الموضوع: إزاي نختار زوجة و أم صالحة ؟

ممكن اه يكون كان مقطع السمكة وديلها وتاب وربنا يديله واحدة كويسة ممكن لكن ميتكلش على كده
لأن ربنا لازم يتوب عليه الاول عشان يعرف يتوب وشرط التوبة الأساسى هو الندم مش اللى بيعمل ببساطة وبدون شعور بالذنب ويقول هابقى اتوب وبعدين ان ربنا يقبل توبته لو كانت حقيقية لأن فى ناس بتتهدى شوية بعد الجواز وبعدين الطبع يغلب التطبع ومفيش عنده عزم على عدم العودة ولا حاجة وصعب جدا ان واحدة تتقارن بعشرين كانوا علطول بيقابلوه طالعين من عند الكوافير مش لسه صاحيين من النوم ومش حطين مكياج ومش بيجروا ورا 3 عفاريت صغيرين طول النهار ...........الخ
وهو اصلا نوع من انواع العقاب للى لف ودار انه بيفق د ثقته فى البنات من كتر اللى شافه وانا فعلا واحد قريبى مش عارف يتجوز بسبب الموضوع ده وانا قلت له اللى بتدور عليها عمرها مهتقابل امثالك لأنها مبتعملش اللى البنات اللى انت بتعرفهم بيعملوه هو بقى مقتنع ان البنت تكلم الولد على التليفون وتقابله عادى بس مازال هو يقدر يفرق بين المحترمة والغير محترمة وده بالنسبة لى عجب لأن ازاى محترمة وتعمل كده اصلا

الطريق انك تلتزم الأول وتدعى ربنا لأن هو اللى ينقذك من الوقوع فى ايد واحدة مش كويسة مش ذكائك ولا شطارتك لأن الجواز ده رزق وقول اللهم اصلح لى شأنى كله و لا تكلنى الى نفسى طرفة عين

والأستشارة والأستخارة اهم حاجة
لو عملت استخارة وانت موقن الموضوع هيمشى او هيقف حسب مصلحتك