نور الصالون

**محمد الشامي** · 30-09-2010 08:45 AM

المشاركة الأصلية كتبت بواسطة ihabyossef

بأختصار اللانوس بقالها فترة نور الصالون مش بينور مع باب السواق و غيرت المفتاح بتاع الباب برضه مش شغال
الجديد بقى الباب التاني بقى زي اخوه بالضبط

والله يا استاذ ايهاب فعلا كده المشكله شكلها في الأرضى زي ما استاذ كريم واستاذ محمد ممدوح تفضلوا وقالو , وانا شخصيا كنت قابلت نفس المشكله دي وكل اللي عملته اني فكيت الازرار كلها بتاعت الابواب كلها ونضفت مكان تلامس الارضى مع جسم العربيه (بنقطتين جاز) عشان الصدأ وركبت الازرار وكل حاجه اشتغلت زي الفل بعدها والحمد لله

ولكن انصحك بالتنضيف بالصنفره الاول (زي ما ممدوح قال) ونقطه جاز لو امكن عشان تضمن نضافه للمكان من الصدأ بنسبه 100% , وبعدها بإذن الله كل حاجه هتبقا تماما

وبالمره وانت فاكك الازرار أتاكد من تثبيت السلك الارضى مع كل زرار وحاول تنضف مكان التلامس (بين السلك والزرار)

جرب وقولنا النتيجه

**ihabyossef** · 30-09-2010 11:06 AM

شكرا لكل من شارك في الرد أو مجرد مشاهدة الموضوع

أنا هجرب أن شاء الله واقوللكم

بس العربية مش معايا حاليا هي مع والدي أول لما اشوف العربية حجرب وأقولكم

أنا حاليا معايا ال128

أخوكم / ايهاب يوسف

**محمد الشامي** · 30-09-2010 11:17 AM

بالتوفيق ياريس ان شاء الله وفي انتظار النتيجه

**M.Zaher** · 30-09-2010 11:24 AM

المشاركة الأصلية كتبت بواسطة karimfahmy99

اعطى كل ذى حق حقة و لو باقتباس بدون شكر و لا غيرة طالما فى محاولة لحل المشكلة و فى الاتجاة الصحيح

انا معاك يا ميرو بس كلامى و ردى لا يختلف عن رد ممدوح و هو عيب فى الارضى مع الازرار

يمكن ممدوح يزعل من كلامى بس انا اخ كبير ليكو . و انا ملاحظ الموضوع دا فى المنتدى دا كتير . و زى ما ممدوح بيعمل برضة سمير عياد بيعملة و لفت نظرة { لسمير } برضة و لا حياة لمن تنادى . كل واحد بيكتب الرد اللى باسلوبة بغض النظر عن اى حد رد و 99% ردة صح بس بيطنشة

الموضوع مش مشكلة بس بيصعب ع الواحد انة فتح و قرا و شاف المشكلة و تعب و كتب الرد و ميلقاش حتى اقتباس لردة اللى فى الاتجاة الصحيح و ممكن حد يزود او يوضح اكتر . اعطى كل ذى حق حقة مش اكتر

+11111111111
كلامك مظبوط و بتحصل معايا كتير و كأن المشاركه اللى اتكتبت دي هواء محدش حتى بص عليها

**ahmedsalam77** · 30-09-2010 11:37 AM

دى اكيد 100 فى 100 فيوز من العلبه اللى داخل الكبينه والمشكله دى كانت عندى واتحلت

**محمد الشامي** · 30-09-2010 11:59 AM

المشاركة الأصلية كتبت بواسطة ahmedsalam77

دى اكيد 100 فى 100 فيوز من العلبه اللى داخل الكبينه والمشكله دى كانت عندى واتحلت

بس بيتهألي يا استاذي ان لو المشكله في الفيوز كان الزميل هيعاني من القصه دي مع الابواب كلها مش باب او اتنين , ولا ايه :-)

**tarek_2005** · 30-09-2010 12:10 PM

المشاركة الأصلية كتبت بواسطة محمد الشامي

بس بيتهألي يا استاذي ان لو المشكله في الفيوز كان الزميل هيعاني من القصه دي مع الابواب كلها مش باب او اتنين , ولا ايه :-)

كلامك مظبوط ميه في الميه
لو فيوز كان الاربع ابواب مش هينوراو لمبة الصالون
لكن دا عيب مفاتيح باب وليس عيب اسلاك حتي لان لو السلك مقطوع كانت اللمبة تنور لوحدها في المطبات مثلاً

**tarek_2005** · 30-09-2010 02:17 PM

المشاركة الأصلية كتبت بواسطة ahmedsalam77

لا انا كان عندى الباب بتاعى بس هو اللى مبينورش علما بان جميع الابواب الاخرى شغالة زى الفل ولما حركت الفيوز اشتغل الباب وبقى تمام وممكن يجرب مش هيخسر حاجة علما بانى شلت الفيوز وحطتها تانى نفسها ممكن يكون كان عليها تراب عامل عازل

مع احترامي الكامل لتجربتك بس دا كلام مستحيل علميا
ويجوز بالصدفة عند محاولة رفع غطاء علبة الفيوزات او تحريك الفيوز انك حركت السلك الي في الضفيرة الخاص باباب بتاعك

والله اعلم
بس كهربياً الكلام ده مستحيل

-

الموضوع: نور الصالون

LinkBack

أدوات الموضوع

عرض

-

-

-

-

-

-

-

المواضيع المتشابهه

نور الصالون

نور الصالون

نور الصالون

نور الصالون

نور الصالون

الكلمات الدلالية لهذا الموضوع

المفضلات

المفضلات

ضوابط المشاركة