عايز أشتري كمبيوتر تنصحوني بإيه?

**live4love** · 29-09-2010 05:45 PM

السلام عليكم يا أعضاء المنتدى الكرام. أنا عاوز أشتري كمبيوتر جديد في حدود 3500-4500 جنيه تنصحوني بإيه وأشتري منين و أشتري لابتوب أو ديسك توب وليه. دا أول كمبيوتر ليا فرجاء ما تبخلوش عليا بأي نصيحة. أنا ساكن في حتة أرياف مفيهاش dsl‏ و لا خطوط تليفون أرضي وطبعآ لازم الجهاز يكون متصل بالإنترنت فتنصحوا بإيه في الحالة دي? نفسي في كمبيوتر إمكانياته قوية يشغل الأفلام و الألعاب و يحمل من على النت بسهولة و سرعة ويكون سريع و من غير أعطال و لا مشاكل. أرجوكم أفيدوني أفادكم الله و أشكركم مقدمآ.

**live4love** · 29-09-2010 08:01 PM

غريبة...الناس بتدخل تبص و تمشي... طب حد يعبر الإنسان ده و يقول حاجة.

**M.Elwan** · 29-09-2010 11:35 PM

ده جهاز ديل اوبتيبليكس جايبين منه فى الشغل عندنا كتير جهاز بتاع شغل بس بيتباع من غير شاشة وحتلاقية فى مول الكمبيوتر بسعر ارخص شوية
ده لو جبتله شاشة 21 LCD وكارت شاشة Ge force nvidea 9800 GT حيبقى جهاز مجرم وسعره مناسب لميزانيتك
اما لو بتفكر فى لاب توب فالاختيارات كتيييرة جدا

بالنسبة للنت لو مفيش DSL يبقى لازم USB , وتعملها اشتراك شهرى زى باقات فودافون مثلا ودى بتبدء من 25 جنية لحد 250 جنية حسب حجم استخدامك

Dell OptiPlex 380MT 2.93GHz 320GB 2GB

**I.S.L.A.M** · 30-09-2010 04:43 AM

باشا انا شايف احسن حاجة متوسطة دلوقتى فى الاسعار وامكنيتها كويسه ان تجيب لاب توب
dell vostro 1015 فى حدود 3200
شغلة كويس وبعد كده للما تشترى usbجرب الاول بتاعت حد صاحبك علشان المهم تغطية الشبكة مش الشركة بس لو لاقيت كل الشبكات عندك كويسة اشترى اتصالات يواس بى

**live4love** · 30-09-2010 04:03 PM

أشكركم جزيلآ على الإهتمام و المتابعة. لكن فين أحسن مكان أشتري منه لو نزلت مصر? والا أشتري من عندنا من دمياط? وأنهي محل أحسن في الإختيارات و الأسعار? وهل الديسك توب أحسن من الاب توب في المميزات? أرجو الرد بشيئ من التفصيل بارك الله فيكم.

**peposupervisor** · 30-09-2010 04:08 PM

بما انك لسة جديد
يبقي افضلك ديسك توب مش لاب توب
وبما انك صعب تدخل نت يبقي حلك الوحيد تدفع 150 جنيه كل شهر
وتجيب يو اس بي

**I.S.L.A.M** · 30-09-2010 04:22 PM

المشاركة الأصلية كتبت بواسطة live4love

أشكركم جزيلآ على الإهتمام و المتابعة. لكن فين أحسن مكان أشتري منه لو نزلت مصر? والا أشتري من عندنا من دمياط? وأنهي محل أحسن في الإختيارات و الأسعار? وهل الديسك توب أحسن من الاب توب في المميزات? أرجو الرد بشيئ من التفصيل بارك الله فيكم.

شوف ياباشا انت لو نزلت كايرو ارخص مكان فى كوميوتر مول فى سفنكس ده ارخص مكان فى الجيزة وفى كذا محل محترم بس اعتقد ان الموضوع مش مستاهل تنزل كايرو