رشيت علبة موتور الساجا انهارده قولولي رأيكم ايه

**spiderloking** · 30-09-2010 01:14 AM

المشاركة الأصلية كتبت بواسطة ahrambc

هل استعملت دوكو عادى للرش

اذا كان ذلك ما حدث فلن يدوم طويل و سيبدأ بالتقشير

لابد من استخدام دهانات حراريه لتحمل درجات الحراره داخل حوض المحرك .

كما لابد من تجهيز و اعداد الغطاء تجهيزا خاصا لتقبل الدهان الحرارى

و مشكلة الدهانات الحراريه هى أنها غالية السعر جدا و غير متوافره للمستخدم العادى

كما لا تتوافر بالوان متعدده .

لأ مستعملتش دوكو لأن الدوكو فعلا هيتأثر بالحراره و هيقشر انا ريشتها بأسبراي احمر عادي ممكن تجيبوا من اي موان و ده استحاله يطلع انا مجربوا قبل كدا و رخيص جداااااااااااا

**Osama.shihata** · 30-09-2010 03:08 AM

فكرة جميلة وسهلة - الله ينور عليك

**mrwho1982** · 30-09-2010 01:07 PM

ده انت دمااااااااااااااااااااغك عالية

**mixd99999** · 30-09-2010 04:19 PM

شغل اخر جمال و تمام التمام ...بس ماتنساش لما تخلص كل العربية تورينا ابداعاتك فيها وتعمله في موضوع اكسسوارات الساجا علشان يتثيت معا الموضوع

**spiderloking** · 30-09-2010 05:48 PM

ان شاء الله اكيييييييييد اول ما اخلصها هبعتلكم الصور كلها حاجه حاجه علشان اللي عاوز يظبط العربيه بتاعتوا انا عامل افكار كويسه جدا بس ادعولي اخلصها اصل عندي حاجات كتير اوي في دماغي و كلوا شغل خفيف و مش مكلف ان شاء الله انا عارف ظروف الناس اليومين دول علي العموم قريب ان شاء الله هرفعلكم اول ساجا متظبطه في مصر كلها

**Adham** · 01-10-2010 01:13 AM

حلوة ماشاء الله تسلم ايدك

المشاركة الأصلية كتبت بواسطة spiderloking

هنجيب الفوطه الزفره و نمسح علبة الموتور كويس جدا من التراب و الاوساخ

الفوطة الزفرة بتسيب اثر زفارة عالبلاستيك يعني طبقة زيتية بسيطة بتقي عالعلبة قبل ماترش السبراي و بالتالي تخلية سهل يقشر و يطلع

الأصح و الأسلم انك تمسح بفوطة ناشفة و نضيفة و بعدين تطهر البلاستيك بقطنة بتنر , و دي تشيل اي زفارة و تخللي السبراي يمسك كويس قوي في البلاستيك

المشاركة الأصلية كتبت بواسطة spiderloking

لأ مستعملتش دوكو لأن الدوكو فعلا هيتأثر بالحراره و هيقشر انا ريشتها بأسبراي احمر عادي ممكن تجيبوا من اي موان و ده استحاله يطلع انا مجربوا قبل كدا و رخيص جداااااااااااا

ماهو الاسبراي دة برضة سبراي دوكو

**spiderloking** · 01-10-2010 02:14 AM

المشاركة الأصلية كتبت بواسطة Adham

حلوة ماشاء الله تسلم ايدك
ربنا يخليك و يكرمك

الفوطة الزفرة بتسيب اثر زفارة عالبلاستيك يعني طبقة زيتية بسيطة بتقي عالعلبة قبل ماترش السبراي و بالتالي تخلية سهل يقشر و يطلع

الأصح و الأسلم انك تمسح بفوطة ناشفة و نضيفة و بعدين تطهر البلاستيك بقطنة بتنر , و دي تشيل اي زفارة و تخللي السبراي يمسك كويس قوي في البلاستيك

عندك حق في النقطه ديه ممكن فوطه الاول نضيفه و بعدين قطنه بتنر

ماهو الاسبراي دة برضة سبراي دوكو

حتي لو دوكو مبيبقاش بردوا زي الانواع التانيه و بيبقي خفيف مش طبقه سميكه شويه زي البويه بتاعت العربيه مثلا الاسبراي طبقه خفييييييييييفه جداااااا علي العلبه و عمرها ما بتتأثر و مش واخده معجون و عمرها ما هتقشر جرب و هتقول عندوا حق

**Adham** · 01-10-2010 02:23 AM

ايوة صح انها تبقى طبقى خفيفة جدا الله ينور عليك

بس لو حصل و قشرت مع سخونة الموتور يبقى امسح البلاستيك بتنر و طهرة و نشفة و رشة تاني

لان ممكن الفوطة الزفرة دي تبقى سبب لتقشير الدهان مش لعيب تاني

**spiderloking** · 01-10-2010 02:29 AM

مظبوط كلامك يا ادهم تسلم حبيبي

**powerofhelll** · 02-10-2010 03:46 AM

المشاركة الأصلية كتبت بواسطة spiderloking

التكلفه بسيطه جدا جدا فوق ما تتخيلوا و الخطوات مفيش اسهل منها

اولا الدوات المطلوبه

1 - علبة سبراي احمر انا جبتها من عند الموان افتكرتها هتبقي غاليه يعني 20 مثلا الراجل قالي 5 جنيه قولت اجيب و اجرب لو مش حلوه اشتري واحده تانيه اغلي بس والله طلعت زي الفل و بالنتيجه اللي قصادكوا ديه و العلبه كفت و ممكن تعمل علبتين موتور يعني علبة الاسبراي ديه تكفي مرتين

2 - نص متر استيكر اسود ماط اللي هوه اسود مطفي و ده هنجيبوا من اي حد من بتوع الاكسسوارات و الكماليات بتاعت السيارات يكون مقاسو مناسب و ده بحوالي 3 جنيه المتر

3 - كاتر او مقص علشان نقص بيه الاستيكر

4 - فوطه زفره و قلم اسود دوكو هتلاقوه اسموا ميتاليك عند اي واحد بتاع دوكو او في اي مكتبه قولوا عاوز قلم دوكوا اسود بحوالي 5 جنيه او 7 جنيه بالكتير

الخطوات

اول حاجه هنفك الغطاء بتاع الماتور او العلبه اللي هنرشها هنلاقي اربع مسامير بورمه نفكهم بس اوعي يضيعوا
تاني حاجه هنجيب الفوطه الزفره و نمسح علبة الموتور كويس جدا من التراب و الاوساخ
تالت حاجه نجيب جرنال و نفرشوا علي الارض و نحط فوقيه العلبه وبعدين نبدأ نرش بالاسبراي بعد ما نرجه كويس اوي ترش في نفس الاتجاه و تكون ايدك بعيده عن العلبه حوالي 10 سم و نرش يا جماعه في اتجاه واحد بالعرض نروح و نيجي بالعرض و بعدين نسيب العلبة لحد ما تنشف خااااالص يعني 10 دقائق كدا
رابع حاجه نقص الاستيكر بالكاتر او المقص و نلزقوا علي العلبه زي مهو واضح في الصوره كدا و بعد كدا نجيب القلم بتاع الدوكو و نبدأ نمشي علي الكلمه اللي مكتوبه و علامة بروتون براحه علشان منغلطش و متدوسش علي سن القلم علشان ميسيلش و ينزل كتير و تنزل علي العلبه نفسها و بعد كدا نركب العلبه تاني علي الماتور و هتطلع معاكم زي ما طلعت معايا ان شاء الله اللي عاوز يستخدم الوان تانيه مفيش مشكله كل واحد يفتكس بقي علي حسب مزاجوا و ابقوا وروني الصور

شكرا بارك الله فيك

الموضوع: رشيت علبة موتور الساجا انهارده قولولي رأيكم ايه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

لحمت الكاوتش بتاع الساجا انهارده علي مكوي

بصوا كدا علي الساجا ديه و قولولي رأيكوا ايه بصراحه عجباني اوي

موقف حصلي .. قولولي رأيكم ..

عداد عربيتي قولولي ايه رأيكم؟؟؟

الكلمات الدلالية لهذا الموضوع

المفضلات

المفضلات

ضوابط المشاركة