانات والجرايد ومابتفكرش هى بتدفع فلوسها في ايه طول ما نوعية الناس دى موجودة هتلاقى من ده كتير
دانا مره شفت راجل كبير والله اد ابويا فى المصرية للسيارات بيتفج على التيجو الصينى دى وعمال يتغزل فيها هو ومراتو وقفت تنحت مش مصدق ازاى مبهور بيها كده كان موقف مستفز جدا وكان نفسى اقولو انت واللى زيك السبب

الناس الكبيرة في السن متعودين إن اللي بيتكتب في الجرايد القومية (الأهرام والأخبار) مُسلَّمات كونية .. ده فيه مقولة شائعة "اللي نعيه ماتكتبش في الأهرام يبقى ماماتش !! " فالعيب مش في الناس .. العيب في اللي خللى خالد أباظة وأمثاله من الحلانجية ومساحين الجوخ يشوهوا صنعة الصحافة المصرية الناصعة .. ويقولك سيارة إعجازية وصورة تعبيرية وكله هجص في هجص والواحد منهم بيقبض مرتب يعادل مرتبات 100 شاب بدون مبالغة ومع ذلك بيبيع ضميره لتسويق مثل هذه الزبالة !!
هنا يأتي دور منتدى متخصص كمنتدانا الرائد عشان نبصر ونوعي الناس بدل ماهي ماشية على عماها ويتم استغلالهم من فئة معدومي الضمير.
وتقبل خالص تحياتي

انا معاك ان فعلا لازم يكون فيه طريقة للتوعية وابصار الناس بالحقيقة
وياريت الناس ماتجريش ورا الرفاهية والاغراءات و شاشة دى فى دى وكاسيت مش عارف ايه ويهتمو بحاجات تانية واولها عوامل الامان والسلامة