هوا ممكن بيريح شويه
هوا ممكن بيريح شويه
والله فعلا الحمد لله ان ربنا رحمه منك
وصاحب الحمار الي في الصوره ده برضه معندهوش رحمه
الراجل واقف بيبيع المفروض بيفك الحمار من الرسن بتاعه
والحمار بيبقي حر وبينام في اي حته علي جمب لغاية لما الراجل يخلص ويربطه تاني وياخده ويرجع
لاكن طبعا البني ادم المقرف ده مش متخيل قد ايه النومه دي في الوضع ده مؤلمه للحمار
A.Yakout
لا حول ولا قوة الا بالله
فعلا حرام عليه
امرأه دخلت النار في"قطه"
عن عبد الله بن عمر رضي الله عنهما أن رسول الله - صلى الله عليه وسلم - قال : ( عُذّبت امرأة في هرّة ، سجنتها حتى ماتت ، فدخلت فيها النار ؛ لا هي أطعمتها ، ولا سقتها إذ حبستها ، ولا هي تركتها تأكل من خشاش الأرض ) متفق عليه.
مع احترامي لكل الناس الافاضل اللي بترد
هو انتو رحتو سالتو الحمار وهو اشتكي؟
مش ساعات بنبقي نايمين وكل حته في جسمنا في مكان واللي يشوفنا يفتكرنا بنتالم ومع ذلك نبقي مرتاحين؟
الأخ اللي بيقول المفروض يسيبه وهو حر ينام في اي حته علي جنب !!!!!!!!!!! ده حمااااااااااااااار وده شارع يبقي ازاي في اي حته علي جنب؟
مره كنا في الغيط انا ووالدي وكنا بنشيل شوال ذره عليه واول مالفيت ضهري عشان اشيل الشوال ملقتش المعلم قدامي وطار علي البيت وجراني واراه اكتر من كيلو ورجعت لقيت والدي بشيل الشوال بنفسه وبسبب كده جاله الغضروف وحاليا عند عجز في رجله
وبعدين ايه الحمد لله ان ربنا رحمه منك دي؟ هو انا عشان حكيت موقع كنت خارج عن شعوري فيه وربنا اعلم يوميها انا كان ايه ظروفي يبقي كل واحد ممكن يكون عمره ماشاف حمار يقول ربنا رحمه منك؟
انا حاسس ان الناس عايشه في دوله تانيه خالص
شئ طبيعي جدا ان الحمار يتضرب ومن غير كده لو بست رجله مش هيمشي - امال هو اسمه حمار ليه؟
علي فكره معلومه بسيطه عن الحمار - معظمهم لما بيبقي مستريح عند صاحبه بيتعلم العض والرفس وانا عمي كان عنده كتير كده وفي الأخر كان بيضطر يبيعهم لانه مش قادر عليهم
ياريت بقي اللي محدش يرد علي التعليق اللي انا كنت كتبته وانا اسف اني كتبته اصلا لاني كنت فاكر اني بتكلم مع اخواتي