السلام عليكم
بأختصار اللانوس بقالها فترة نور الصالون مش بينور مع باب السواق و غيرت المفتاح بتاع الباب برضه مش شغال
الجديد بقى الباب التاني بقى زي اخوه بالضبط
ايه العمل ؟
اخوكم
ايهاب يوسف
عرض للطباعة
السلام عليكم
بأختصار اللانوس بقالها فترة نور الصالون مش بينور مع باب السواق و غيرت المفتاح بتاع الباب برضه مش شغال
الجديد بقى الباب التاني بقى زي اخوه بالضبط
ايه العمل ؟
اخوكم
ايهاب يوسف
طب انت لو لمست السلك اللى بيركب فى المفتاح لمستة بجسم العربية ارضى يعنى بتنور ؟؟ بس جزء مكشوف بدون صدا او دهان . جرب
ممكن يكون المسمار اللى بتربط بية مصدى مش بيلمس مع الارضى
فك مفاتيح الباب و سنفر اماكن تلامس الصباع مع قاعدة المفتاح
MMamdouh
الموضوع سهل جدا... مفك صليبة و سنفرة عادية
Mmamdouh
اذن زى منا قلت مشكلة ارضى فى اول رد بس محدش بيعلق و لا بيقول حاجة ع الرد كل واحد فى وادى !!!
دايما بعمل اقتباس لحد حاول يرد و اقول كلام سليم و اضيف حاجة بس التطنيش دا بيعمل احباط و شكلى كدة هبطل اعمل ردود و اكتفى بالفرجة
اعطى كل ذى حق حقة و لو باقتباس بدون شكر و لا غيرة طالما فى محاولة لحل المشكلة و فى الاتجاة الصحيح
انا معاك يا ميرو بس كلامى و ردى لا يختلف عن رد ممدوح و هو عيب فى الارضى مع الازرار
يمكن ممدوح يزعل من كلامى بس انا اخ كبير ليكو . و انا ملاحظ الموضوع دا فى المنتدى دا كتير . و زى ما ممدوح بيعمل برضة سمير عياد بيعملة و لفت نظرة { لسمير } برضة و لا حياة لمن تنادى . كل واحد بيكتب الرد اللى باسلوبة بغض النظر عن اى حد رد و 99% ردة صح بس بيطنشة
الموضوع مش مشكلة بس بيصعب ع الواحد انة فتح و قرا و شاف المشكلة و تعب و كتب الرد و ميلقاش حتى اقتباس لردة اللى فى الاتجاة الصحيح و ممكن حد يزود او يوضح اكتر . اعطى كل ذى حق حقة مش اكتر
والله يا استاذ ايهاب فعلا كده المشكله شكلها في الأرضى زي ما استاذ كريم واستاذ محمد ممدوح تفضلوا وقالو , وانا شخصيا كنت قابلت نفس المشكله دي وكل اللي عملته اني فكيت الازرار كلها بتاعت الابواب كلها ونضفت مكان تلامس الارضى مع جسم العربيه (بنقطتين جاز) عشان الصدأ وركبت الازرار وكل حاجه اشتغلت زي الفل بعدها والحمد لله
ولكن انصحك بالتنضيف بالصنفره الاول (زي ما ممدوح قال) ونقطه جاز لو امكن عشان تضمن نضافه للمكان من الصدأ بنسبه 100% , وبعدها بإذن الله كل حاجه هتبقا تماما
وبالمره وانت فاكك الازرار أتاكد من تثبيت السلك الارضى مع كل زرار وحاول تنضف مكان التلامس (بين السلك والزرار)
جرب وقولنا النتيجه
شكرا لكل من شارك في الرد أو مجرد مشاهدة الموضوع
أنا هجرب أن شاء الله واقوللكم
بس العربية مش معايا حاليا هي مع والدي أول لما اشوف العربية حجرب وأقولكم
أنا حاليا معايا ال128
أخوكم / ايهاب يوسف
بالتوفيق ياريس ان شاء الله وفي انتظار النتيجه
دى اكيد 100 فى 100 فيوز من العلبه اللى داخل الكبينه والمشكله دى كانت عندى واتحلت
لا انا كان عندى الباب بتاعى بس هو اللى مبينورش علما بان جميع الابواب الاخرى شغالة زى الفل ولما حركت الفيوز اشتغل الباب وبقى تمام وممكن يجرب مش هيخسر حاجة علما بانى شلت الفيوز وحطتها تانى نفسها ممكن يكون كان عليها تراب عامل عازل