السلام عليكم و رحمة الله و بركاته
باختصار شديد انا عندى استفسار عويص جدا .... و من كتر ما هو عويص و عامللى قلق قررت أستعين بمساعدتكم
انا المفروض رخصة العربية بتاعى تخلص يوم 11- 8 و فيه كمان شهر حكومة يعنى تخلص خالص يوم 11-9
رحت المرور و طبعا بعد عناء شديد جدا فى مرور فيصل و فى رمضان و فى عز الحر و الواحد ماسك نفسه بالعافية و الحمد لله دفعت الضريبة و جبت النموذج و عملت التأمين و شهادة المخالفات و كل الورق تمام ... مش ناقص بس غير جواب البنك بتاع حظر البيع (دى السنة الثانية و الخيرة الحمد لله) ... الكلام ده كان يوم 31-8 .... بس لما دفعت الضريبة الراجل عمل الإيصال بتاريخ 31 -7 مش عارف ليه
المشكلة إن البنك لحد دلوقتى لسة مخلصش الجواب و احتمال يخلصه بكرة أو يوم السبت بالكتير .... و انا طبعا رخصى خلصانة و أكيد طبعا انتوا عارفين إنه الإسبوع ده الإدارة المركزية للمرور عاملة حملة لحزام الأمان و الدنيا مرشقة كماين فى كل حتة
السؤال بقى ... ينفع أمشى بالعربية و بالوصل بتاع الضريبة ده عادى (مع العلم إنى ماشى بالملف كله معايا)
انا سألت كذا حد قالولى أه عادى بس مش عارف انا قلقان جدا ... و الله أعلم أنا عديت امبارح من كمين بشق الأنفس بعد ما قريت كل القرأن اللى أنا حافظه
أسف للإطالة بس عاوز ردودكم بسرعة الله يخليكوا لأنى لازم أروح مشوار بالعربية انهاردة و متوتر و حالتى نيلة أوى
:36_1_1[1]: