كيفية الكشف علي فتيس الغرز

ازاى أكشف على فتيس الغرز؟ هل في في تعليمات معينة ممكن الواحد يعملها علشان يتأكد انة تمام وهل ينفع اجيب 4h على الأسفلت؟؟

أولا... فتيس الغرز في أي عربية 4x4 بيكون فيه 3 نقلات...

4H و 4L (و اللي في النص بتكون N)

ال4H معناها 4high , و ديه بتستخدم على الرملة الناعمة لما تكون ماشي على سرعة عالية (زي 40-50 مثلا)
و ال4L معناها 4Low , و ديه بتستخدم في الغرز الشديد (و لكن بحرص عشان متحفرش أكتر في الرملة) و كمان بتستخدم في المنازل الشديدة الانحدار ... عشان العربية ماتقعش

بالنسبة لاختبار الفتيس الأمامي... ممكن يتم عن طريق رفع العربية في بنزينة... بحيث ال4 عجلات تكون حرة...

بعدين تدور العربية... و تديها الغيار الأول... و تشد الغرز... لو لقيت العجل الأمامي بيتحرك... يبقا كدا الغرز شغال...
و بعدها... تجيب على ال4L و تشوف...

ديه طريقة فعالة للتأكد

بالنسبة لسؤالك التاني... مش مستحب تشغل فتيس الغرز على الأسفلت... عشان دا بيكون حمل على الفتيس الأمامي... و اللي مش مصمم لتحمل سرعات عالية...

اضافة بسيطة بس.
اغلب ال 6 سلندر فيها وضعين لل 4H
Full Time, Part Time
ال Full time ممكن يستخدم على الاسفلت عادى جدا، هو بس بيقلل من نعومة العربية ويزود استهلاك البنزين شوية. بس فى المقابل بيخللى العربية مكلبشة فى الارض مع اى دوسة بنزين زيادة لو الارض مزحلقة، وده لتوزيع عزم الموتور على الاربع عجلات.
الوضع ده بينصح باستخدامه فى المطر، لأن الجيب (بدون ESP) مشهورة بإنها بتتزحلق من الخلف لو الاسفلت مبلول، واستخدام Full Time بيحل المشكلة دى

شكرا علي المعلومات القيمه والتي تمكن الجميع من الاستخدام الصحيح للجيب