أين يمكن أن أقوم بتجربة قيادة للجيب رانجلر

**shifou** · 29-09-2010 10:30 PM

السلام عليكم ورحمة الله وبركاته،،
لدي بضعة أسئلة لخبراء الجيب، ولكم جزيل الشكر:

هل يوجد في القاهرة أو الأسكندرية أي موزع للجيب يوفر خدمة تجربة القيادة (Test Drive) للسيارة رانجلر؟ مع العلم أني لست عضواً في Jeep Club.
هل سيتم البدأ في توفير الموديل الجديد 2011 هذا العام في مصر (الشكل الجديد للتابلوه والطارة، الرفارف والسقف الصلب بلون الجسم)؟

شكراً وجزاكم الله خيراً.

م. محمود عبد الشافي
سبحانك اللهم وبحمدك ، أشهد أن لا إله إلا أنت أستغفرك وأتوب إليك

**shifou** · 03-10-2010 03:11 AM

السلام عليكم ورحمة الله وبركاته،،
إيه يا جماعة، ما حدش جاوبني على أسئلتي رغم إنها عادية، وما شاء الله في خبراء في هذا المنتدى الواحد صعب يلاقي زيهم متجمعين في مكان واحد.

عموماً لو حد عنده بالفعل الـ"Jeep Wrangler Unlimited" يا ريت يقولَي على كمبيوتر السيارة (Trip Computer) الموجود فيها إيه مميزاته؟ وشكراً لكم جميعاً.

م. محمود عبد الشافي
سبحانك اللهم وبحمدك ، أشهد أن لا إله إلا أنت أستغفرك وأتوب إليك

**M!NA** · 03-10-2010 11:02 AM

للأسف مش هقدر أفيدك...

بس ممكن أقترح عليك تتصل بالتوكيل

شركة أبوغالى موتورز11 شارع القبة - روكسى - مصر الجديدة
ت/ 24555000
مركز الخدمة الرئيسى
الكيلو 28 طريق مصر -الإسماعيلية
ت/ 46300000

أو عز العرب (أول طريق مصر اسكندرية الصحراوي)

**shifou** · 06-10-2010 11:05 PM

مش قادر أصدق إن محدش رد على أي سؤال من أسئلتي، يعني معقول مفيش حد عنده أي معلومات عنها.
عموماً شكر كبير جداً للعضو الرائع m!na لأنه الوحيد اللي ساعدني رغم إنه معندوش إجابات لاستفساراتي.

**M!NA** · 07-10-2010 12:51 AM

المشاركة الأصلية كتبت بواسطة shifou

مش قادر أصدق إن محدش رد على أي سؤال من أسئلتي، يعني معقول مفيش حد عنده أي معلومات عنها.
عموماً شكر كبير جداً للعضو الرائع m!na لأنه الوحيد اللي ساعدني رغم إنه معندوش إجابات لاستفساراتي.

العفو يا باشمهندس محمود... بس هل جربت تتصل بالتوكيل؟؟ و ردوا قالولك ايه؟؟